ယသိၣ်လိက့ၤယသး လၢယဃ့ၢ်ြပၢ တၢ်ဃ့ၢ်ြပၢဒီတစိၤလၢအယံၤ (တာဗ၀းအဗြပး့ ျပိုင်ပွဲ) ၀ဲန့ၣ်‚ မ့ၢ်တၢ်လၢ အကဲထီၣ် တၢ်အတမုာ်တလၤ၀ဲဒီး လၢခံကတၢၢ် မ့ၢ်၀ဲ တၢ်သးဟးဂီၤလၢ ယဂီၢ်လီၤႉ ယကဘၣ်အိၣ်ဂၢၢ်အိၣ်ကျၢၤယဲဒၣ် ဘၣ်ဆၣ် ယတအိၣ်ဂၢၢ်ဘၣ်ယဲဘၣ်ဒီး ယဘၣ်ခါထီၣ်ယဲဒၣ်လီၤႉ တၢ်တခါအံၤ မၤသးဒ်ယလီၤတဲာ် လၢတၢ်ဒိးစဲအပူၤလီၤႉ အန့ၢ်ဒီး ယသ့ၣ်နီၣ်ထီၣ်ယဲတၢ်အံၤ မ့ၢ်ဒၣ် တၢ်သိၣ်လိက့ၤသးလၢ ယဂီၢ်န့ၣ်လီၤႉ တၢ်အံၤ တမ့ၢ်လၢ ယကဖျိတၢ်ဒိးစဲးအဂီၢ် ဒီးဒ်သိးယကမၤန့ၢ် တၢ်အပတီၢ်ထီအဂီၢ်ဘၣ်ႉ အခိၣ် တလိာ်‚ မ့ၢ်ဒ်သိးယကမၤကဒီး တဘျီ၀ံၤတဘျီ ဒ်သိး ယတၢ်အိၣ်မူအတီၤ ကထီထီၣ်၀ဲဒၣ်အဂီၢ်လီၤႉ
ဘၣ်တဘၣ် နကသူၣ်ကိၢ်သးဂီၤလၢ နထံၣ်ဘၣ် သဂၢၢ်ဘၣ် တၢ်ကိၢ်တၢ်ဂီၤအဃိလီၤႉ တၢ်အံၤ မ့ၢ်ဒၣ်ယွၤပျဲအခွဲး ဒ်သိးပကဒိးမၤကွၢ်ပသး ဒီးမၤန့ၢ်နီၢ်သးအဂံၢ်အဘါ ဒ်သိး ပကဆူၣ်၀ဲဒၣ် အဂီၢ်လီၤႉ အ၀ဲသိၣ်လိပှၤ ဒ်သိးပကသန့ၤပသးလၢအီၤ‚ ဒီးပစီပှၤဒ်သိး ပကစီဆှံ ထီၣ် ဒ်သိးပကလီၤဂာ်အါထီၣ်ဒီးခရၠာစးံာ်န့ၣ်လီၤႉ
ပကမၢကမၣ်အလီၢ်တအိၣ်ဘၣ် လၢပှၤကွဲးလံာ်ထါစံးထီၣ်ပ့တၢၤတဂၤ သး၀ံၣ်စံးထီၣ်ပ့တၢၤက့ၤကစၢ်ယွၤ လၢမၤဂ့ၤမၤ၀ါထီၣ်က့ၤ ပှၤအံၣ်စရၠာစး့လးဖိတဖၣ်လၢမ့ၣ်အူဒီးထံ (စံး ၆၆း၁၀-၁၂) ဖဲလၢအ၀ဲသ့ၣ် ဘၣ်ကဲကုၢ်အကတီၢ်အဂ့ၢ် န့ၣ်လီၤႉ ကစၢ်ယွၤန့ၣ် တမ့ၢ်ထဲ လၢအံးထွဲကွၢ်ထွဲဒီးဆှၢအ၀ဲသ့ၣ်ဆူ တၢ်လၢတၢ်ပှဲၤ အလီၢ်ဧိၤန့ၣ်ဘၣ်ႉ မ့မ့ၢ်တခီ မၤကဆှီထီၣ်အ၀ဲသ့ၣ် တဆီဘၣ်တဆီ လၢအ၀ဲသ့ၣ် အတၢ်လဲၤခီဖျိအပူၤစ့ၢ်ကီးန့ၣ်လီၤႉ
ဒ်ပလဲၤခီဖျိ တၢ်မၤကွၢ်အသိး‚ ပသန့ၤပသးလၢယွၤ လၢပဂံၢ်ပဘါကအိၣ်အဂီၢ် ဒီးပကဂၢၢ်ကျၢၤ၀ဲအဂီၢ်န့ၣ်လီၤႉ အ၀ဲမၤဂ့ၤမၤ၀ါထီၣ်ပှၤ ခီဖျိ ပတၢ်ကွၢ်ဆၢၣ်မဲာ် တဖၣ်န့ၣ်လီၤႉ