ဖဲယသးအိၣ်ဃုနံၣ်အခါ ယဒိး ရၠာစးိလၢၣ်ခီးစထၢၣ်လ့ၣ်ကဟၣ်လၢ အဃ့ၢ်တရၠာစးံးဆူ မူဖးဖီ အဆိကတၢၢ်တဘျီ လၢ ယ၀ဲၢ်ပိာ်ခွါန့ၣ်လီၤႉ တဘျီဃီ ဖဲအ၀ဲဒုးဆူၣ်ထီၣ်၀ဲ လ့ၣ်ကဟၣ်အံၤ အဃ့ၢ်သဟီၣ်ဆူၣ်နးထီၣ်အဃိ ယကိးပသူထီၣ်ယဲ‚ ‘‘ပာ်ကတီၢ်ကွံာ် ခဲလၢာ်တဘီ‚ ယအဲၣ်ဒိးစံၣ်လီၤလံ’’ န့ၣ်လီၤႉ အခိၣ်တလိာ် ရၠာစးိလၢၣ်ခီးစထၢၣ်တခီ‚ တအိၣ်ကတီၢ်၀ဲဘၣ်အဃိ ပဘၣ်စှီၤဃာ် တၢ်ကပၤ ကျၢၤကျၢၤ တုၤပဒိးတၢ်အံၤ အ၀ံၤတစုလီၤႉ
တဘျီဘျီ ပတၢ်အိၣ်မူန့ၣ်လီၤဂာ်ဒ် ပဒိးဘၣ်ရၠာစးိလၢၣ်ခီးစထၢၣ် လၢအတမုာ်တလၤ‚ ဃုာ်ဒီး ‘‘တၢ်ထီၣ်ထီၣ် တၢ်လီၤလီၤ’’ အံၤ န့ၣ်လီၤႉ ဖဲလၢ ပတမုၢ်လၢ်ဘၣ်အခါ တၢ်ကီတၢ်ခဲ မ့ၢ်ဟဲအိၣ်ထီၣ်အခါန့ၣ် လံာ်စီဆှံတဲဘၣ်ပှၤ လၢပတၢ်ပာ်ဂံၢ်ပာ်ဘါအလီၢ်န့ၣ် မ့ၢ်၀ဲ တၢ်အိၣ်ဒီးတၢ်စူၢ်တၢ်နာ်ယွၤနီၢ်နီၢ်န့ၣ်လီၤႉ အခါတဘျီ ဖဲလၢဒူၣ်ဒါ သုးမုၢ်ဂီၢ်မုၢ်ဟဲနုာ်လီၤ ဆူထံကီၢ်အပူၤဒီး က၀ီၤဃာ် အ၀ဲသ့ၣ် အခါန့ၣ် သးစီဆှံ ဟဲလီၤလၢ ၀ံယ့ှှှါယၤ အလိၤဒီးယွၤစံးဘၣ်အီၤ‚ ‘‘ပှၤအသးလၢသန့ၤအသးလၢနၤန့ၣ် နကပၢၤအီၤလၢတၢ်ဃူတၢ်ဖိး အလၢအပှဲၤန့ၣ်လီၤႉ အဂ့ၢ် ဒ်အံၤ‚ သန့ၤအသးလၢနၤလီၤ ( ယ့ှှါ ၂၆း၃) ႉ
ဒ်ပဃ့ၣ်ကဒါက့ၤ ပသးဆူ ယွၤအအိၣ်ပတၢ်အုၣ်ခီၣ်ကစၢ်ဟ့ၣ်လီၤ တၢ်ဃူတၢ်ဖိးအသိး‚ ‘‘ဒီးယွၤအတၢ်ဃူတၢ်ဖိးလၢ အဒိၣ်န့ၢ်ယိာ်န့ၢ် ကယဲၢ်ပသ့ၣ်ညါနၢ်ပၢၢ် တၢ်န့ၣ်ကပၢၤသုသူၣ်သုသးဒီး သုဆိကမိၣ်တၢ်လၢ ယ့ၣ်။းခရၠာစးံာ်အပူၤလီၤ’’ (ဖံး ၄း၇) ႉ ယတသးပ့ၤနီၣ်ပိာ်မုၣ် လၢအတူၢ်ဘၣ် နူၢ်ခဲစၢၣ်တဂၤ အတၢ်ကတိၤနီတဘျီဘၣ်လီၤႉ ဖဲပတၢ်အိၣ်ဖှိၣ်အက့ှူၢ် လဲၤဘါထုကဖၣ်တၢ်လၢအဂီၢ်အခါန့ၣ် အ၀ဲဒၣ်စံး၀ဲ‚ ‘‘ယတသ့ၣ်ညါဘၣ် တၢ်ကမၤအသးဆူညါဒ်လဲၣ်ဘၣ်‚ ဘၣ်ဆၣ်ဒီး ယသ့ၣ်ညါလၢ ယကအိၣ်မုာ်အိၣ်ခူၣ်ဘၣ်လီၤႉ မ့ၢ်လၢ ယွၤအိၣ်ဒီးပှၤလၢ တနၤညါအံၤ အဃိလီၤ’’ႉ
တၢ်အိၣ်မူကအိၣ်ဒီး အတၢ်ကီတၢ်ခဲဒၣ်၀ဲလီၤႉ ဘၣ်ဆၣ် ပတၢ်အုၣ်ခီၣ်ကစၢ် လၢ အဲၣ်ပှၤဒိၣ်န့ၢ် ပသးသမူ တဂၤအံၤ ဒိၣ်န့ၢ် တၢ်ခဲလၢာ်လီၤႉ