ခီလ့ၣ်ကၠိသရၠာစးၣ်ဒိၣ်စိ ဒ့ပ့း ဖီၣ်စတၢ် ၀ီလ့း ဖုးဘၣ်မးအသး မ့ၢ်လၢအပျဲၢ်တဖၣ် အတၢ်ကွဲးလံာ်ကွဲးလဲာ် တဂ့ၤဒိၣ်ဒိၣ်ကလဲာ်အပူၤအဃိ အ၀ဲဆိကမိၣ်၀ဲ လၢကဘၣ် မၤဂ့ၤပတီၢ်ထီထီၣ် အပျဲၢ်အဘီၣ်တဖၣ်ဒ်လဲၣ်န့ၣ်လီၤႉ သရၠာစးၣ်ဒိၣ်စိအံၤ သံကွၢ်လီၤက့ၤ အသး ‘‘ဘၣ်မနုၤအဃိ အပှၤမၤလိတၢ်ဖိတဂၤန့ၣ် ကဒိကနၣ်တၢ် ပှၤဒ်သိးအီၤ လၢအမ့ၢ်၀ဲ‚ ပှၤလၢအသးမံလီၤက့ၤအသးဒၣ်၀ဲ‚ ဒီးတၢ် လၢအအံၣ်ဆံး‚ ဒီးတၢ်ပာ်ဒိၣ်လီၤသး’’ န့ၣ်လီၤႉ အ၀ဲ သ့ၣ်ညါလီၤအသးလၢ အအိၣ်ဒီး တၢ်ကီတၢ်ခဲတမံၤ လၢ တၢ်ပာ်ထီၣ်ထီသးန့ၣ်လီၤႉ
သရၠာစးၣ်ဒိၣ်စိအံၤ ဆီတလဲကွံာ်၀ဲအသး အပျဲၢ်တဖၣ် အဂီၢ် သ့၀ဲဒၣ်လီၤႉ ဘၣ်ဆၣ် အ၀ဲတကဲထီၣ်အပျဲၢ်အကျါတဂၤဘၣ်ႉ ဘၣ်ဆၣ် ဖဲလၢယ့ၣ်။းဟဲလီၤဆူ ဟီၣ်ခိၣ်ချၢအခါန့ၣ် အ၀ဲဒုးနဲၣ်ဖျါထီၣ် တၢ်ဆီၣ်လီၤသး ဒ်ပ၀ဲအကျါတဂၤအသိးလီၤႉ အ၀ဲခါပတီၢ်ကွာ် တၢ်အပတီၢ်တဖၣ် ဒီး မၤ၀ဲဒ်အဟံၣ်ဒၣ်၀ဲအသိး လၢအလဲၤတပူၤလၢ်လၢ်‚ လၢအတၢ်သိၣ်လိဒီး အတၢ်မၤ ဒ်အပၢ်ကစၢ်အတၢ်ဘၣ်အသးအသိးန့ၣ်လီၤႉ ဖဲလၢ အဘၣ်တၢ်ပျၢ်ထီအီၤအခါဒၣ်လဲာ်န့ၣ် အ၀ဲဘါထုကဖၣ်တၢ် လၢပှၤပျၤထီအီၤတဖၣ်အဂီၢ် ဒ်သိးအ၀ဲသ့ၣ် အတၢ်ဒဲးဘးကပျၢ်အဂီၢ်လီၤ (လူၤကၣ် ၂၃း၃၄) ႉ ၀ံတၢ်ယိးတၢ်ဃၢခဲလၢာ်ဘၣ်ဃး ပတၢ်ကိၢ်တၢ်ဂီၤခဲလၢာ်‚ ဒီးဟ့ၣ်စ့ၢ်ကီး တၢ်မူအထူအယိာ် ဆူပှၤလၢ အတူၢ်တၢ်လၢထူၣ်စုညါ လၢအကပၤတဂၤအအိၣ်ဒၣ် လဲာ်န့ၣ်လီၤ (း၄၂-၄၃) ႉ
ဘၣ်မနုၤအဃိ ယ့ၣ်။းမၤတၢ်ဒ်န့ၣ်လဲၣ်ႉ ဘၣ်မနုၤလၢ အ၀ဲဟ့ၣ်လီၤအသးဆူ ပှၤဒ်သိးပ၀ဲဒၣ်တဖၣ်အဂီၢ် တုၤအ၀ံၤတစုလဲၣ်ႉ တၢ်မၢဖိစီၤယိၤဟၣ် တဲ၀ဲလီၤတံၢ် ဖျါဖျါန့ၣ်လီၤႉ လၢတၢ်အဲၣ်အပူၤ အ၀ဲကွဲး၀ဲ‚ ‘‘မ့ၢ်အ၀ဲဒၣ်ပာ်လီၤကွံာ်အသးသမူလၢ ပဂီၢ်သတးဒီး ပသ့ၣ်ညါ၀ဲ တၢ်အဲၣ်တၢ်ကွံန့ၣ်လီၤ’’ႉ ဒီးကစံးကဒီး၀ဲ‚ ‘‘ဒီးပ၀ဲဒၣ်အံၤ ဂ့ၤပပာ်လီၤကွံာ်ပသးသမူ လၢပဒီပုၢ်၀ဲၢ်အဂီၢ်စ့ၢ်ကီးလီၤ’’ ( ၁ ယိၤ ၃း၁၆) ႉ
ကစၢ်ယ့ၣ်။း အတၢ်အဲၣ်မၤ ဟးဂီၤကွံာ် ပတၢ်ပာ်ထီၣ်ထီပသး ပတၢ်ပာ်ဂ့ၤ ပာ်၀ါလီၤပသး‚ ဒီးပတၢ်ပာ်တီပာ်လိၤလီၤ ပသးတဖၣ်န့ၣ်လီၤႉ အ၀ဲ မၤတၢ်န့ၣ်တဖၣ် အံၤ ခီဖျိ အ၀ဲအတၢ်စိတၢ်ကမီၤအကျဲန့ၣ်လီၤႉ အ၀ဲအံၤ မ့ၢ်တၢ်ဟ့ၣ်လီၤပသးန့ၣ်လီၤႉ