ယမိၢ်ဒီးယပၢ် ဖျီအသး ဖဲ ၁၉၃၃ နံၣ်‚ လၢတၢ်ဆီၣ်သနံးဖးဒိၣ်အကတီၢ်န့ၣ်လီၤႉ ယမါဒီး ယၤ ပအိၣ်ဖျဲၣ်ထီၣ် ဖဲတၢ်အကတီၢ် လၢအဘၣ်တၢ်သ့ၣ်ညါအီၤ ဒ်ဖိသၣ်အိၣ်ဖျဲၣ်အါ အကတီၢ်‚ ပိာ်ထွဲထီၣ် တၢ်ဒုးဖးဒိၣ်ခံဘျီတဘျီန့ၣ်လီၤႉ ပဖိမုၣ်လွံၢ်ဂၤ‚ အိၣ်ဖျဲၣ်ဖဲ ၇၀ ဒီး ၈၀ နံၣ်တဖၣ်အပူၤ လၢအဘၣ်ထွဲဒီးဒူၣ်ဖိထၢဖိတစိၤဘၣ်တစိၤဒီး‚ အ့း ဒီး ၀ဲၣ် အစိၤ န့ၣ်လီၤႉ တမ့ၢ်တၢ်လီၤကမၢကမၣ် လၢပတၢ်ထံၣ် ဒီးတၢ်ပာ်သူၣ်ပာ်သးတဖၣ် တဒ်သိးလိာ်သး လၢတၢ်အါမံၤအဖီခိၣ်‚ မ့ၢ်လၢပဒိၣ်ထီၣ် အစိၤအဆၢကတီၢ်တဖၣ်စ့ၢ်ကီး တဒ်သိးလိာ်သးအဃိန့ၣ်လီၤႉ
စိၤတဖၣ် အိၣ်ဒီးတၢ်လီၤဆီလိာ်သးဖးဒိၣ်‚ လၢအတၢ်လဲၤခီဖျိဒီး တၢ်ပာ်လုၢ်ပာ်ပရၤန့ၣ်လီၤႉ ဒီးတၢ်အံၤ မ့ၢ်တၢ်မ့ၢ်တၢ်တီ လၢပှၤပိာ်ယ့ၣ်။းအခံတဖၣ်အသိးအကျါ န့ၣ်လီၤႉ ဘၣ်ဆၣ် ပကူပသိးတၢ်မနုၤဒီး ပအဲၣ်တၢ်သူၣ်၀ံၣ်
သးဆၢဒ်လဲၣ်တဖၣ် အကါတဒိၣ်‚ ပတၢ်စၢဃာ်လၢ နီၢ်သးဂၢၢ်ကျၢၤန့ၣ်ဒံး ပှၤလၢ အတဒ်သိးဒီးပှၤတဖၣ်န့ၣ်လီၤႉ
စံးထီၣ်ပ့တၢၤ ၁၄၅‚ လၢအမ့ၢ်တၢ်သး၀ံၣ် စံးထီၣ်ပ့တၢၤယွၤတယုၢ်အံၤ‚ တဲဖျါထီၣ် ပတၢ်စၢဃာ်လၢတၢ်နာ်အပူၤန့ၣ်လီၤႉ ‘‘ပှၤတစိၤ ကစံးထီၣ်ပ့တၢၤ နတၢ်မၤ လၢပှၤတစိၤဒၣ်‚ ဒီးကဒုးနဲၣ် နတၢ်မၤအဒိၣ်တဖၣ်လီၤႉ တၢ်သ့ၣ်နီၣ်ထီၣ်က့ၤ နမၤဂ့ၤ တၢ်လၢအအါန့ၣ် ကထီၣ်ဖျဲးလၢအထးခိၣ်‚ ဒီးကသး၀ံၣ်သးဆၢ နတၢ်တီတၢ်လိၤလီၤ’’ (း၄‚၇) ႉ လၢပတၢ်လီၤဆီလိာ်သးဖးဒိၣ် လၢတၢ်လဲၤခီဖျိဒီး သးနံၣ်လါအပူၤ‚ ပဟဲ ပာ်ဖှိၣ်ပသး ခီဖျိပမၤလၤကပီၤ ကစၢ်န့ၣ်လီၤႉ ‘‘ကကတိၤတၢ် လၢနဘီနမုၢ် အလၤကပီၤ အဂ့ၢ်အကျိၤ‚ ဒီးကစံးဘၣ်တဲဘၣ်တၢ် လၢနစိနကမီၤအဂ့ၢ်အကျိၤ’’ (း၁၁) /
ပတဒ်သိးလိာ်သးဒီး ပသးမ့ၢ်တလီၤပလိာ်သနာ်က့‚ ပအိၣ်ဒီးတၢ်နာ်တမံၤဃီ လၢခရၠာစးံာ်အပူၤကိးဖှိၣ်ပှၤတပူၤဃီ လၢတၢ်နာ်န့ၢ်လိာ်သးကဒဲကဒဲ‚ တၢ်ဟ့ၣ်ဂံၢ်ဟ့ၣ်ဘါ လိာ်သကိးပသး‚ ဒီးတၢ်စံးထီၣ်ပ့တၢၤလိာ်ပသးန့ၣ်လီၤႉ ပသးအနံၣ်အလါ ဒီးတၢ်ပာ်သူၣ်ပာ်သးဒ်လဲၣ်ဂ့ၤ‚ တဂၤဒီးတဂၤပလိၣ်ဘၣ်လိာ်ပသးန့ၣ်လီၤႉ ပအိၣ်ဖျဲၣ် လၢစိၤခ့ခါမတၤ‚ အကါတဒိၣ်‚ ပမၤလိတၢ်လၢ တဂၤဒီးတဂၤအအိၣ်ဒီး မၤလၤကပီၤ သကိးကစၢ်ယွၤ‚ ‘ဒ်သိးအကဘိးဘၣ်သ့ၣ်ညါပှၤကညီဖိ လၢအတၢ်မၤအဒိၣ်‚ ဒီးလၢ
အဘီအမုၢ်န့ၣ် အကဟုအကညီၢ်အိၣ်ဒီးအလၤကပီၤလီၤ (း၁၂) ႉ