ဘၣ်တဘျီပှၤသးစၢ်တဖု လဲၤဟးလၢတၢ်ကဟုကယာ်ပှၤသးပှၢ်တဖၣ်အဟံၣ် လၢအအိၣ်လၢမိၣ်ထ့ဂူပီၣ်Bတီၤ‚ ကၠ့မ့ၤကါကီၢ်န့ၣ်‚ ပိာ်မုၣ်သးစၢ်တဂၤ ထံၣ်စိဃီၤပှၤတဂၤ လၢအအိၣ်ထဲတဂၤဧိၤ လၢဒၢးအကတၢၢ်န့ၣ်လီၤႉ ပှၤတဂၤအံၤ‚ ဖျါလၢ တၢ်မနုၤမးတအိၣ်ဒီးအီၤလၢၤ‚ ဒီးထဲဒၣ်လီၢ်မံ လၢအ၀ဲမံလီၤ၀ဲ လၢအဖီခိၣ်ဒီး ဟးတသ့လၢၤ မ့ၢ်လၢနီၢ်ခိဂံၢ်စၢ်ဘါစၢ်အဃိလီၤႉ
သးစၢ်မုၣ်အံၤ လဲၤဆူအအိၣ်တထံၣ်ဃီ‚ ဒီးစံးဘၣ် တဲဘၣ်အီၤ လၢယွၤကလုၢ်ကထါတၢ်မ့ၢ်တၢ်တီ လၢအဘၣ်ထွဲဒီး ယွၤအတၢ်အဲၣ်ဒီး ဖးန့ၢ်အီၤ လၢလံာ်စီဆှံ အဆၢန့ၣ်လီၤႉ လၢခံသးစၢ်မုၣ်အံၤ စံးက့ၤ‚ ‘‘ဖဲယဟ့ၣ်ခီ ဟ့ၣ်နီၤအီၤ လၢယွၤအကလုၢ်ကထါအခါ‚ ယသ့ၣ်ညါဘၣ်လၢ အ၀ဲဒၣ်ဆၢနၢ်ဟူဘၣ်၀ဲ အါထီၣ်အါထီၣ်န့ၣ်လီၤႉ မ့ၢ်လၢအ၀ဲသ့ၣ်ညါ လၢပှၤတဂၤအံၤအိၣ်ဒီး တၢ်သးဆူၣ်အဃိ‚ အ၀ဲစံးကဒီးအီၤ လၢတၢ်လီၤလးလၢအမ့ၢ်ခရၠာစးံာ် အတၢ်တူၢ်သံသးလၢပဂီၢ်န့ၣ်လီၤႉ မ့ၢ်တၢ်ကီလၢ ပှၤလၢဟံၣ်ဖိဃီဖိဒီးတၢ်မုၢ်လၢ်တအိၣ်လၢၤတဂၤ‚ ဒ်သိးကနၢ်ပၢၢ် ပှၤလၢတထံၣ်လိာ်ဘၣ်အသးဒီးအီၤ နီတဘျီ‚ တူၢ်သံအသး လၢထူၣ်စုညါအလိၤ လၢအတၢ်ဒဲးဘးကဘၣ်တၢ်ပျၢ်အီၤအဂီၢ်လီၤႉ
ဖိသၣ်မုၣ်အံၤ တဲဘၣ်အါထီၣ်အီၤ လၢယ့ၣ်။းအဂ့ၢ်‚ ဒီးတၢ်အၢၣ်လီၤလၢ မူခိၣ်ဘီမုၢ်အဂ့ၢ် (ဃုာ်ဒီးနီၢ်ခိအသီ) လၢပှၤလၢအစူၢ်က့ၤနာ်က့ၤတၢ်ကိးဂၤအဂီၢ် အဂ့ၢ်န့ၣ်လီၤႉ အ၀ဲသံကွၢ်ဖိသၣ်မုၣ်အံၤ‚ ‘‘နကဂဲၤကလံာ်ဒီးယၤ ဖဲန့ၣ်ဧါ’’ /ပထံၣ်ဘၣ်လၢပှၤတဂၤအံၤ ဆိကမိၣ်လီၤက့ၤအသး ဒ်အမ့ၢ်ပှၤ လၢအပူၤဖျဲးထီၣ် ကွံာ် လၢအနီၢ်ခိလီၢ်လံၤ ဒီးလၢအတၢ်ဂံၢ်စၢ်ဘါစၢ်အံၤလံန့ၣ်လီၤႉ
ဖဲအ၀ဲစံးဘၣ် လၢအသးအိၣ်နာ်ယ့ၣ်။း ဒ်အတၢ်အုၣ်က့ၤခီၣ်က့ၤကစၢ်န့ၣ်‚ ဖိသၣ်မုၣ်အံၤမၤစၢၤအီၤ ဒ်သိးကထုကဖၣ်လၢ တၢ်ပျၢ်တၢ်ဒဲးဘးဒီးတၢ်နာ်န့ၣ်လီၤႉ ဖဲဖိသၣ်မုၣ်အံၤ သံကွၢ်အီၤ လၢကဒိသကိးတၢ်ဂီၤကသ့ဧါန့ၣ်ဒီး အ၀ဲဒၣ်စံးဆၢလၢ ‘‘နမ့ၢ်မၤစၢၤယၤ ဒ်သိးယကဆ့ၣ်နီၤဧါႉ ယကဲထီၣ်ပှၤအသီတဂၤလံ’’န့ၣ်လီၤႉ
မ်ပစံးထီၣ်ပ့တၢၤယွၤ လၢခရၠာစးံာ်အတၢ်သးခုကစီၣ်လၢ အဆီတလဲ ပတၢ်အိၣ်မူ‚ အဟ့ၣ်ပှၤတၢ်မုၢ်လၢ်ဒီး ပှၤကိးဂၤန့ၢ်ဘၣ်အီၤသ့ အဃိန့ၣ်တက့ၢ်ႉ ဒီးဟ့ၣ် တၢ်အိၣ်မူအသီဆူ ပှၤကိးဂၤလၢအနာ်အီၤန့ၣ်လီၤ (ကလီး ၁း၅‚၂၃) ႉ