မ့မ့ၢ်ဒၣ်ထဲ တၢ်သူၣ်ထီၣ်တၢ်အဒိတခါသနာ်က့‚ ပှၤအံၣ်စရၠာစး့လး တၢ်အိၣ်ဖှိၣ်အဒဲလၢ ဘၣ်တၢ်သူၣ်လီၤအီၤ လၢကီၢ်အံၣ်စရၠာစး့လးကလံၤထံးအံၤ မ့ၢ်တၢ်လီၤဘီလီၤမုၢ် လၢအထုးန့ၢ်ပှၤသးန့ၣ်လီၤႉ တၢ်သူၣ်ထီၣ်အီၤ ဒ်တၢ်နီၢ်ကီၢ် ဒီးတၢ်ထိၣ်ဒွးအီၤ လီၤတံၢ်လီၤဆဲးတသ့ဖဲအသ့ ဒ်တၢ်ပာ်ဖျါ လၢလံာ် ၂ မိၤရၠာစးရ ၂၅-၂၇‚ (ဘၣ်ဆၣ်‚ တဘၣ် တၢ်ကယၢအီၤနီၢ်နီၢ်ဒီး ထူဒီးသ့ၣ်ဖရ့ှှံးတၤ) အိၣ်ဆၢထၢၣ်ထီ လၢနကံၢ်မဲးမုၢ်ခိၣ်အပူၤန့ၣ်လီၤႉ
ဖဲပက့ှူၢ်ဟးကွၢ်ကီတၢ်‚ ဘၣ်တၢ်လဲၤယူၤပှၤဆူ တၢ်လီၢ်စီဆံှ ဒီးဆူတၢ်လီၢ်စီဆှံကတၢၢ် ဒ်သိးပကထံၣ် ဘၣ် တလါစီဆှံအဂီၢ်န့ၣ်‚ ပှၤတနီၤလၢပကျါ အိၣ်ပတုာ် တစိၢ်ဖိ လၢတၢ်သးတအိၣ်လဲၤ ဖဲတၢ်လီၢ်အံၤန့ၣ်လီၤႉ တၢ်လီၢ်အံၤ‚ မ့ၢ်တၢ်လီၢ်စီဆှံကတၢၢ် လၢထဲဒၣ် ပှၤလုၢ် တၢ်အခိၣ်တဂၤဧိၤ န့ၢ်ခွဲးန့ၢ်ယာ်လီၤဆီ လၢအကလဲၤနုာ် တမ့ၢ်ဘၣ်ဧါ‚ ပ၀ဲဒ်ပှၤပတီၢ်မုၢ်တဖၣ် ပလဲၤနုာ်ကသ့ဒ်လဲၣ်‚ ယဆိကမိၣ်ထီၣ်ယဲသ့ လၢပှၤအံၣ်စရၠာစး့လးဖိတဖၣ် မ့ၢ်အကအိၣ်ဒီး တၢ်ပျံၤတၢ်ဖုးဆံးအါ ဖဲအ၀ဲသ့ၣ် လဲၤဘူး ဒီးတၢ်အိၣ်ဖှိၣ်အဒဲ ဒ်သိးအကလဲၤလုၢ်ထီၣ်တၢ်အဂီၢ် တဘျီဘၣ်တဘီျ လၢအသးပူၤ အိၣ်ဒီးတၢ်သ့ၣ်ညါ လၢအဟဲတုၤဆူ ကစၢ်ယွၤ အမဲာ်ညါအဂ့ၢ်န့ၣ်လီၤႉ ဒီးအ၀ဲသ့ၣ် ကအိၣ်ဒီး တၢ်ကမၢကမၣ်တဘျီဘၣ်တဘျီ ဖဲယွၤကတိၤတၢ်ဒီးအ၀ဲသ့ၣ် ခီဖျိ စီၤမိၤဒီးန့ၣ်လီၤႉ
မုၢ်မဆါတနံၤအံၤ‚ နၤဒီးယၤပဟဲဆူကစၢ်ယွၤအအိၣ်လိၤလိၤသ့‚ မ့ၢ်လၢ ပသ့ၣ်ညါ လၢယ့ၣ်။းအတၢ်တူၢ်သံအသး‚ မၤလီၤပှီၢ်ကွံာ်တၢ်ဒူၣ် လၢယွၤဒီးပှၤ (ပ၀ဲ) သ့ၣ်တဖၣ် အဘၢၣ်စၢၤလံအဃိန့ၣ်လီၤ (ဧ့ၤBဘံၤ၁၂း၂၂-၂၃) ႉ ပ၀ဲတဂၤဘၣ်တဂၤ စုာ်စုာ်‚ ပကတိၤတၢ်ဒီးယွၤသ့ ကိးဆၢကတီၢ်ဒဲး‚ ဒီးနၢ်ဟူတၢ် လၢအ၀ဲစံးဘၣ် ဖဲပဖး အကလုၢ်ကထါအခါန့ၣ်လီၤႉ ပန့ၢ်ခွဲးန့ၢ်ယာ် ဒ်သိးပကရၠာစး့လိာ်ဘၣ်ပသးဒီးယွၤ လိၤလိၤ‚ ဒ်အမ့ၢ်တၢ် လၢပှၤအံၣ်စရၠာစး့လးဖိတဖၣ် ဘၣ်မံမီၢ်ဒၣ်၀ဲန့ၣ်လီၤႉ မ်ပကသးခု ဒီးပာ်လုၢ်ပာ်ပရၤ တၢ်န့ၢ်ခွဲးန့ၢ်ယာ်လီၤဆီ လၢပဟဲဘၣ်ဆူ ပၢ်အအိၣ်ကိးမုၢ်နံၤဒဲး‚ ဒ်ဖိလၢအဘၣ် တၢ်အဲၣ်အီၤတဖၣ်အသိးန့ၣ်တက့ၢ်ႉ