ဘၣ်တဘျီန့ၣ် ယပၢ်အၢၣ်လီၤ၀ဲလၢ ‘‘ဖဲနဒိၣ်ထီၣ်န့ၣ် ယလဲၤတၢ်က့ၤတၢ်လၢခိ အိၣ်မနဲညါလီၤ’’ႉ တၢ်န့ၣ်ယတသ့ၣ်နီၣ်ထီၣ်က့ၤလၢၤဘၣ်ႉ အတၢ်မၤလၢာ်ဆၢလၢာ် ကတီၢ် မၤ၀ဲတကးဒံးဘၣ်‚ အ၀ဲလဲၤဆူသရၠာစးိာ် ပူၤဟါပူၤဟါလၢ ကသိၣ်လိခွါယၢၣ်အဂီၢ်‚ တဘျီတခီၣ် အ၀ဲလဲၤ တၢ်တနွံခံနွံ‚ လဲၤတၢ်ဒ်သိးသိးဒီး အတံၤသကိးပိာ်ခွါ သး၀ံၣ်ခွါထဲး
တဖၣ်န့ၣ်လီၤႉ ဘၣ်ဆၣ် လၢတၢ်ဆၢကတီၢ်လီၤဆီလၢ ယတၢ်အိၣ်မူတဖၣ်အပူၤ အ၀ဲအိၣ်ဒီးယၤကိးဘျီဒဲးန့ၣ်လီၤႉ
အဒိ‚ ဖဲယသးအိၣ်ဃိးနံၣ်အခါ‚ ယအိၣ်ဒီး မူဒါ ဆံးဆံးဖိတခါ လၢမုၢ်ဃ့ၢ်လီၤတၢ်ဒိတၢ်တဲာ် လၢယကၠိမၤ၀ဲ န့ၣ်လီၤႉ မိၢ်ခဲလၢာ်ဟဲ၀ဲ‚ ဘၣ်ဆၣ် ပၢ်ဟဲထဲတဂၤလီၤႉ ဒီးမ့ၢ်ဒၣ်ယပါပၢ်လီၤႉ ထီဘိနှၣ် အ၀ဲဒုးသ့ၣ်ညါ ယၤဒီးယ၀ဲၢ် ပိာ်မုၣ်လၢ အမ့ၢ်ပှၤအကါဒိၣ်တဖၣ်လၢ အ၀ဲအဂီၢ်‚ ဒီးလၢ အ၀ဲအဲၣ်ပှၤန့ၣ်လီၤႉ ယထံၣ်ဘၣ် ယပၢ်အတၢ်အဲၣ်လၢ အကပုာ်လုး‚ အံးထွဲကွၢ်ထဲွ ပမိၢ်အတၢ်အိၣ်မူ လၢခံကတၢၢ်
စှၤနံၣ်အတီၢ်ပူၤန့ၣ် ယမၤန့ၢ် တၢ်မၤလိလီၤတံၢ် ဘၣ်ဃးတၢ်တအဲၣ်လီၤအသး မ့ၢ်တၢ် ဒ်လဲၣ်စ့ၢ်ကီးလီၤႉ ယပၢ်န့ၣ် တလၢတပှဲၤဘၣ်‚ ဘၣ်ဆၣ် အ၀ဲထီဘိ မ့ၢ်ပၢ်တဂၤလၢ အဒုးထံၣ်ယၤ တၢ်ထံၣ်အဂ့ၤဖိဘၣ်ဃး ယပၢ်လၢမူခိၣ် မ့ၢ်တၢ်ဒ်လဲၣ် န့ၣ်လီၤႉ တၢ်န့ၣ် မ့ၢ်ပှၤခရၠာစးံာ်ဖိ ပၢ်တဂၤ့ကၢးမၤ၀ဲဒုးနဲၣ်ဒိဂ့ၤန့ၣ်လီၤႉ
ဖဲပၢ်လၢဟီၣ်ခိၣ်တဖၣ် မၤတံာ်တာ်ဒီးမၤဘၣ်ဒိဆါဘၣ် အဖိတဖၣ်န့ၣ်လီၤႉ ဘၣ်ဆၣ် ပပၢ်လၢမူခိၣ်န့ၣ် ‘‘သူၣ်အိၣ်သးအိၣ် တၢ်ဒီးသူၣ်ကညီၤသးကညီၤတၢ်လီၤႉ သးဒိၣ်ထီၣ်ကီဒီး အဘျုးအဖှိၣ်အိၣ်အါမးလီၤ’’ (စံး ၁၀၃း၈) ႉ ဖဲပၢ်တဂၤ လၢအဲၣ် ကစၢ်န့ၣ်‚ မၤလိမၤဘၣ် တၢ်မၤမုာ်တၢ် နဲၣ်လိတၢ်ဒီး ဟ့ၣ်အဖိတဖၣ် အတၢ်လိၣ်န့ၣ်‚ မ့ၢ်အဒုးနဲၣ်ဒိဂ့ၤလၢဖိတဖၣ် ဘၣ်ဃး ပၢ်အိၣ်လၢမူခိၣ်လၢ အလၢအပှဲၤန့ၣ်လီၤႉ၁၀