အဲမလ့ၣ် ဒိကနၣ် တၢ်စံးကတိၤသကိး တၢ်ဂ့ၢ်လၢ အဘၣ်ထွဲဒီး အ၀ဲသ့ၣ် အမၤ ‘တၢ် စံးဘျုးစံးဖှိၣ်လၢ ဟံၣ်ဒူၣ်ဃီထၢအပူၤဒ်လဲၣ်’ န့ၣ်လီၤႉ အတံၤသကိး ကဲရၠာစးံၣ် စံး၀ဲဒၣ်‚
‘‘ပဟးသကိးလၢ ဟံၣ်ဒၢးတဖၣ်အပူၤ ဒီးပှၤတဂၤဘၣ်တဂၤ တဲဖျါထီၣ်၀ဲ ဘၣ်မနုၤ လၢ အဘၣ်စံးဘျုးစံးဖှိၣ်ကစၢ်ယွၤအဂ့ၢ်လီၤ’’ /
တံၤသကိးအဂၤတဂၤ တဲဖျါထီၣ် အဟံၣ်ဖိဃီဖိ အိၣ်ဒီး တၢ်စံးဘျုးစံးဖှိၣ်အတၢ်အီၣ်ဒီး တၢ်ထုကဖၣ်
အကတီၢ် အဂ့ၢ်န့ၣ်လီၤႉ အ၀ဲသ့ၣ်နီၣ်ထီၣ်က့ၤ ဆၢကတီၢ်
လၢ အပၢ်တချုးသံ‚ ‘‘ယပၢ်မ့ၢ်အိၣ်ဒီး ခိၣ်နူာ်တၢ်ဆါ သနာ်က့‚ အတၢ်ထုကဖၣ်ဒီးစံးဘျုးကစၢ်ယွၤ ဖျါဆှံ လီၤတံၢ်ဂ့ၤမး’’ န့ၣ်လီၤႉ ရၠာစးဲဒံၢ် စံးကဒီး၀ဲ ‘‘ယဟံၣ်ဖိဃီဖိ
အိၣ်ဒီး တၢ်ဆၢကတီၢ်လီၤဆီလၢ ပသး၀ံၣ်သကိးတၢ်ဖဲ တၢ်စံးဘျုးအနံၤတဖၣ်န့ၣ်လီၤႉ ယဖံအနီၢ်ကစၢ်ဒၣ်၀ဲ
သး၀ံၣ်တၢ်ဒီး တဆိကတီၢ်၀ဲဘၣ်န့ၣ်လီၤႉ အဲမလ့ၣ် အတၢ်သးတမုာ်ဒီး တၢ်သးက့ၣ် ဒိၣ်ထီၣ် ဖဲအ၀ဲဆိကမိၣ်ထီၣ် အဟံၣ်ဖိဃီဖိအဂ့ၢ်‚ ဒီးလၢ တၢ်ကဒူးကဒ့ၣ်အပူၤ စံး၀ဲ‚ လုၢ်လၢ်လၢ ပညီနုၢ်မၤအီၤ မ့ၢ်ဒၣ်ပအီၣ်ဆီကဆီအညၣ်‚ ကွၢ်ကွဲၤထံၣ်ဟူ‚ ဒီးတၢ်စံးကတိၤသကိးယွၤအဂ့ၢ်ဒီး စံးဘျုးအီၤတအိၣ်နီတဘျီဘၣ်န့ၣ်လီၤႉ
တကတီၢ်ဃီ‚ အဲမလ့ၣ် အသးဘၣ်တံာ်တာ်လၢ အတၢ်ပာ်သူၣ်ပာ်သးအံၤ န့ၣ်လီၤႉ အ၀ဲသံကွၢ်လီၤက့ၤအသးလၢ‚ ‘‘ဒ်နမ့ၢ်ဟံၣ်ဖိဃီဖိတဂၤအသိး နသးအိၣ်မၤ
တၢ်မနုၤ ဒ်သိးနကဆီတလဲကွံာ် မုၢ်နံၤတဖၣ်အံၤန့ၣ်လဲၣ်’’ လီၤႉ အ၀ဲ ပာ်လီၤအသး
ဒ်သိးကတဲဘၣ်တၢ်စံးဘျုးယွၤလၢ အဒိးန့ၢ်၀ဲအဒီပုၢ်၀ဲၢ်မုၣ်‚ အဖိဒိၣ်မုၣ်^ခွါလၢ အဂ့ၤတဖၣ်အဂ့ၢ်န့ၣ်လီၤႉ ဖဲမုၢ်နံၤဟဲတုၤ၀ဲဒီး‚ အ၀ဲပာ်ဖျါထီၣ် အတၢ်စံးဘျုး
ဆူပှၤတဂၤဘၣ်တဂၤအအိၣ်‚ ဒီးအ၀ဲသ့ၣ်ကိးဂၤဒဲးအိၣ်ဒီး တၢ်သးကလၢၢ်ဘၣ် အ၀ဲအတၢ်အဲၣ်န့ၣ်လီၤႉ တၢ်မၤအံၤတမ့ၢ်တၢ်လၢအညီ‚ မ့ၢ်လၢ အတမ့ၢ် တၢ်ကတိၤ
လၢအညီနုၢ်လၢဟံၣ်ဖိဃီဖိအသိးအကျါ‚ ဘၣ်ဆၣ်အ၀ဲဒိးန့ၢ်ဘၣ် တၢ်သးခု မ့ၢ်လၢ
အပာ်ဖျါထီၣ်ဘၣ် အတၢ်အဲၣ်ဆူ အ၀ဲသ့ၣ်တဂၤဘၣ်တဂၤစုာ်စုာ်အဃိန့ၣ်လီၤႉ
စီၤပီလူးကွဲး၀ဲ ‘‘တၢ်ကတိၤအအၢအသီန့ၣ်‚ မ်သုသုတဒုးဟဲထီၣ်လၢ သုကိာ် ပူၤ နီတဘီတဂ့ၤ‚ ဒ်သိးပှၤနၢ်ဟူတၢ်တဖၣ် ကန့ၢ်ဘၣ် အဘျုးအဖှိၣ်ဒီး‚ ကတိၤ
တၢ်ဂ့ၤလၢ တၢ်မၤထီၣ်မၤထီတၢ် ဖဲအလီၢ်အိၣ်တက့ၢ်’’ (အ့းဖ့း ၄း၂၉) ႉပတၢ်ကတိၤ
စံးဘျုးဒုးသ့ၣ်နီၣ် ပှၤအဂၤတဖၣ်လၢ အ၀ဲသ့ၣ်အလုၢ်အပရၤလၢပဂီၢ် ဒီးလၢယွၤအဂီၢ်
န့ၣ်လီၤႉ ဗညညန ခၠအၠျ