ရၠာစးဲလ့ၣ် ဖျါလီၤဂာ် ဒ်သိးအမ့ၢ်ထွံၣ်တဒုလၢ အဂံၢ်ဆူၣ်ဘါဆူၣ် – အ၀ဲအနီၢ်ဒိၣ်ဒီးအိၣ်ဒီး ဖံးညၣ်ဒီးအိၣ်ဒီး အဆူၣ်လၢအတီၣ်န့ၣ်လီၤႉ အ၀ဲအတယၢၢ်ဃၢ၀ဲဒၣ် ပီၣ် ၁၀၀ န့ၣ်လီၤႉ အ၀ဲအိၣ်ဖျါဒ်သိးအံၤသနာ်က့ အ၀ဲအတၢ်ရၠာစး့လိာ်ဘၣ်ထွဲဒီး ပှၤကညီဂ့ၤမးန့ၣ်လီၤႉ အကစၢ်လဲၤကိးအီၤ ဆူပှၤအံးကွၢ် ပှၤသးပှၢ်အလီၢ်ဒီး တၢ်ဆါဟံၣ်တဖၣ် ဒ်သိး
အကမၤသးခုဒီး မၤနံၤကမှံ ပှၤဖဲန့ၣ်တဖၣ်အဂီၢ်န့ၣ်လီၤႉ
တဘျီ‚ ဖိသၣ်မုၣ်အသးအိၣ် လွံၢ်နံၣ်ဖိတဂၤ ထံၣ်စိဃီၤ
ရၠာစးဲလ့ၣ်လၢဒၢးတဖျၢၣ်အပူၤန့ၣ်လီၤႉ ဖိသၣ်မုၣ်အံၤ အသးအိၣ်
လၢ အကဖူးလဲးဖူးသွံအီၤ ဘၣ်ဆၣ်လဲၤ၀ဲဆူအကပၤ တဘူၣ် ဘၣ်ႉ လၢခံကတၢၢ် အတၢ်သးဆူၣ်သးဂဲၤ မၤနၢၤကွံာ်
အတၢ်ပလီၢ်သူၣ်ပလီၢ်သးဒီး အ၀ဲလဲၤ ကတိၤတၢ်ဒီးအီၤ
ဒီးဖူးလဲဖူးသွံအီၤ တဘျုးမံးနံးန့ၣ်လီၤႉ ဖိသၣ်မုၣ်အံၤ သ့ၣ်ညါ
ဘၣ်၀ဲလၢ ရၠာစးဲလ့ၣ် မ့ၢ်ထွံၣ်လၢ အဂံၢ်ဆူၣ်ဘါဆူၣ်သနာ်က့‚ မ့ၢ်ဆၣ်ဖိကီၢ်ဖိလၢ အအိၣ်ဒီး တၢ်သညူးသပှၢ် န့ၣ်လီၤႉ
ကံၢ်စီဒ်သိးအံၤ ဒုးသ့ၣ်နီၣ်ထီၣ်ယၤ ယ့ၣ်။းအဂ့ၢ်လၢပဖးဘၣ်အီၤ ဖဲလံာ်စီဆှံ အသီ
ပူၤန့ၣ်လီၤႉ ယ့ၣ်။းမ့ၢ် ပှၤတဂၤလၢ ပသုးဘူးပသးဆူအအိၣ်သ့‚ အ၀ဲပျဲဖိသၣ်ဆံးတဖၣ် လၢ အကဟဲဆူအအိၣ်န့ၣ်လီၤ (မး ၁၉း၁၃-၁၅) ႉ အ၀ဲ သးကညီၤဘၣ် ပိာ်မုၣ်တဂၤ
လၢအဘၣ်တၢ်ဖီၣ်နှၢ်အီၤ ဖဲအအဲၣ်ဘၢတၢ် အဖၢမုၢ်န့ၣ်လီၤ (ယိၤ ၈း၁-၁၁) ႉ အ၀ဲ အတၢ်
သးအိၣ်ဘၣ်ပှၤဂီၢ်မုၢ်‚ မၢန့ၢ်ဆီၣ်ခံအီၤ ဒ်သိး အကသိၣ်က့ၤသီက့ၤအီၤအဂီၢ်န့ၣ်လီၤ (မၢ် ၆း၃၄) ႉ တကတီၢ်ဃီ‚ ယ့ၣ်။း အစိကမီၤ မ့ၢ်တၢ်လၢအလီၤကမၢကမၣ်ဒိၣ်မးန့ၣ်လီၤႉ
ပှၤပာ်အသးကမၢကမၣ်ဒိၣ်မး ဖဲအ၀ဲဟီထီၣ်ကွံာ်တၢ်နါ‚ မၤဂၢၢ်က့ၤကလံၤမုၢ်‚ ဒီးမၤမူ ထီၣ်က့ၤပှၤသံတဖၣ် အကတီၢ်န့ၣ်လီၤ (မၢ် ၁း၂၁-၃၄‚ ၄း၃၅-၄၁‚ ယိၤ ၁၁) ႉ
ပတၢ်ထံၣ်ဒီးနၢ်ပၢၢ်ယ့ၣ်။း ဒုးကဲထီၣ် တၢ်ရၠာစး့လိာ်ဘၣ်ထွဲဒီးအီၤန့ၣ်လီၤႉ ပမ့ၢ် ပာ်သူၣ်ပာ်သးဒၣ်ထဲလၢ အ၀ဲအစိကမီၤန့ၣ်ဒီး‚ ဘၣ်တဘၣ်ပကပာ်ဒိၣ်အီၤဒၣ် ဒ်အမ့ၢ် ပှၤလၢအလီၤဆီလီၤလးတဂၤလၢပ ူအပူၤန့ၣ်လီၤႉ ပမ့ၢ်ပာ်သူၣ်ပာ်သးလၢ အ၀ဲဒၣ် အတၢ်
သးအိၣ်သးကညီၤတၢ်အဖီခိၣ် အါကဲာ်ဆိးဒီး ပတၢ်ရၠာစး့လိာ်သးဒီးအီၤ ကဖှံကဲာ်ဆိးန့ၣ် လီၤႉ တၢ်မ့ၢ်တၢ်တီတခီ ယ့ၣ်။းမ့ၢ် ပှၤလၢအဒိၣ်၀ဲထီ၀ဲလၢ အ့ကၢးဒီး ပတၢ်ဒိကနၣ် ဒီးတကတီၢ်ဃီ မ့ၢ်ပှၤလၢအဆီၣ်လီၤအသးလၢာ်လၢာ်ဆ့ဆ့ ဒ်သိးအကကိးပှၤလၢ တံၤသကိးအဂီၢ်န့ၣ်လီၤႉ ြနညညင်နမ Bနညျသည ှခ့ကူိအ