သးစီဆှံ အတၢ်အိၣ်စံၣ်အိၣ်ကျၢၤ

ထြံၤ (Tre) ညီနုာ်လဲၤဝဲ တၢ်ဂဲၤလိနီၢ်ခိအတၢ်အိၣ်ဆူၣ်အိၣ်ချ့အလီၢ် (fitness center), ဒီးပမ့ၢ်ထံၣ်အီၤန့ၣ် ပသ့ၣ်ညါလၢ လဲၤဝဲထီဘိန့ၣ်လီၤ. အဖံနါခိၣ်တဖၣ်လဲၢ်ဝဲ, အညၣ်ထူၣ်တဖၣ်ဖျါ ဖျိဖျိဖျါဖျါ, အစုဒုၣ်တဖၣ် ကအိၣ်လၢယခီၣ်ကံၣ်ဒုၣ်ဃၣ်ဃၣ်န့ၣ်လီၤ. ထြံၤ နီၢ်ခိ အတၢ်အိၣ်သးတဖၣ်န့ၣ် သဆၣ်ထီၣ်ယၤလၢ ယကစံးကတိၤတၢ်ဒီးအီၤ ဘၣ်ထွဲဒီးသူၣ်ဂ့ၢ်သးကျိၤအဂ့ၢ်န့ၣ်လီၤ. ယသံကွၢ်အီၤလၢ အတၢ်ဟ့ၣ်လီၤအသးလၢ နီၢ်ခိအတၢ်အိၣ်ဆူၣ်အိၣ်ချ့အံၤ မ့ၢ်ဆဲးကပီၤဖျါထီၣ် အတၢ်ရ့လိာ်ဘၣ်ထွဲဒီးကစၢ်ယွၤလၢကျဲတဘိဘိဧါန့ၣ်လီၤ. ပစံးကတိၤတၢ်ဒိၣ်ဒိၣ်ယိာ်ယိာ်ဘၣ်ဆၣ် ထြံၤ အၢၣ်လီၤ တူၢ်လိာ်ဝဲ “ကစၢ်ယွၤလၢအတၢ်အိၣ်မူအပူၤ” န့ၣ်လီၤ. ပကတိၤတၢ်ဆူညါတုၤဒၣ်လဲာ်အဒုးနဲၣ်ယၤ အတၢ်ဂီၤ လၢအပာ်ဖျါထီၣ် အနီၢ်ကစၢ်အတယၢၢ်အိၣ် ပီၣ် ၄၀၀, ဘီၣ်အါတလၢ, ဒီးပှၤလၢအတၢ်အိၣ်ဆူၣ်အိၣ်ချ့တဂ့ၤတဂၤအဂီၤန့ၣ်လီၤ. တၢ်ဆီတလဲ အတၢ်အိၣ်မူကျိၤကျဲန့ၣ် ဒုးကဲထီၣ်တၢ်လီၤလိၢ်လီၤလး လၢအနီၢ်ခိအဂီၢ်န့ၣ်လီၤ.

၁ တံၤမသ့း ၄:၆-၁၀ အပူၤန့ၣ်, တၢ်ပညိၣ်ပာ်ဖျါထီၣ် နီၢ်ခိ, ဒီးနီၢ်သး အတၢ်မၤလိ ဟူးဂဲၤအဂ့ၢ်န့ၣ်လီၤ. အဆၢဖိ ၇-၈ စံးဘၣ်ပှၤ “ဒီးသိၣ်လီၤဒၣ်နသးဆူ တၢ်ယူးယီၣ်ယွၤ န့ၣ်တက့ၢ်. အဂ့ၢ်ဒ်အံၤ တၢ်သိၣ်လိနီၢ်ခိ,…

တၢ်အိၣ်မူအိၣ်ဂဲၤလၢ တၢ်လီၤဘၣ်ယိၣ်အလီၢ်အကျဲ

ဘၣ်တဂီၤ ဖဲယဟးကျဲအကတီၢ်, ယပာ်သူၣ်ပာ်သး သိလ့ၣ်တဆိ အိၣ်ကတီၢ်လၢကျဲခိၣ်, ဒီးအခိၣ်လိၤဝဲဆူ ကျဲအကမၣ်တခီန့ၣ်လီၤ. ပိာ်မုၣ်လၢအနီၣ်သိလ့ၣ် တဂၤန့ၣ် ဖျါလၢ အအီသံးမူၤ, ဒီးမံဘၣ်အသးအဃိ, အနီၢ်ကစၢ်, ဃုာ်ဒီးပှၤဂၤအဂီၢ်, တၢ်ဘၣ်ယိၣ်အလီၢ်အိၣ်ဝဲဒၣ်န့ၣ် တပာ်သူၣ်ပာ်သးဝဲဒၣ်ဘၣ်န့ၣ်လီၤ. တၢ်မၤအသးတမံၤအံၤ လီၤဘၣ်ယိၣ်အဃိဒီး, ယကဘၣ်မၤတၢ်တမံၤမံၤန့ၣ်လီၤ. ဒ်သိးယနုာ်လီၤလၢပှၤနီၣ်တၢ်အလီၢ်ဆ့ၣ်နီၤ ကသ့အဂီၢ်, ယကိးပၢၢ်ထီၣ်အီၤ ဒီးယမၢသုးအသးဆူ ပှၤဒိးတၢ်ဖိအလီၢ်ဆ့ၣ်နီၤတကပၤဝံၤ, ယနီၣ်ဆှၢအသိလ့ၣ်ဆူ တၢ်လီၢ်လၢအပူၤဒီး တၢ်ဘၣ်ဒိဘၣ်ထံးန့ၣ်လီၤ.

နီၢ်ခိအတၢ်လီၤဘၣ်ယိၣ်န့ၣ် တမ့ၢ်ထဲလၢ ပဘၣ်ကွၢ်ဆၢၣ်မဲာ်, ဒီးမၤဘၣ်ဒိပှၤန့ၣ်ဘၣ်. ဖဲစီၤပီလူး ထံၣ်ပှၤအၤသ့ၣ်ဖိတဖၣ်လၢ အကူၣ်သ့ကူၣ်ဘၣ် လၢဟီၣ်ခိၣ်တကပၤန့ၣ် အိၣ်မူအိၣ်ဂဲၤဝဲဒၣ်လၢနီၢ်သးအတၢ်လီၤဘၣ်ယိၣ်အပူၤအဃိ, မၤတၢ် ၁၇:၁၆ အပူၤန့ၣ် ကွဲးပာ်ဖျါဝဲလၢ, “ဝ့ၢ်န့ၣ် ပှဲၤဝဲဒီးတၢ်ဂီၤ, ဒီးအသးကိၢ်ထီၣ်ဝဲလီၤ.” အဆၢဖိ ၁၈, ၃၀-၃၁ ပာ်ဖျါဝဲဒၣ် ပှၤလၢ အသးတစဲတူၢ်လိာ် ကစၢ်ခရံာ်တဖၣ်အဂီၢ်, တၢ်မၢဖိအတၢ်မၤဆၢတၢ်န့ၣ် မ့ၢ်တၢ်ဟ့ၣ်ခီဟ့ၣ်နီၤ ယွၤအတၢ်တိာ်တဖၣ် ခီဖျိလၢကစၢ်ယ့ၣ်ရှူးအပူၤ, ဒီးခီဖျိလၢကစၢ်ယ့ၣ်ရှူးအဂ့ၢ်န့ၣ်လီၤ. ဒီးအဆၢဖိ ၃၄ ပာ်ဖျါဝဲ, ပှၤတနီၤလၢအနၢ်ဟူဘၣ်တဖၣ်န့ၣ် စူၢ်က့ၤနာ်က့ၤကစၢ်ယ့ၣ်ရှူးန့ၣ်လီၤ.…

နီၢ်သးလၢအအိၣ်ဆူအိၣ်ချ့

ပှၤကညီအသးဖျၢၣ်န့ၣ် မ့ၢ်က့ၢ်ဂီၤတမံၤ လၢအလီၤကမၢကမၣ်န့ၣ်လီၤ. သးဖျၢၣ်ဖိအံၤ အိၣ်ဒၣ်ထဲနီၢ်တဂၤအစုခိၣ်, လၢအဖှိးထုးထီၣ်သွ့ၣ်ထံ, ဒီးအတယၢၢ်ဃၢဝဲဒၣ် ၇ အီၣ်စး (ounces) တုၤ ၁၅ အီၣ်စး (ounces) န့ၣ်လီၤ. တနံၤန့ၣ် စံၣ်ဖှိးဝဲဒၣ် အဘျီတကလီၢ် ဃၣ်ဃၣ်, ဒီးထုးထီၣ် သွံၣ် ၂၀၀၀ ကါလၣ် (2000 gallons), ဒီးဆှၢဝဲဆူ ပနီၢ်ခိဒီတဂၤ ခီဖျိပသွံၣ်ကျိၤလၢ အထီအိၣ် ၆၀,၀၀၀ မံးလးန့ၣ်လီၤ. မ့ၢ်က့ၢ်ဂီၤတမံၤ လၢအအိၣ်ဒီး တၢ်မၤအကီအခဲ, ဒီးအအါအဃိ, ပနၢ်ပၢၢ်အီၤညီလၢ ပှၤကညီအသးဖျၢၣ်မ့ၢ် တၢ်အဂံၢ်ထံးလၢပနီၢ်ခိနီၢ်ကစၢ်ဒီဂၤ ကအိၣ်ဆူၣ်အိၣ်ချ့အဂီၢ်န့ၣ်လီၤ. မ့ၢ်လၢ ပသးဖျၢၣ်အတၢ်အိၣ်ဆူၣ်အိၣ်ချ့န့ၣ်, ဘၣ်ထွဲလိာ်အသးဒီးပတၢ်အိၣ်ဆူၣ်အိၣ်ချ့ အကံၢ်အစီအဃိ, တၢ်ယါဘျါတၢ် အစဲအ့ၣ်ဟ့ၣ်ဂံၢ်ဟ့ၣ်ဘါပှၤလၢ ပကအိၣ်မူပိာ်ထွဲ တၢ်အိၣ်ဆူၣ်အိၣ်ချ့ အလုၢ်လၢ်န့ၣ်လီၤ.

လၢတၢ်စိတၢ်ကမီၤအပူၤ, တၢ်ယါဘျါတၢ်အစဲအ့ၣ် စံးကတိၤဝဲ ပနီၢ်ခိသးဖျၢၣ်အဂ့ၢ်အဆၢကတီၢ်န့ၣ်, ယွၤစံးကတိၤပာ်ဖျါဝဲ သးဖျၢၣ်အဂၤတမံၤအဂ့ၢ်, လၢတၢ်စိတၢ်ကမီၤ
ဒိၣ်န့ၢ်အါန့ၢ်ဒံး တၢ်ယါဘျါတၢ်အစဲအ့ၣ် စံးကတိၤပာ်ဖျါဝဲန့ၣ်လီၤ. ယွၤစံးကတိၤပာ်ဖျါဝဲဘၣ်ထွဲဒီး နီၢ်သးအတၢ်ဆိကမိၣ်,…

ပှၤအဲၣ်လံာ်စီဆှံတဖၣ်

တလးမူးပိာ်မုၣ်ဃံလၤတဂၤန့ၣ် ဖီၣ်စှီၤဃာ်အပၢ် လၢအပာ်ကဖၢအသးအစု, ဒီးအိၣ်ခိးကတဲာ်ကတီၤပာ်အသး, ဒ်သိးကလဲၤထီၣ်ဝဲဆူပျဲၤစီၢ်ခိၣ်န့ၣ်လီၤ. ဘၣ်ဆၣ် အဖိဒိၣ်ခွါဖိ လၢအသးအိၣ်တဆံသၢလါတဂၤ ကဘၣ်ဟဲနုာ်လီၤဆိဝဲဒၣ်န့ၣ်လီၤ. တၢ်လၢကဘၣ်စိာ် တၢ်ဖျီပသံးအလီၢ်န့ၣ် ပှၤမၢအစိာ် လံာ်စီဆှံန့ၣ်လီၤ. ဒ်အမ့ၢ် ပှၤစူၢ်နာ် ကစၢ်ယ့ၣ်ရှူး, ဒီးဟ့ၣ်လီၤအသးလၢာ်လၢာ်ဆ့ဆ့အသိး, ခီဖျိလၢတၢ်စိာ်လံာ်စီဆှံအံၤ, တလးမူးပိာ်မုၣ်ပိာ်ခွါခံဂၤ အဲၣ်ဒိးပာ်ဖျါထီၣ် အတၢ်အဲၣ်ဘၣ် လံာ်စီဆှံန့ၣ်လီၤ. လၢတၢ်နိးတၢ်ဘျး တအိၣ်ဘၣ်အပူၤန့ၣ် ဖိသၣ်အံၤ လဲၤတုၤဝဲဆူ သရိာ်အမဲာ်ညါန့ၣ်လီၤ. ဖိသၣ်ဆံးအမဲအလီၢ်ဖိတဖၣ်အိၣ်ဖျါဝဲဒၣ်လၢ လံာ်စီဆှံ တၢ်ဖံးအကုခိၣ်အလိၤန့ၣ်, ကဲထီၣ်တၢ်ဟ့ၣ်ဒိဟ့ၣ်တဲာ်အဂီၢ်န့ၣ်လီၤ. ပှၤလၢအစူၢ်က့ၤနာ်က့ၤကစၢ်ခရံာ်တဖၣ်, မ့တမ့ၢ် ပှၤသ့ၣ်တဖၣ်လၢအဲၣ်ဒိးသ့ၣ်ညါအါထီၣ်ကစၢ်ယ့ၣ်ရှူးအဂ့ၢ်န့ၣ် ကလ့ၣ်ကွၢ်, ဒီးကယုမၤလိသ့ၣ်ညါ လံာ်စီဆှံအဂီၢ်, မ့ၢ်တၢ်အိၣ်ဖျါတမံၤန့ၣ်လီၤ.

ထါစံးထီၣ်ပတြၢၤ ၁၁၉ မၤလၤကပီၤ လံာ်စီဆှံအလုၢ်အပှ့ၤအလၢအပှဲၤန့ၣ်လီၤ. အဆၢဖိ ၁ ပာ်ဖျါဘိးဘၣ်သ့ၣ်ညါဝဲ တၢ်ဆိၣ်ဂ့ၤဘၣ်ထွဲဒီး ပှၤလဲၤတၢ်လၢယွၤအတၢ်သိၣ်တၢ်သီအပူၤအဂ့ၢ်ဝံၤ, လၢအတၢ်အဲၣ်ဘၣ် ယွၤကလုၢ်ကထါ, ဒီးလၢတၢ်သးဆူၣ်ဖးဒိၣ်အပူၤန့ၣ်, ပှၤကွဲးထါ ကွဲးပာ်ဖျါဝဲ လၢထါအကျိာ်, လၢအဆၢဖိ ၁၅၉ အပူၤ “ယအဲၣ် နတၢ်မၤလိာ်တဖၣ် ဒ်လဲၣ်ဒ်လဲၣ်န့ၣ် ကွၢ်ဆိကမိၣ်တက့ၢ်,…

တၢ်တလၢတပှဲၤလၢ အဒုးဘၣ်ဘျုးတၢ်

သရၣ်ဒိၣ် ဘါဘၣ်န့ၣ် အပျိၢ်သကူး, ဒီးဘၣ်ဟးဝဲလၢ နီၢ်ထိးဘိဘၣ်ဆၣ်, ကွၢ်ထွဲဝဲ တၢ်အိၣ်ဖှိၣ် အါနံၣ်အါလါအပူၤန့ၣ် မ့ၢ်တၢ်အုၣ်သးတမံၤလၢ အတၢ်သန့ၤလီၤသးလၢ ကစၢ်ယွၤ မ့ၢ်အဂံၢ်ဘါ ဂံၢ်ခီၣ်ထံးန့ၣ်လီၤ. ဖဲ ၁၉၉၃ နံၣ်န့ၣ်, သရၣ်ဒိၣ် ဝ့လယၢၣ် ဘါဘၣ် (Reverend William Barber II) ခံဂၤတဂၤန့ၣ်, ဒိးန့ၢ်တၢ်ဆါလၢ ပျိၣ်ဃံစဲဘူးလိာ်သးအဃိ နီၣ်ခိဂံၢ်စၢ်ဘါစၢ်အတၢ်ဆါအိၣ်ထီၣ်ဝဲဒၣ်န့ၣ်လီၤ. လၢတၢ်န့ၣ်အဃိ, ပှၤစံးဘၣ်အီၤလိၤလိၤပျီပျီလၢ “ဘါဘၣ်ဧၢ, တၢ်အိၣ်ဖှိၣ်ဖိတဖၣ် တမ့ၢ်ကအဲၣ်ဒိးဝဲလၢ ပှၤအနီၢ်ခိက့ၢ်ဂီၤ တလၢတပှဲၤတဂၤ ကကဲထီၣ် အဝဲသ့ၣ်အတၢ်အိၣ်ဖှိၣ်သရၣ်အဃိ, လၢတၢ်ကွၢ်ထွဲ တၢ်အိၣ်ဖှိၣ်အတၢ်မၤအလီၢ်န့ၣ် ကြၢးနဆိကမိၣ် ဃုထံၣ်တၢ်မၤအဂၤ တမံၤလံန့ၣ်လီၤ.” ဘၣ်ဆၣ် ဘါဘၣ် န့ၣ် မၤနၢၤကွံာ် တၢ်ဟ့ၣ်ကူၣ်လၢ အမၤဆါသူၣ်ဆါသးအီၤန့ၣ်လီၤ. ကစၢ်ယွၤ စူးကါ ဘါဘၣ်န့ၣ် တမ့ၢ်ထဲတၢ်အိၣ်ဖှိၣ်သရၣ်တဂၤ အသိးဘၣ်. ယွၤစူးကါစ့ၢ်ကီးအီၤ ဒ်အမ့ၢ်ပှၤကတိၤန့ၢ်တၢ် လၢအိၣ်ဒီးအစိကမီၤ, ဒီးဘၣ်တၢ်ပာ်ဒိၣ်ပးကဲအီၤ လၢပှၤဂံၢ်စၢ်, ဒီးပှၤအဆံးသ့ၣ်တဖၣ်အဂီၢ်န့ၣ်လီၤ.

ဘၣ်ထွဲဒီးပှၤနီၢ်ခိက့ၢ်ဂီၤ တလၢတပှဲၤတဖၣ်အဂီၢ် တၢ်ကဘၣ်မၤဒ်လဲၣ်န့ၣ်…

တၢ်စုကဝဲၤအကတီၤ, လၢခရံာ်အပူၤ

တၢ်အိၣ်ဖှိၣ်သရၣ် ဘ့လံၣ် (Bailey) အတံၤသကိးအသီလၢ အသ့ၣ်ညါလိာ်သး တယံာ်ဒံးဘၣ်တဂၤန့ၣ် ဒုးသ့ၣ်ညါဘၣ်အီၤလၢ အမၤတရီတပါတၢ်, ဒီးအတၢ်သးစဲထီအဂ့ၢ်န့ၣ်လီၤ. ပှၤသးစၢ်တဂၤအံၤ မ့ၢ်ပှၤစူၢ်က့ၤနာ်က့ၤ ကစၢ်ယ့ၣ်ရှူးဘၣ်ဆၣ်, မ့ၢ်လၢအဘၣ်လဲၤခီဖျိကွၢ်ဆၢၣ်မဲာ်ဒီးတၢ်မၤတရီတပါမုၣ်ခွါ, ဒီးလံာ်လဲၢ်တၢ်ဂီၤမူလၢ အဒုးနဲၣ် မုၣ်ခွါအတၢ်အိၣ်ဃုာ်လိာ်သးတဖၣ် ဖဲအဖိသၣ်လံၤလံၤအကတီၢ်အဃိ, လၢအဂီၢ် ကဲထီၣ်တၢ်ဂ့ၢ်ကီလၢအဒိၣ်န့ၢ်အီၤတမံၤန့ၣ်လီၤ. ခီဖျိလၢတၢ်သူၣ်သးဂီၤ သးဟးဂီၤအပူၤ, အဝဲယုထံၣ်န့ၢ် တၢ်မၤစၢၤလၢအအိၣ်န့ၣ်လီၤ.

ဒ်ပမ့ၢ်ပှၤစူၢ်က့ၤနာ်က့ၤ ကစၢ်ခရံာ်တဖၣ်အသိးန့ၣ်, ၂ ကရံၣ် ၁၀:၃-၆ စံးဘၣ်ပှၤလၢ ပဘၣ်ဒုးတၢ်ဒီးတၢ်အၢတၢ်သီအသဟီၣ်ဆူၣ်တဖၣ်လၢ ပထံၣ်ဘၣ်အီၤတသ့န့ၣ်လီၤ. ဘၣ်ဆၣ်, ဒ်သိးပကဒုးနီၢ်သးအတၢ်ဒုးတဖၣ်အဂီၢ် ပဘၣ်တၢ်ဟ့ၣ်လီၤပှၤ တၢ်စုကဝဲၤတဖၣ်န့ၣ်လီၤ. စုကဝဲၤတဖၣ်အံၤ တမ့ၢ်ဟီၣ်ခိၣ်အစုကဝဲၤဘၣ်ဆၣ်, အဆၢဖိ ၄ ပာ်ဖျါဝဲ, ပဘၣ်တၢ်ဟ့ၣ်လီၤပှၤန့ၣ်မ့ၢ် “တၢ်စိတၢ်ကမီၤလၢယွၤအပူၤ, တုၤအမၤလီၤပှီၢ်တိာ်အဒိၣ်အထီတဖၣ်”န့ၣ်လီၤ. တၢ်အခီပညီကမ့ၢ်တၢ်မနုၤလဲၣ်. “တိာ်အဒိၣ်အထီတဖၣ်” န့ၣ် မ့ၢ်တၢ်လီၢ်လၢ အဘၣ်တၢ်ဘှီထီၣ်အီၤ အဂၢၢ်အကျၢၤ, တၢ်လီၢ်အဘံၣ်အဘၢန့ၣ်လီၤ. ၂ကရံၣ် ၆:၇ (ခ့ခါ) ပာ်ဖျါဝဲ စုကဝဲၤတဖၣ်လၢယွၤဟ့ၣ်ပှၤန့ၣ်မ့ၢ် “တၢ်တီတၢ်လိၤ” အစုကဝဲၤ, “လၢပကထီၣ်မၤနၢၤတၢ်အဂီၢ်(လၢစုထွဲ) ဒီးပကဒီတဒၢပသး(လၢစုစ့ၣ်)အဂီၢ်” န့ၣ်လီၤ.…

စူးကါလၢ်ဘၣ်ယၤတက့ၢ်

ကၠ့(မ) မီရံး(စ) န့ၣ် တဘျီဘၣ်တၢ်ပာ်ဖျါအီၤ ဒ်အမ့ၢ်ပှၤ “တသ့လံာ်, မ့မ့ၢ်တခီ ပှၤပတီၢ်မုၢ်လၢအအဲၣ်တၢ်ကွံတၢ်,” ဘၣ်ဆၣ်, ကစၢ်ယွၤ စူးကါအီၤလၢ ကမိၤက့ၤ အီကၢးစတၢး(စ) ထီးလ့ၣ်ဒံၢ် ဒ်သိးကစူၢ်က့ၤနာ်က့ၤ ကစၢ်ယ့ၣ်ရှူးခရံာ်န့ၣ်လီၤ. ထီးလ့ၣ်ဒံၢ်, မ့ၢ်နံၣ်ကယၤ တဆံဃိး ပှၤကွဲးထါ တၢ်သးဝံၣ်ကစၢ်ယွၤ, ဒီးကွဲးဝဲထါသးဝံၣ် လၢအအိၣ်ကၢအိၣ်ခိး “လ့လၢအသ့ၣ်ဖး လၢပဃိ,” အံၤန့ၣ်, တဲဖျါထီၣ်ဝဲလၢ အဒိကနၣ်ဘၣ် မီရံး(စ) စံၣ်တဲၤတဲလီၤ တၢ်ကစီၣ်အဂ့ၢ်န့ၣ်လီၤ. “တၢ်လၢအလီၤဆီဝဲန့ၣ် ယ...ယကဘၣ် တၢ်ဟဲစိာ်ယၤဆူကစၢ်ယွၤအအိၣ်... ခီဖျိလၢယွၤအပှၤဂီၢ်မုၢ်စှၤဂၤအကျါ, လၢအထံၣ်လိာ်သး ဖဲဘုဖီစိၣ် တဖျၢၣ်အပူၤ, ပှၤမၤတၢ်သးခုကစီၣ်တဂၤလၢ အဖးအမံၤဒၣ်လဲာ်တဘၣ်တဂၤန့ၣ်လီၤ. တၢ်အံၤ မ့ၢ်ကစၢ်ယွၤမၤတၢ်နီၢ်နီၢ်, ဒီးမ့ၢ်တၢ်လၢအလီၤကမၢကမၣ်တမံၤန့ၣ်လီၤ.”

နီၢ်နီၢ်န့ၣ်, ကစၢ်ယွၤမၤ တၢ်လၢအလီၤကမၢကမၣ်တဖၣ်, ဖဲတၢ်လီၢ်အါတီၤဖျါလၢ မၤအသးတသ့, ဒီးစူးကါဝဲပှၤအါဂၤ, ပှၤတဖၣ်လၢပပာ်အီၤအပတီၢ် ဒ် “ကံၢ်စီတလၢပှဲၤ,” မ့တမ့ၢ် ပှၤပတီၢ်မုၢ်သ့ၣ်တဖၣ်န့ၣ်လီၤ. ၁ ကရံၣ်သူး ၁ အပူၤန့ၣ်, စီၤပီလူး ဒုးသ့ၣ်နီၣ်ထီၣ်…

တၢ်အိၣ်သးကီခဲ ဒီးတၢ်နာ်ယိာ်ယိာ်

ဖဲမုၢ်ဘူၣ်နံၤဂီၤ တၢ်မၤလိသကိးလံာ်စီဆှံအကတီၢ်, ပှၤဟဲထီၣ်မၤလိတၢ်အကျါ, ပာ်တဂၤန့ၣ် မ့ၢ်လၢ အဖိမုၣ်လၢအအဲၣ်ဝဲ, ဒီးလူၤဖဲအသးတဂၤ ဟဲက့ၤတုၤဆူဝ့ၢ်အဃိဒီး, ပၢ်တဂၤအံၤ အသးတမုာ်ဝဲဘၣ်, ခီဖျိလၢအဖိမုၣ်အတၢ်အိၣ်မူသကဲာ်ပဝးတဂ့ၤအဃိ, အဖိမုၣ်အိၣ်ဆိး လၢအဟံၣ်န့ၣ် အသးဘၣ်တံာ်တာ်ဝဲဒၣ်န့ၣ်လီၤ. ပိာ်မုၣ်ဟဲထီၣ်မၤလိတၢ်အကျါတဂၤန့ၣ် မ့ၢ်လၢဆါဆိးက့ ဖးယံာ်ဖးထၢ, ဒီးအတၢ်သးၦၢ်ထီၣ်န့ၣ် မၤဘၣ်ဒိအနီၢ်ခိအဃိ, အနီၢ်ကစၢ် တၢ်ဘၣ်အီၤတမုာ်တလၤန့ၣ်လီၤ. တဘျီဘၣ် တဘျီ အတၢ်လဲၤဒုးနဲၣ်ကူစါအသး လၢကသံၣ်သရၣ်တဘျုးဂၤအအိၣ်န့ၣ် အတၢ်ဆါဘျါဂ့ၤထီၣ်ဝဲန့ၣ် မ့ၢ်တၢ်အဆံးအစှၤအဃိ, အနီၢ်သးဂံၢ်ဘါ လီၤစၢ်ဝဲဒၣ်န့ၣ်လီၤ. ခီဖျိတၢ်ဟဲလၢ ယွၤအတၢ်ကူၣ်အပူၤန့ၣ်, လံာ်စီဆှံတတီၤလၢ မုၢ်တနံၤအံၤ ပှၤမၤလိသကိး မ့ၢ်ဝဲ လံာ်မၢ်ကူး အဆၢဒိၣ် ၅ န့ၣ်လီၤ. ဒီးဖဲတၢ်မၤလိကတၢၢ် န့ၣ်ဒီးႇ တၢ်မုၢ်လၢ်ဒီးတၢ်သူၣ်ခုသးခု အိၣ်ဖျါထီၣ်ဝဲဂ့ၤဂ့ၤန့ၣ်လီၤ.

ဖဲ မၢ်ကူး ၅:၂၃ အပူၤန့ၣ်, စီၤယၤအ့ၤရူးႇ မ့ၢ်ပၢ်လၢအအိၣ်ဒီး ဖိလၢအဆါတဂၤ ပာ်ဖျါထီၣ်ဝဲႇ “ယဖိမုၣ်လၢ အနီၢ်ဆံးတဂၤ ကသံတ့ၢ်လီၤ.” ကစၢ်ယ့ၣ်ၡူး အတၢ်လဲၢကျဲဆူပိာ်မုၣ်ဖိသၣ်အအိၣ်န့ၣ်, မၤဘျါဝဲ ပိာ်မုၣ် လၢအဆါဆိးက့ယံာ်တ့ၢ်လံ, ဒီးအမံၤတၢ်တပာ်ဖျါထီၣ်အီၤတဂၤအဂ့ၢ်န့ၣ်…

တၢ်စူၢ်တၢ်နာ် အတၢ်မၤနၢၤ

ဖိသၣ်လွံၢ်နံၣ်ဖိ ကဲၣ်ဘ့ (Calvin) အဂီၢ်, ဒ်ညီနုၢ်တၢ်အိၣ်ဆူၣ်အိၣ်ချ့ အတၢ်မၤကွၢ်န့ၣ်, တၢ်အဖိးဖိတဖၣ် လၢတၢ်တမုၢ်လၢ်အပူၤ ဟဲဖျါထီၣ်လၢ အနီၢ်ကစၢ်လိၤန့ၣ်လီၤ. တၢ်လဲၤ ဒုးနဲၣ်သးအကတီၢ်န့ၣ်, ဘၣ်ဆဲးကသံၣ်ဖီၣ်, ဒီးထးဆဲးတၢ်အလီၢ်န့ၣ် တၢ်မၤဘၢအီၤလၢ တၢ်ကံးယာ်ဘူဘူဖိန့ၣ်လီၤ. တုၤဟံၣ်န့ၣ်ဒီး, အကတီၢ်ဘၣ်လၢ ကထုးကွံာ်တၢ်ကျးစဲဘူးအံၤန့ၣ်ဒီး, ကဲၣ်ဘ့ ကအံၣ်ကအုဝဲ လၢတၢ်ပျံၤအပူၤန့ၣ်လီၤ. လၢတၢ်မၤမုာ်အဖိခွါအဂီၢ်, အပၢ်စံးဝဲ, “ကဲၣ်ဘ့ဧၢ, နကဘၣ်ဒိဆါအဂီၢ် ယတမၤတၢ်နီတမံၤန့ၣ် နသ့ၣ်ညါကစီဒီ န့ၣ်လီၤ.” အပၢ်အဲၣ်ဒိးဝဲလၢ အဖိခွါကနာ်န့ၢ်အီၤ ဒိၣ်န့ၢ်အါန့ၢ် အတၢ်ပျံၤလၢ ကထုးကွံာ် တၢ်ကျးစဲဘူးန့ၣ်လီၤ.

တမ့ၢ်ထဲ ဖိသၣ် လွံၢ်နံၣ်ဖိတဖၣ်ဧိၤ အသးအဂံၢ်အဘါစၢ် ဖဲအဘၣ်ကွၢ်ဆၢၣ်မဲာ်ဒီး တၢ်တမုာ်တလၤတဖၣ်န့ၣ်ဘၣ်. တၢ်ကွဲးကါယါဘျါ, တၢ်ဘၣ်အိၣ်လီၤဖးဒီး ပှၤလၢပအဲၣ်တဖၣ်, တၢ်ကွၢ်ဆၢၣ်မဲာ်ဒီး နီၢ်သး (မ့) နီၢ်ခိ တမုာ်တလၤတဖၣ် ဒီးဂုၤဂၤအါမး- ထိၣ်ဟူး ထိၣ်ဂဲၤ ပတၢ်ပျံၤ, ပတၢ်သါသဖှိ, ပတၢ်ဟီၣ်တၢ်ယၢၤ, ဒီးပတၢ်ကအုကစွါတဖၣ်န့ၣ်လီၤ.

စီၤဒၤဝံးအဂီၢ်, အကတီၢ်လၢ အပှဲၤဒီး တၢ်ပျံၤတၢ်ဖုးတဖၣ်အကျါတဘျီန့ၣ်,…

ကစၢ်ယွၤမ့ၢ်ပှၤလၢအမၤစၢၤယၤ

ယတံၤသကိး ရၤလ့ (Raleigh) န့ၣ် ဘူးထီၣ်လၢကချုးန့ၢ် (၈၉) နံၣ် နံၤအိၣ်ဖျဲၣ်ဆၢက့ၤန့ၣ်လီၤ. စးထီၣ်ယကတိၤသကိးတၢ်ဒီးအီၤ အခီၣ်ထံးကတၢၢ်တဘျီ လၢအပူၤကွံာ် (၃၅) နံၣ်လံၤလံၤန့ၣ်, အဝဲမ့ၢ်တ့ၢ်ဝဲ တၢ်ဂံၢ်တၢ်ဘါယၤအဂံၢ်ထံးန့ၣ်လီၤ. တယံာ်ဒံးဘၣ်န့ၣ်, အဝဲဒုးသ့ၣ်ညါယၤ ဖဲအစးထီၣ်အိၣ်ဘှံးလၢ အတၢ်ဖံးတၢ်မၤန့ၣ်, ကွဲးဝံၤလံာ်တဘ့ၣ်လၢအစု, ဒီးစးထီၣ်ဝဲ တၢ်သးခုကစီၣ်အတၢ်မၤအသီတခါန့ၣ်လီၤ. ယဘၣ်သးသ့ၣ်ညါအါထီၣ် အတၢ်မၤအံၤအဂ့ၢ်ဘၣ်ဆၣ် တမ့ၢ်တၢ်လီၤကမၢကမၣ်လၢယဂီၢ်န့ၣ်ဘၣ်.

လံာ်စီဆှံအပူၤ, ဖဲစီၤကၤလ့း အသးအိၣ် ၈၅ နံၣ်န့ၣ်, တဆိကတီၢ် အတၢ်မၤဒံးဘၣ်န့ၣ်လီၤ. အတၢ်နာ် ဒီးအတၢ်ဟ့ၣ်လီၤသးလၢကစၢ်ယွၤန့ၣ်, ဒုးအိၣ်ဂၢၢ်ဆိးကျၢၤအီၤ နံၣ်လၢအဆံတဖၣ် လၢပှၢ်မုၢ်ကနၢ, ဒီးတၢ်ဒုးတၢ်ယၤလၢ ကမၤဂၢၢ်မၤကျၢၤ ကစၢ်ယွၤအတၢ်န့ၢ်သါစံးတ့ၢ်ဝဲလၢ ပှၤအံၣ်စရ့လးဖိတဖၣ်အဂီၢ်န့ၣ်လီၤ. ယိၤရှူ ၁၄:၁၁ အပူၤန့ၣ် စီၤကၤလ့း စံးဝဲဒၣ်လၢ, “ယဂံၢ်ဆူၣ်ယဘါဆူၣ်လၢမုၢ်မဆါတနံၤအံၤ, ဒ်မုၢ်တနံၤလၢ စီၤမိၤရှ့မၢလီၤယၤအသိးန့ၣ်, ဒ်ယဂံၢ်ယဘါအိၣ်အကတီၢ်ဖဲန့ၣ် ယဂံၢ်ယဘါအိၣ်ဝဲ ခဲကနံၣ်အံၤ ဒ်န့ၣ်အသိးလၢတၢ်ဒုးသုးအဂီၢ်” န့ၣ်လီၤ. အဝဲမၤနၢၤတၢ်လၢကျဲဒ်လဲၣ်. အဆၢဖိ ၁၂ န့ၣ် စီၤကၤလ့း စံးဝဲလၢ…