တၢ်မၤလၤကပီၤ ကစၢ်ယ့ၣ်ရှူး
ဒီလၣ်ခံဆံတဘ့ၣ်, ဒီးလံာ်က့နီၤလီၤခံဘ့ၣ် လၢအပာ်ဖျါကစၢ်ယ့ၣ်ရှူးအဂ့ၢ်န့ၣ် ဘၣ်တၢ်ထၢနုာ်ဃာ်အီၤလၢ လံာ်ဒၢတဖျၢၣ်, ဒီးအလိၤန့ၣ် တၢ်ကွဲးအိၣ်ဝဲ “သးပှၢ် ကၠီ(န) ဒဲနယၢၣ် (John Daniels) အဒူၣ်ဖိထၢဖိ အတၢ်မၤသတူၢ်ကလာ် (လၢတၢ်တပညိၣ်ဆိပာ်ဝဲ) လၢတၢ်သးအိၣ် သးကညီၤအမုၢ်နံၤ” အိၣ်ဝဲတထံၣ်န့ၣ်လီၤ. ဖဲယလဲၤဆူ ပှၤတဝၢဖိ ခီလ့ၣ်ကၠိကရၢၢ်ပူၤအကတီၢ်, ပိာ်မုၣ်တဂၤဟ့ၣ်ယၤန့ၣ်လီၤ. အပူၤကွံာ်တနံၣ်န့ၣ်, ဖဲ ကၠီ(န) မၤစၢၤဝဲဒၣ် ပှၤလၢအဟံၣ်တအိၣ်တဂၤ, ဒီးဟ့ၣ်နီၤလီၤအီၤလၢ ကစၢ်ခရံာ်အဲၣ်အီၤအဂ့ၢ်ဝံၤန့ၣ်ဒီး, သိလ့ၣ်တခိၣ် နုာ်လီၤဘျၢၣ် ကၠီ(န) နးနးကျံးကျံးအဃိ, သံဝဲဒၣ်န့ၣ်လီၤ. ကၠီ(န) ပာ်လီၤတဲာ်တ့ၢ်ဝဲဒၣ် တၢ်အုၣ်အသးလၢ ကစၢ်ခရံာ်အဂ့ၢ် ခီဖျိလၢတၢ်ကတိၤ, ဒီးအတၢ်ဖံးတၢ်မၤန့ၣ် ဘၣ်တၢ်စိာ်မူစိာ်ဂဲၤဝဲဒၣ်လၢ မုၢ်တနံၤ, ဖဲယထံၣ် ပိာ်မုၣ်,ဃုာ်ဒီး, ကၠီ(န) အဒူၣ်ဖိထၢဖိတဖၣ်အတၢ်အိၣ်မူအပူၤန့ၣ်လီၤ.
ဖဲလံာ်မးသဲ ၂၆:၁၃ အပူၤန့ၣ်, ကစၢ်ယ့ၣ်ရှူးအတၢ်ကတိၤ, “ယစံးဘၣ်တဲဘၣ်သုတီတီအံၤ, ဖဲဒၣ်တၢ်သးခုအကစီၣ်အံၤ ဘၣ်တၢ်စံၣ်တဲၤတဲလီၤအီၤလၢ ဟီၣ်ခိၣ်ချၢ ဒီဘ့ၣ်ညါန့ၣ်ဒီး, တၢ်လၢပိာ်မုၣ်မၤတၢ်အံၤ, ကဘၣ်တၢ်စံၣ်တဲၤဝဲလၢ တၢ်သ့ၣ်နီၣ်ထီၣ်က့ၤအီၤအဂီၢ်” န့ၣ် ဒုးသ့ၣ်နီၣ်ထီၣ်က့ၤပှၤလၢ…
ကစၢ်ယ့ၣ်ရှူးအဂီၢ် ဆၢထၢၣ်လၢတၢ်သးဒူ
ဖဲ ခရံာ်နံၣ် ၁၅၅ (AD 155) န့ၣ်, လၢသီတၢ်အိၣ်ဖှိၣ်အပၢ်ဖးဒိၣ်, ပိၣ်လံၣ်ကး (Polycarp) တဂၤ, မ့ၢ်လၢအစူၢ်နာ် ကစၢ်ခရံာ်အဃိ, ဘၣ်တၢ်မၤပျံၤအီၤလၢ တၢ်ကဃိသံလၢ မ့ၣ်အူန့ၣ်လီၤ. ပိၣ်လံၣ်ကး စံးဝဲဒၣ်လၢ, “ယမ့ၢ်ယဲ ကစၢ်ခရံာ် အခ့အပှၤန့ၣ် ယံာ်တ့ၢ်လံလၢ အနံၣ် ဃိးဆံဒီးဃုနံၣ်, ဒီးအဝဲတမၤကမၣ် တၢ်နီတမံၤလၢယလိၤန့ၣ်ဘၣ်. ဒီးခဲကနံၣ်အံၤ, ယစီၤပၤလၢ အအုၣ်က့ၤခီၣ်က့ၤယၤန့ၣ် ယကစံးကတိၤထီဒါအီၤ ကသ့ဝဲဒ်လဲၣ်” န့ၣ်လီၤ. မ့ၢ်လၢပစူၢ်နာ် ကစၢ်ယ့ၣ်ရှူး, ပစီၤပၤအဃိ, ဖဲပဘၣ်ကွၢ်ဆၢၣ်မဲာ် တၢ်မၤကွၢ် အဆူၣ်ကတၢၢ်အကတီၢ်, ပိၣ်လံၣ်ကး အတၢ်စံးဆၢအံၤ ကဲထီၣ်တၢ်ထိၣ်ဟူးထိၣ်ဂဲၤ သ့ဝဲဒၣ်လၢပဂီၢ်န့ၣ်လီၤ.
တချုး ကစၢ်ခရံာ် သံ, စှၤနၣ်ရံၣ်အတီၢ်ပူၤန့ၣ်, စီၤပ့းတရူး အတၢ်သးတီလၢ ကစၢ်ယ့ၣ်ရှူးအလိၤန့ၣ် အၢၣ်လီၤဝဲဒူဒူ, ဒီးစံးဝဲဒၣ် “ယကပာ်လီၤကွံာ် ယသးသမူလၢနဂီၢ်” (ယိၤ ၁၃:၃၇) န့ၣ်လီၤ. ကစၢ်ယ့ၣ်ရှူး, လၢအသ့ၣ်ညါ စီၤပ့းတရူး ဂ့ၤဒိၣ်န့ၢ်ဒံး, စီၤပ့းတရူး…
တၢ်သိၣ်လိနဲၣ်လိတဖၣ်လၢ ပသးပ့ၤနီၣ်တန့ၢ်တသ့
ကီၣ်ရ့ ဘရိး(စ) (Corey Brooks) န့ၣ်, ပှၤသ့ၣ်ညါအီၤလၢ “တၢ်အိၣ်ဖှိၣ်သရၣ်လၢ တၢ်ဘါသရိာ်အခိၣ်ဒုး” တဂၤ, ဒ်သိးကထိၣ်ဟူးထိၣ်ဂဲၤ ပှၤတဝၢအတၢ်ဆီတလဲအဂီၢ်, အိၣ်ဆိးဝဲ ၃၄၃ သီ, ဖဲဝ့ၢ် ခၠံၣ်ကၤကိၣ် ကလံၤထံးတကပၤ, အတၢ်ဘါသရိာ် အခိၣ်ဒုးလိၤန့ၣ်လီၤ. လၢတၢ်စံးဘျုးစံးဖှိၣ်ဆၢက့ၤ အတီၤဖုၣ်ကၠိသရၣ်, ကၠိ စတိး(စ), (Joe Stokes) လၢအသိၣ်လိန့ၢ်အီၤ တၢ်မၤလိလွံၢ်ထံၣ် လၢအသးပ့ၤနီၣ်ဝဲတန့ၢ်န့ၣ်လီၤ. တၢ်သ့ၣ်တဖၣ်အံၤမ့ၢ်ဝဲဒၣ် တၢ်ပာ်သးကျၢၤမုဆှုအတၢ်စိတၢ်ကမီၤ, တၢ်ပာ်သူၣ်ပာ်သးအတီအလိၤ လၢအမ့ၢ်တၢ်အကါဒိၣ်အဂ့ၢ်, တၢ်ပာ်ဖှိၣ်မၤသကိးတၢ်လၢ ပပှၤတဝၢအပူၤ အလုၢ်အပှ့ၤ, ဒီးတၢ်ကူၣ်ဘၣ်ကူၣ်သ့ အတၢ်ကဲဘျုးအဂ့ၢ်တဖၣ်န့ၣ်လီၤ.
ခီဖျိလၢတၢ်ဟံးဃာ်ဂၢၢ်ကျၢၤ စီၤရှလိၤမိၤ အတၢ်ကူၣ်သ့ လၢလံာ်ကတိၤဒိ အဆၢဒိၣ် ၃ အပူၤန့ၣ် ပကျဲးစၢးအိၣ်မူကဲဘျုး ပပှၤတဝၢသ့ဝဲဒၣ်န့ၣ်လီၤ. ပှၤလၢအနာ်သန့ၤ ကစၢ်ယွၤတဖၣ် ဒ်သိးကမ့ၢ်ပှၤလၢအထိၣ်ဟူးထိၣ်ဂဲၤထီၣ် ပှၤဂုၤပှၤဂၤအဂီၢ်, စီၤရှလိၤမိၤ သိၣ်လိနဲၣ်လိဝဲ တၢ်မၤလိ လွံၢ်ထံၣ်, လၢအမ့ၢ် “တၢ်သန့ၤလီၤသးလၢယွၤ” (:၅), “ပျံၤယွၤ, ဒီးဟးထီၣ်ကွံာ်လၢတၢ်အၢ” (:၇),…
ပိာ်မုၣ်လၢအပျံၤယွၤ
ရိၣ်စံၣ် (Rosie) အတၢ်အိၣ်ဖျဲၣ်ဆၢက့ၤအမူးန့ၣ် မ့ၢ်တၢ်လၢပှၤသးပ့ၤနီၣ်အီၤတသ့ဘၣ်န့ၣ်လီၤ. တၢ်အီၣ်တၢ်အီတဖၣ် ဝံၣ်ဝဲဘဲဝဲ, လၢတၢ်သူၣ်ဖှံသးညီအပူၤ ပှၤကတိၤနံၤတၢ်တဖၣ်လၢစီၢ်နီၤခိၣ်, ဒီးအလံၤခွါ ဝဲၢ်ကိဖိတဂၤ အတၢ်ဟဲပာ်ဖျါထီၣ်အသးန့ၣ် မ့ၢ်တၢ်အဂ့ၤကတၢၢ်လၢအဂီၢ်န့ၣ်လီၤ. ဘၣ်ဆၣ်, တၢ်အဂ့ၤတဖၣ်အံၤ တၢ်မ့ၢ်ထိၣ်သတြီၤလၢ အဖိခွါခံဂၤအတၢ်ဟ့ၣ်မၤလၤကပီၤအီၤန့ၣ်ဒီး, မ့ၢ်တၢ်အဆံးအစှၤတဖၣ်န့ၣ်လီၤ. ရိၣ်စံၣ် အတၢ်တ့တၢ်ဖျီန့ၣ် တအိၣ်ဂၢၢ်ကျၢၤဘၣ်ဆၣ်, ဒ်အမ့ၢ် မိၢ်ထဲတဂၤဧိၤအသိး, အတၢ်သ့တၢ်ဘၣ် လီၤဆီတဖၣ်န့ၣ် ကဲဘျုးဝဲဒၣ်အဖိခွါခံဂၤအဂီၢ်န့ၣ်လီၤ. အဝဲသ့ၣ်စံးပတြၢၤမၤလၤကပီၤ ဝဲဒၣ်အမိၢ်န့ၣ်, ဒုးနဲၣ်ဖျါထီၣ်ဝဲဒၣ် ကယဲၢ်တၢ်ခဲလၢာ်, လၢတၢ်အံးထွဲကွၢ်ထွဲမၤလၢၦဲၤ အဝဲသ့ၣ်အတၢ်လိၣ်တဖၣ် အမိၢ်မၤဝဲဒၣ်ဒ်လဲၣ်အဂ့ၢ်န့ၣ်လီၤ. အဖိခွါအဆံးတဂၤ အတၢ်ကတိၤ “ယမိၢ်န့ၣ် မ့ၢ်ပိာ်မုၣ်လၢအပျံၤယွၤတဂၤ” န့ၣ် ပာ်ဖျါထီၣ်ဝဲဒၣ် ရိၣ်စံၣ် အတၢ်အိၣ်မူအဂ့ၤကတၢၢ်, လၢအဝဲသ့ၣ်အဂီၢ်န့ၣ်လီၤ.
လၢဟံၣ်လၢဃီ တၢ်ကူၣ်သ့ ဟဲခီဖျိလၢ တၢ်ပျံၤယွၤ မ့ၢ်တၢ်ဒ်လဲၣ်န့ၣ် ၦၤလၢအဖးလံာ်စီဆှံတဖၣ် ကထံၣ်ဘၣ်ဝဲလၢ လံာ်ကတိၤဒိ ၃၁:၁ဝ-၃၁ အပူၤန့ၣ်လီၤ. တၢ်ပျံၤယွၤ (:၃ဝ) စံးတၢ်န့ၣ်တၢ်ယူးယီၣ်ယွၤ လၢတၢ်ဆီၣ်လီၤသး, ဒီးသဆၣ်ထီၣ်ၦၤဂၤ ဒ်သိးကကဲထီၣ် ၦၤနာ်န့ၢ်ဘၣ်အီၤ (:၁၁-၁၂), ဂုာ်ကျဲးစၢၤ…
ကစၢ်ယ့ၣ်ၡူး, ၦၤလၢအမၤနၢၤတၢ်
ဖဲလါယနူၤအါရံၣ် ၁၄သီႇ ၁၉၇၃ နံၣ်န့ၣ်, ဖဲတၢ်လိာ်ကွဲသတြီၤ အမဲရကၤဖျၢၣ်ထူ နွံဝီၤ တဝီၤ (Super Bowl VII) အကတီၢ်, မဲယၤမံၤ ဒီ(လ)ဖ့ (Miami Dolphins) ဖျၢၣ်ထူကရၢ ကမၤနၢၤတၢ်န့ၣ် လီၤတံၢ်လံန့ၣ်လီၤ. တုၤလၢခဲကနံၣ်အံၤန့ၣ် တၢ်လိာ်ကွဲ အမဲရကၤ ဖျၢၣ်ထူ ဒီတကတီၢ်ညါန့ၣ်, မဲယၤမံၤ ဒီ(လ)ဖ့ မၤန့ၢ်မၤနၢၤ တၢ်အစၢလၢအဂ့ၤ, ဒီးလိာ်ကွဲဝဲဒၣ် ၁၆ ဘျီန့ၣ် လိာ်ကွဲမၤနၢၤဝဲကိးဘျီဒဲးန့ၣ်လီၤ. ဒီးတၢ်လိာ်ကွဲသတြီၤ အမဲရကၤဖျၢၣ်ထူ အဆၢကတီၢ်ကတၢၢ်ဝဲန့ၣ်ဒီး, ၦၤမၤနၢၤတၢ် ဒီ(လ)ဖ့ ပှၤလိာ်ကွဲတၢ်အကရၢဖိတဖၣ် ကဲထီၣ်ဝဲ ဒ်ပှၤလိာ်ကွဲဖျၢၣ်ထူထဲတဖုဧိၤ, လၢအဒိးန့ၢ် တၢ်မၤနၢၤအစၢအဂ့ၤ,
အလၢအၦဲၤ လၢတၢ်လိာ်ကွဲအမဲရကၤဖျၢၣ်ထူ အတၢ်စံၣ်စိၤတဲစိၤအပူၤန့ၣ်လီၤ.
ၦၤလၢအမၤနၢၤတၢ်, အတၢ်ပာ်ဖျါတမံၤအံၤ ကြၢးဝဲဘၣ်ဝဲဒီးကစၢ်ယ့ၣ်ၡူးန့ၣ်လီၤ. ပမ့ၢ်ကွၢ် ကစၢ်ယ့ၣ်ၡူး မၤဝဲကစၢ်ယွၤအတၢ်မၤလီၤတံၢ်လီၤဆဲးန့ၣ်ဒီး, ဖျါလၢ အမၤနၢၤဝဲဒၣ်တမံၤဘၣ်တမံၤန့ၣ်လီၤ. စီၤမးသဲ ကွဲးနီၣ်ဝဲ ကစၢ်ခရံာ် မၤဝဲတၢ်သးခုကစီၣ်အတၢ်မၤလၢကၤလံၤလါ (မးသဲ ၄:၂၃-၉:၃၈) အဂ့ၢ်အပူၤ,…
တၢ်အခီၣ်ထံးအဂၢၢ်အကျၢၤ လၢကစၢ်ခရံာ်အပူၤ
ပှၤလိာ်ကွဲအမဲရကၤ ဖျၢၣ်ထူအခိၣ် စံၣ် ကၠ့ၢ် စထရီး (C. J. Stroud) မ့ၢ် ပှၤသးစၢ်, အိၣ်ဒီးတၤလၣ်, ဒီးစူၢ်က့ၤနာ်က့ၤ ကစၢ်ယ့ၣ်ရှူး, လၢအတအိၣ်ဒီးတၢ်မဲာ်ဆှးန့ၣ်လီၤ. တၢ်လိာ်ကွဲဖျၢၣ်ထူ အတၢ်ဖံးတၢ်မၤ, လၢအပတီၢ်ထီလီးဆီတမံၤအံၤ ပှၤမၤညီနုၢ်သ့ဝဲဒၣ်ထဲ ၃.၃ နံၣ် အတီၢ်ပူၤ, ဒ်အမ့ၢ်ဝဲတီဝဲအသိး, စထရီး တဲဖျါထီၣ် အတၢ်နာ်အိၣ်သူၣ်လီၤသးဖဲလဲၣ်အဂ့ၢ်, ဒီးစံးဝဲဒၣ် “တၢ်လိာ်ကွဲဖျၢၣ်ထူန့ၣ် အိၣ်ဒီးတၢ်ဆီတလဲအါမးန့ၣ်လီၤ. ဘၣ်ဆၣ်, တုၤမုၢ်နံၤတနံၤ လဲၤပူၤကွံာ်ဝံၤန့ၣ်ဒီး, တၢ်ခဲလၢာ်မ့ၢ်ဒၣ် တၢ်အခီၣ်ထံးခီၣ်ဘိလၢနဟံးဃာ်န့ၣ်လီၤ. ဒီးတၢ်အခီၣ်ထံးခီၣ်ဘိလၢ ယဟံးဃာ်ဂၢၢ်ဂၢၢ်ကျၢၤကျၢၤ မ့ၢ်ဝဲဒၣ်ယတၢ်စူၢ်တၢ်နာ်” န့ၣ်လီၤ.
တၢ်လိာ်ကွဲဖျၢၣ်ထူ, (မ့) တၢ်လုၢ်အီၣ်သးသမူ အတၢ်ဖံးတၢ်မၤတမံၤဂ့ၤတမံၤဂ့ၤန့ၣ်, တမ့ၢ်တၢ်အိၣ်မူအလီၢ်ကဝီၤ ထဲတတီၤဧိၤ, လၢအအိၣ်ဒီးတၢ်အထီၣ်အလီၤ, တၢ်ဆီတလဲတဖၣ်ဘၣ်. လံာ်မးသဲ ၇:၁၄-၂၇ အပူၤန့ၣ် ကစၢ်ယ့ၣ်ရှူး ဟ့ၣ်ဒိပာ်ဖျါထီၣ် ဟံၣ်ခံဖျၢၣ်တူၢ်ဘၣ်ခီၣ်ဘၣ် တၢ်ဟဲစူၤလီၤ, ထံလုာ်ဘၢ, ဒီးကလံၤအူဆူၣ်အဂ့ၢ်န့ၣ်လီၤ. ဘၣ်ဆၣ်, ထဲဒၣ်ဟံၣ်တဖျၢၣ်န့ၣ် တူၢ်ဆၢခီၣ်ဆၢန့ၢ်ဝဲဒၣ် ကလံၤမုၢ်တွၤ, “အဂ့ၢ်ဒ်အံၤ, အခီၣ်ထံးသူၣ်…
တၢ်ရ့လိာ်သးဘူးဘူးတံၢ်တံၢ်ဒီးကစၢ်ယွၤ
ရ့ ပရံးခၠၢး (Ray Pritchard) ကွဲးဝဲဒၣ် အလံာ် "ပှၤလၢအအိၣ်ဒီးအလၤကပီၤ" (Man of Honor) အပူၤန့ၣ်, ဟ့ၣ်ခီနီၤဝဲဒၣ် အတၢ်လဲၤဟးကသုၣ်လၢ တၢ်သွၣ်ခိၣ်အလီၢ်တတီၤ, ဒီးထံၣ်ဝဲဒၣ် ပှၤတဂၤအသွၣ်ခိၣ်အတၢ်ပနီၣ် ပာ်ဖျါထီၣ် ပှၤတဂၤအံၤအတၢ်ဂ့ၤတၢ်ဝါတဖၣ် လၢတၢ်ကတိၤအါဖျၢၣ်အဂ့ၢ်န့ၣ်လီၤ. ဘၣ်ဆၣ်, လၢခံထံၣ်ဝဲဒၣ် အဝဲကွဲးပာ်ဖျါဝဲဒၣ် ပှၤတဂၤအံၤ အဖိခွါ အတၢ်သွၣ်ခိၣ်အလၢၢ်ဘ့ၣ်ဘၣ်လၢ ပှၤမ့ၢ်ထံၣ်ဒီးကပာ်သူၣ်ပာ်သးညီဝဲဒၣ်, ဒီးလၢအလိၤန့ၣ်တၢ်စိးပျၤဃာ်ဝဲ "ပှၤအတီအလိၤနီၢ်နီၢ်တဂၤ" (A man of unquestioned integrity) န့ၣ်လီၤ. ပရံးခၠၢး ကွဲးပာ်ဖျါဝဲဒၣ် “တၢ်ကတိၤယဲၢ်ဖျၢၣ်လၢ အတဲဖျါ သးသမူဒီစိၤအဂ့ၢ် လၢတၢ်ကတိၤစှၤဖျၢၣ်န့ၣ်လီၤ. တၢ်ပာ်ဖျါထီၣ် သးသမူအတၢ်လဲၤခီဖျိ အနံၣ်ဃုဆံဘျဲၣ်န့ၣ် လၢတၢ်ကတိၤ ယဲၢ်ဖျၢၣ်ဖိန့ၣ်လီၤ. ဘၣ်ဆၣ်, မ့ၢ်အတဲဖျါထီၣ် တၢ်အမ့ၢ်အတီမနုၤတဖၣ်လဲၣ်.”
ထါစံးထီၣ်ပတြၢၤ ၁၅:၁ အပူၤန့ၣ်, ပကထံၣ်ဘၣ် တၢ်သံကွၢ်တဖၣ် လၢအသံကွၢ်ဝဲဒၣ် ပှၤအိၣ်လီၤဆီ တကလုာ်အဂ့ၢ်, “ယွၤဧၢ, မ့ၢ်မတၤကအိၣ်ဝဲဆိးဝဲ လၢနဒဲပူၤတဂၤလဲၣ်, မ့ၢ်မတၤ…
ဂံၢ်ဘါတအိၣ်ဘၣ်ဆၣ် ဃ့ထုကဖၣ်တၢ်ထီဘိ
အဲၣ်နံတၣ် ဘ့လ့ၣ် (Anita Bailey) တဂၤ ဖဲအဒိးန့ၢ်ဝဲ အဖိခွါ ဂျ့လဲၣ် (Jalen) အဂ့ၢ်တၢ်ကစီၣ် လၢတၢ်ရ့လိာ်မုာ်လိာ် ပှာ်ပျးစဲအပူၤ, “တနံၤအံၤ, လၢတၢ်ဘါ သရိာ်န့ၣ် ယဘၣ်သဂၢၢ်တူၢ်လိာ်မုာ် ပှၤဟဲထီၣ်ဘါယွၤတဖၣ်အကတီၢ်, ပိာ်ခွါ သးစၢ် လၢအစိာ်ဖိသၣ်တဂၤ ဟဲဆူယအိၣ်, ဒီးဖိးဟုဃာ်ယၤန့ၣ်လီၤ. ယကွၢ်အီၤတစိၤဖိဝံၤ, ယသ့ၣ်ညါနီၣ်အီၤအဃိ, ယစံးယဲလၢ, ဂျ့လဲၣ် ဧၢ, ပဖိးဟုလိာ်ပသး, ဒီးကတိၤသကိးတၢ်ဖုၣ်ကိာ်န့ၣ်လီၤ. မ့ၢ်ဝဲသးစၢ်လၢ အိၣ်မူအိၣ်ဂဲၤဂ့ၤဂ့ၤဘၣ်ဘၣ်တဂၤလီၤ” န့ၣ်ဒီး, အသးမုာ်ထီၣ်ဝဲဒၣ်န့ၣ်လီၤ. ပှၤသဂၢၢ်တူၢ်လိာ်မုာ်တၢ်တဂၤအံၤ သ့ၣ်ညါတ့ၢ်ဝဲ “ဂျ့လၣ်” လၢအတဒိကနၣ်, ပူထီၣ်တၢ်အကတီၢ်, ဃုထၢကျဲလၢ အတဂ့ၤတဘၣ်, ဒီးလၢအဂီၢ် တၢ်အစၢပိာ်ထွဲထီၣ်အခံန့ၣ် မ့ၢ်ဝဲဒၣ်, ဘၣ်လီၤဝဲဒၣ်ဃိာ် (၁၂) နံၣ်အဃိ, ဒ်သိးကမၤစၢၤ အဖိခွါအဂီၢ်, အဲၣ်နံတၣ်ဒီးအဝၤ, အဲး(ဒ) (Ed) န့ၣ် အသးကလၢၢ်ဘၣ်ဝဲ ဒ်အဂံၢ်အဘါတအိၣ်လၢၤဘၣ်န့ၣ်လီၤ.
ဘ့လ့ၣ် အနီၣ်ဒီမိၤဝၤခံဂၤ, အသးကလၢၢ်ဘၣ်ဝဲ ဒ်အစုကတၢၢ်ခီၣ်ကတၢၢ် အသိးဘၣ်ဆၣ်, တမ့ၢ်လၢအတအိၣ်ဒီးတၢ်ဃ့ထုကဖၣ်တၢ်ဘၣ်.…
ယွၤအဂံၢ်အဘါလၢအဒိၣ်အမုၢ်
ကၠီ(န) စထရီး (John Stroup) ကွဲးဝဲဒၣ်လံာ်လၢ အမံၤမ့ၢ်ဝဲ “လၢဟီၣ်ခိၣ်အတၢ်ပူၤဃိာ်ဆူပျဲၢ်စီၤခိၣ်” (From the Pit to the Pulpit) အပူၤန့ၣ်, ၦၤကွဲးလံာ် ဟ့ၣ်ခီဟ့ၣ်နီၤဝဲဒၣ်သးသမူအစိအကမီၤတဖၣ်လၢအဆူၣ်, ဒီးအတသ့ၣ်ညါဝဲတဖၣ် မၤဘၣ်ဒိဆါအီၤ လၢနီၢ်ခိႇ လၢမုၣ်ခွါအတၢ်ရ့လိာ်ဘၣ်ထွဲလိာ်သး, ဒီးလၢသးအတၢ်ဟူးတၢ်ဂဲၤတဖၣ်အပူၤန့ၣ်လီၤ. ကၠီ(န) ကွဲးပာ်ဖျါဝဲလၢ “တချုးလၢယနီၣ်သိလ့ၣ်သ့ဒံးဘၣ်န့ၣ် ယစူးကါကသံၣ်မူၤဘှီး, ယဟးထီၣ်လၢကၠိအတၢ်မၤလိ, ယအိၣ်မူအိၣ်ဂဲၤယံာ်ထီၣ်အါထီၣ်ယဲ ဒ်ပှၤမၤအၢမၤသီတၢ်တဂၤအသိးန့ၣ်လီၤ.” အကတၢၢ်န့ၣ်, ခီဖျိလၢအမၤကမၣ်တၢ်တဖၣ်အဃိ, ဘၣ်လီၤဝဲလၢ ဃိာ်ပူၤန့ၣ်လီၤ. ဖဲအဘၣ်လီၤဃိာ် ယဲၢ်နံၣ်အတီၢ်ပူၤန့ၣ် လံာ်စီဆှံ ကဲထီၣ်တၢ်မ့ၢ်တၢ်တီလၢအဂီၢ်, ဒီးအဝဲဆီၣ်လီၤက့ၤအသးလၢကစၢ်ယွၤအမဲာ်ညါန့ၣ်လီၤ. ခီဖျိလၢကစၢ်ယွၤအဘျုးအဖှိၣ်အဃိ, ပူၤဖျဲးထီၣ်ဝဲလၢ အပူၤကွံာ်လုၢ်လၢ်တဖၣ်လၢ အစိအကမီၤဒိၣ်န့ၢ်ဆူၣ်န့ၢ်အီၤတဖၣ်န့ၣ်လီၤ.
လၢပျၢၤၦၤအံၣ်စရ့လးဖိတဖၣ် ဘၣ်လဲၤခီဖျိတၢ်ဆီၣ်သနံးတဖၣ်တလီၢ်လီၢ်, ဒီးဘၣ်တဘျီဘျီန့ၣ် ဘၣ်တၢ်စိာ်မၢကဲကုၢ်လၢ “ၦၤလၢအဆူၣ်န့ၢ်အီၤ” တဖၣ် (ယံး ၃၁:၁၁) န့ၣ်လီၤ. ခီဖျိလၢအဝဲသ့ၣ်မၤအၢမၤသီတၢ်အဃိ, တူၢ်ဘၣ်တၢ်နးတၢ်ဖှီၣ်ဒၣ်လဲာ်, ကစၢ်ယွၤ ပာ်ဖျါထီၣ် အတၢ်သးကညီၤ, ဒီးအတၢ်စိတၢ်ကမီၤဆူ အၦၤဂီၢ်မုၢ်လၢ အတပိာ်ကျဲတဖၣ်န့ၣ်လီၤ. ပှၤဂီၢ်မုၢ်တဖၣ် အတၢ်ဂ့ၢ်တၢ်ဝါအဂီၢ်,…
က့ၢ်ဂီၤလီၤဂာ်ဒီးကစၢ်ခရံာ်
ဒ်ယမ့ၢ်ဖိသၣ် ဒိၣ်ထီၣ်လၢ ၁၉၅၀ နံၣ်, ဒီး ၁၉၆၀ နံၣ်အဘၢၣ်စၢၤတဖၣ်အသိး, ယဒိၣ်ထီၣ်ဘၣ်ယဲ ဖဲ “ပှၤအမဲရကၤဖိတဖၣ်အတၢ်သးစဲ” ဘ့း(စ)ဘီ (baseball) အစိၤအဆၢကတီၢ်န့ၣ်လီၤ. ယကဘၣ်လဲၤလိာ်ကွဲ ဘ့း(စ)ဘီ လၢတၢ်လိာ်ကွဲပျီအဂီၢ် ယသူၣ်ဟူးသးဂဲၤယဲ, ဒီးတၢ်လၢယသူၣ်ပိၢ်သးဝးဒိၣ်ဒိၣ်ကလဲာ်တမံၤန့ၣ် မ့ၢ်ဝဲဒၣ်ဖဲယဒိးန့ၢ် “တၢ်လိာ်ကွဲ ဘ့းစ်ဘီ ဆ့ကၤ, ဒီးအလိၤန့ၣ် ပပှၤလိာ်ကွဲတၢ်ကရၢကရိအမံၤ “ကၠါယဲး(စ)” (Giants) န့ၣ်လီၤ. လၢယချၢ နီၣ်ဂံၢ် ၉ န့ၣ် ပာ်ဖျါနီၤဖးယၤဒီးပှၤအဂၤတဖၣ်ဘၣ်ဆၣ်, ဆ့ကၤတမံၤဃီ (uniform) န့ၣ် ပာ်ဖျါထီၣ်ပှၤလၢ ပမ့ၢ်ပှၤလိာ်ကွဲတၢ်တဖုဃီန့ၣ်လီၤ.
တၢ်သ့ၣ်ညါ လံာ်မးသဲ ၅:၃-၁၀ လၢ တၢ်ဆိၣ်ဂ့ၤ ဃိးထံၣ် (Beatitudes),ဒီးအပူၤန့ၣ်, ကစၢ်ယ့ၣ်ရှူး ပာ်ဖျါထီၣ် ပှၤမူခိၣ်ဘီမုၢ်ဖိတဖၣ် ဒ်ပှၤလၢ "အကူသိးဆ့ကၤ" လၢအလီၤဂာ်ဒီးကစၢ်ခရံာ်အက့ၢ်အဂီၤအသိးန့ၣ်လီၤ. မူခိၣ်ဘီမုၢ်န့ၣ်ဘၣ်တၢ်သူၣ်ထီၣ် ပာ်ဖှိၣ်အီၤလၢ ပှၤအိၣ်ဒီးက့ၢ်ဂီၤ, ဒီးသူးသ့ၣ်ကံၢ်စီ ဒ်အဝဲသ့ၣ်အစီၤပၤအသိးတဖၣ်န့ၣ်လီၤ. ကစၢ်ယ့ၣ်ရှူး စံးကတိၤပာ်ဖျါဝဲဒၣ် ပှၤ “ဘၣ်ဆိၣ်ဂ့ၤ” တဖၣ်စံးတၢ်န့ၣ်…