Tom Cruise ဒုးအိၣ်ထီၣ် အတၢ်အိၣ်မူလၢ တၢ်ဂီၤမူအတၢ်ဖံးတၢ်မၤ ခီဖျိလၢအတၢ်နံၤကမှံ, ဒီးတၢ်ဂဲၤဒိလၢအလီၤပျံၤလီၤဖုး, ဒီးအတလီၤနၥ်ဘၣ်တဖၣ်န့ၣ်လီၤ. လၢအတၢ်ဂီၤမူ Mission: Impossible, နွံခါတခါအပူၤန့ၣ် ဂဲၤဒိဝဲဒၣ်လီၤလီၤဆီဆီ, ဒီးဒုးနဲၣ်ဝဲဒၣ်လၢ Cruise ဒိးလ့ၣ်မ့ၣ်ပီၤ ဒီးဖုစံၣ်လီၤဝဲလၢ လ့ဖးထီအဖီခိၣ်, ဒီးစူးကါဝဲဒၣ် ကလံၤသဒၢမုၢ်ဆူတၢ်ပူၤဖျဲးအလီၢ်န့ၣ်လီၤ.

လၢ Mission: Impossible တၢ်ဂီၤမူအဂၤတဖၣ်အပူၤန့ၣ်, Cruise ထိၣ်လီၤစဲၤ အသးလၢကဘီယူၤအချၢ, ကီၤဃးအတၢ်သါထီၣ်သါလီၤ လၢထံဖီလၥ် အါန့ၢ်ဃုမံးနံး, ဒီးဖုစံၣ်လီၤဝဲလၢ တၢ်လီၢ်ဖးထီတဖၣ်န့ၣ်လီၤ. ပမ့ၢ်စံးလၢ အဝဲမ့ၢ်ပှၤလၢအသးဆူၣ်သးဂဲၤဂီၤဒိၣ်မးတဂၤ သ့ဝဲဒၣ်န့ၣ်လီၤ.ဘၣ်ဆၣ်, ဒ်သိးကဂဲၤဒိဒုးနဲၣ်ဝဲတၢ်ဂီၤမူအဂ့ၤကတၢၢ်တဖၣ် အဂီၢ်, Cruise ဟ့ၣ်လီၤအသးန့ၣ် မ့ၢ်တၢ်လၢအလီၤပတြၢၤအီၤနီၢ်နီၢ်န့ၣ်လီၤ.

လံာ် ၁ ကရံၣ်သူး ၉ အပူၤန့ၣ် စီၤပီလူး ပာ်ဖျါထီၣ်ဝဲ ပှၤဃ့ၢ်သတြီၤတၢ်တဖၣ် ဒ်သိးကမၤလိန့ၢ်တၢ်အဂီၢ်, ဘၣ်ဟ့ၣ်လီၤအသးလၢၥ်သူၣ်လၢာ်သးအဂ့ၢ်န့ၣ်လီၤ. စီၤပီလူး ပတြၢၤအဝဲသ့ၣ်တဖၣ် အတၢ်အိၣ်မူ ကီၤသူၣ်ကီၤသးအဂ့ၢ်, ဒီးစံးဝဲဒၣ်လၢ “ဒီးကယဲၢ်ၦၤလၢ အဂုၥ်မၤသတြီၤတၢ်တဖၣ်န့ၣ်, ကီၤဒၣ်အသးလၢတၢ်ခဲလၢၥ်” (:၂၄) န့ၣ်လီၤ. စီၤပီလူး ပာ်ဖျါဝဲလၢ တၢ်လၤကပီၤတစိၢ်တလီၢ်ဖိန့ၣ် ထုးန့ၢ်ဝဲဒၣ် ပှၤဃ့ၢ်သတြီၤတၢ်ဖိတဖၣ် “ဒ်သိးကဒိးန့ၢ်ခိၣ်သလုး လၢအအုၣ်သံကျၣ်သံဒၣ်တၢ်” အဂ့ၢ်န့ၣ်လီၤ. မ့မ့ၢ်တၢ်လၢအထုးန့ၢ်ဝဲဒၣ် ပှၤစူၢ်က့ၤနၥ်က့ၤ ကစၢ်ယ့ၣ်ရှူးတဖၣ်အဂီၢ်န့ၣ် တၢ်အလုၢ်အပှ့ၤလီၤထူလီၤယိၥ်, လၢအမ့ၢ်, “ကဒိးန့ၢ်ဘၣ်ခိၣ်သလုးလၢ အတအုၣ်သံကျၣ်သံ” (:၂၅) န့ၣ်လီၤ.

ဒ်ၦၤလိၣ်ကွဲသတြီၤတၢ်ဖိလၢ အိၣ်မူကီၤသူၣ်ကီၤသးတဖၣ်အသိး, (မ့) ဒ်ခွါဂဲၤဒိလၢ အမံၤဟူသၣ်ဖျါတဂၤအသိး, မ့ၢ်ပဟ့ၣ်လီၤပသးဆူ ပတၢ်စူၢ်တၢ်နၥ်န့ၣ်လံဧါ. စီၤပီလူး စံးဝဲဒၣ် “ဒ်သိးသုကန့ၢ်တၢ်ဒီး, ဃ့ၢ်ဒ်န့ၣ်သိးတက့ၢ်” (:၂၄) န့ၣ်လီၤ. မ့ၢ်လၢ ကစၢ်ယွၤ အဘျုးအဖှိၣ်အဃိ, ပကဒိးန့ၢ် သးသမူအခိၣ်ကျီၤ, ဒ်စီၤပၤအဖိခွါဒီးအဖိမုၣ်တဖၣ်အသိးန့ၣ်လီၤ. တၢ်အိၣ်မူလၢ တၢ်ကီၤသူၣ်ကီၤသးအပူၤစံးတၢ်န့ၣ် ဆီတလဲကွံၥ်တၢ်ခဲလၢၥ် ဘၣ်ဃးဒီးတၢ်စူးကါပတၢ်ဆၢကတီၢ်တဖၣ် လၢဟီၣ်ခိၣ်ချၢအံၤဒ်လဲၣ်န့ၣ်လီၤ.