ဒ်သိးကကွၢ်ထွဲ တၢ်အိၣ်ဖှိၣ်တဖုအဂီၢ်, လဲ(န) ဝ့ၣ် ခၠါ(န) (Lan Wai Chan) အိၣ်ဟးထီၣ်ဝဲလၢ အထံကီၢ် စ့ကဖီ, ဒီးဘၣ်လဲၤအိၣ်ဆိးဝဲလၢ ကီၢ်ယပၣ်န့ၣ်ဒီး, အသးဘၣ်ကိၢ်ဘၣ်ဂီၤဝဲဒၣ်န့ၣ်လီၤ. တၢ်အိၣ်ဖှိၣ်ဖိ ကအိၣ်ဝဲဒၣ် ခံဆံဃၣ်ဃၣ်န့ၣ်လီၤ. ပှၤယပၣ်ဖိ လၢအမ့ၢ်ဝဲဒၣ်ပှၤခရံာ်ဖိန့ၣ် လၢထံကီၢ်အပှၤကညီနီၢ်ဂံၢ် မျးကယၤတၢဧိၤ, ဒီးတၢ်ဘါသရိာ်အါဖျၢၣ်န့ၣ် အိၣ်လီၤဟိအသးအဃိ, ပှၤသ့ၣ်ညါထံကီၢ်တဘ့ၣ်အံၤလၢ “မံးရှၢၣ်နရံၣ် အတၢ်သွၣ်ခိၣ်” န့ၣ်လီၤ. လဲ(န) အသးကလၢၢ်ဘၣ်ဝဲ “ဒ်အဘၣ်ဟံးထီၣ်မူဒါလၢ ကဘီလၢ အကလီၤဘျၢတဘ့ၣ်အလိၤအသိး” န့ၣ်လီၤ. အဝဲကိးပသူထီၣ်ဆူယွၤအအိၣ်, ဒီးအသးကလၢၢ်ဘၣ် ကစၢ်ယွၤအတၢ်စံးဆၢလၢ “ဟ့ၣ်က့ၤ ယတၢ်အိၣ်ဖှိၣ်တက့ၢ်” န့ၣ်လီၤ.

“လၢတၢ်မၤဂ့ၤထီၣ်” တၢ်ဘူၣ်တၢ်ဘါ (မ့) တၢ်သူၣ်ဝံၣ်သးဆၢတဖၣ်အလီၢ်န့ၣ်, ဝ့ၣ် ခၠါ(န) မၢအတၢ်အိၣ်ဖှိၣ်ဖိတဖၣ် ဃ့ထုကဖၣ်တၢ်, လၢတၢ်အိၣ်ဖှိၣ်ဖိတဖၣ် အတၢ်လိၣ်အဂီၢ်, ဟံၣ်ဖိဃီဖိသ့ၣ်တဖၣ်, ဒီးတံၤသကိးသ့ၣ်တဖၣ် လၢတသ့ၣ်ညါ ကစၢ်ယ့ၣ်ရှူးအဂီၢ်န့ၣ်လီၤ. လၢတၢ်ဆၢကတီၢ်ကယီကယီဖိန့ၣ် အတၢ်အိၣ်ဖှိၣ်ဖိအနီၢ်ဂံၢ်အါထီၣ်ခံစးန့ၣ်လီၤ.

အဝဲသ့ၣ် ဃ့ထုကဖၣ်တၢ်တီတီလိၤလိၤအဂ့ၢ်န့ၣ် မ့ၢ်တၢ်အဒိအတဲာ်တမံၤလၢအမူ, ဒ် လံာ်စီဆှံ ပာ်ဖျါဝဲအသိး, လၢတၢ်တ့ဒုးအိၣ်ထီၣ် ကစၢ်ယ့ၣ်ရှူး အပှၤတဝၢဒ်လဲၣ်န့ၣ်လီၤ. အဆိကတၢၢ်န့ၣ်, ဘါထုကဖၣ်တၢ်တက့ၢ်. စီၤပီလူး ကွဲးပာ်ဖျါဝဲလၢ “သုတဘၣ်ယိၣ်တၢ် နီတမံၤတဂ့ၤ, မ့မ့ၢ်လၢတၢ်ကိးမံၤဒဲးန့ၣ် လၢတၢ်ထုကဖၣ်, ဒီးလၢတၢ်ဃ့ကညးအိၣ်ဒီး တၢ်စံးထီၣ်ပတြၢၤ တၢ်အဘျုးအဖှိၣ်အပူၤန့ၣ်, ဘိးဘၣ်သ့ၣ်ညါယွၤလၢ သုတၢ်အဲၣ်ဒိး တဖၣ်န့ၣ်တက့ၢ်” (ဖံးလံး ၄:၆). ပဟ့ၣ်လီၤအးလီၤက့ၤ ပတၢ်ဖံးတၢ်မၤတဖၣ်, တၢ်အိၣ်ဖှိၣ်တဖၣ်, ဒီးတၢ်ရဲၣ်တၢ်ကျဲၤတဖၣ်ဆူ ကစၢ်ယွၤအအိၣ် ခီဖျိလၢကျိၤကျဲဒ်သိးအံၤန့ၣ်လီၤ. ပကဖှံလီၤ တၢ်အချံတဖၣ်, ဒီးပကလူန့ၢ်အီၤလၢထံဘၣ်ဆၣ်, ဒ်ပှၤတၢ်မၤဖိ စံးဝဲဒၣ်အသိး, “ပှၤလၢအသူၣ်တၢ်တမ့ၢ်ဘၣ်တၢ်ဘၣ်, ဒီးပှၤလၢအဖှိၣ်တၢ်တမ့ၢ်ဘၣ်တၢ်ဘၣ်, မ့မ့ၢ်ပှၤလၢ အဒုးဒိၣ်ထီၣ်တၢ် ယွၤတဂၤန့ၣ်မ့ၢ်တၢ်လီၤ” (၁ ကရံၣ် ၃:၇). အဝဲဃ့ကညး ပှၤကရံၣ်သူးဖိလၢအစူၢ်က့ၤနာ်က့ၤတၢ်တဖၣ် ဒ်သိးကဆိကတီၢ် တၢ်အ့ၣ်လိာ်ဆိးက့လိာ်သး, ဘၣ်ဃးဒီး တၢ်လူၤပိာ် တၢ်အိၣ်ဖှိၣ်ခိၣ်နၢ်မတၤတဂၤအခံအဂ့ၢ် (:၃-၆) န့ၣ်လီၤ.

ဒ်စီၤပီလူး စံးဝဲအသိး, “ယ့ၣ်ရှူးခရံာ်န့ၣ် အမဲာ်ညါ, ပှၤပာ်အခီၣ်ထံးလၢ အဂုၤအဂၤတသ့ဘၣ်နီတဂၤဘၣ်” (:၁၁) န့ၣ်လီၤ. လၢတၢ်ထုကဖၣ်အပူၤန့ၣ် မ်ပဟ့ၣ်လီၤက့ၤ တၢ်အိၣ်ဖှိၣ်တဖၣ်ဆူ ယွၤအအိၣ်န့ၣ်တက့ၢ်. ဝံၤန့ၣ်ဒီး, ပကအိၣ်ခိးကွၢ် တၢ်အိၣ်ဖှိၣ်တဖၣ် ဒိၣ်ထီၣ်ဝဲဒၣ်န့ၣ်တက့ၢ်.