ပညိၣ်နဲၣ်လိၤဆူ ကစၢ်ယ့ၣ်ရှူး

လၢဝ့ၢ်နယူယီး ကျဲတဘိန့ၣ် ပှၤသးပှၢ်ပိာ်ခွါတဂၤ ဃ့ၢ်ဝဲဒၣ်ကယီၤကယီၤဖိအကတီၢ်, ဒီးထံၣ်ဝဲ ပှၤလၢအဟံၣ်ဃီတအိၣ်တဂၤ ပာ်လီၤဝဲ ခီၣ်ဖံးအလီၢ်လံၤဖိတစူၣ်လၢ အကပၤ, ဒ်အမ့ၢ် တၢ်ဃ့တၢ်မၤစၢၤ အတၢ်ပနီၣ်န့ၣ်ဒီး, အိၣ်ပတုာ်ဝဲဒၣ်တစိၢ်ဖိန့ၣ်လီၤ. ဘၣ်ဆၣ်, ပှၤဃ့ၢ်တၢ်ဖိတဂၤအံၤ သ့ၣ်ညါဝဲလၢ အဝဲသ့ၣ်ခံဂၤလိာ် ဒိးဝဲဒၣ်ခီၣ်ဖံးအနီၣ်ဂံၢ်န့ၣ် ဒ်သိးလိာ်သးအဃိ, တချုးဟ့ၣ်လီၤဝဲ အခီၣ်ဖံးဃုာ်ဒီး,အခီၣ်ဖျီၣ်ဆူ ပှၤဟံၣ်ဃီတအိၣ်လၢအသးစၢ်န့ၢ်အီၤတဂၤဒံးဘၣ်န့ၣ်, တဲနၢ်ပၢၢ်အီၤ, “ယတၢ်အိၣ်မူတစိၤသးန့ၣ်, ကစၢ်ယွၤ ဂ့ၤတ့ၢ်ဝဲလၢယဂီၢ်ဒိၣ်မး, ဒီးဆိၣ်ဂ့ၤတ့ၢ်ဝဲဒၣ်ယၤအဃိ, ယသးကလၢၢ်ဘၣ်ယဲလၢ ယဂ့ၤမၤဘျုးမၤဖှိၣ်စ့ၢ်ကီးနၤ,” ဝံၤန့ၣ်ဒီး, က့ၤဝဲဆူအဟံၣ် လၢအခီၣ်လၢကျဲန့ၣ်လီၤ.

မ့ၢ်လၢကစၢ်ယွၤ ဂ့ၤတ့ၢ်ဝဲလၢအဂီၢ်အဃိ, ဒ်ပှၤသးပှၢ်ပိာ်ခွါတဂၤအံၤ ဒုးနဲၣ်ပာ်ဖျါ တၢ်သးကညီၤဆူ ပှၤအဂၤတဂၤအသိး, ပှၤလၢအစူၢ်က့ၤနာ်က့ၤ ကစၢ်ယ့ၣ်ရှူးတဖၣ်ကိးဂၤဒဲးန့ၣ် ကစၢ်ယွၤအဲၣ်ဒိးဝဲလၢ ပကကူထီၣ်သိးထီၣ် “တၢ်သးကညီၤ” (ကလီး ၃:၁၂) န့ၣ်လီၤ. နီၢ်နီၢ်န့ၣ်, ကယဲၢ်ပမၤတၢ်န့ၣ် လၢတၢ်ကတိၤမ့ၢ်ဂ့ၤ, လၢတၢ်မၤမ့ၢ်ဂ့ၤ, ပကဘၣ်မၤတၢ်ခဲလၢာ်လၢ “ကစၢ်ယ့ၣ်ရှူးအမံၤ” (:၁၇) အပူၤန့ၣ်လီၤ. တၢ်လၢအပိာ်ထွဲထီၣ်အခံဒီး “တၢ်သးကညီၤ” န့ၣ်, ပကဘၣ်ဒုးနဲၣ်ဖျါထီၣ်စ့ၢ်ကီး, ပတၢ်အိၣ်မူသကဲာ်ပဝးလီၤဆီ လၢအမ့ၢ်…

တၢ်သိၣ်လိနဲၣ်လိတဖၣ်လၢ ပသးပ့ၤနီၣ်တန့ၢ်တသ့

ကီၣ်ရ့ ဘရိး(စ) (Corey Brooks) န့ၣ်, ပှၤသ့ၣ်ညါအီၤလၢ “တၢ်အိၣ်ဖှိၣ်သရၣ်လၢ တၢ်ဘါသရိာ်အခိၣ်ဒုး” တဂၤ, ဒ်သိးကထိၣ်ဟူးထိၣ်ဂဲၤ ပှၤတဝၢအတၢ်ဆီတလဲအဂီၢ်, အိၣ်ဆိးဝဲ ၃၄၃ သီ, ဖဲဝ့ၢ် ခၠံၣ်ကၤကိၣ် ကလံၤထံးတကပၤ, အတၢ်ဘါသရိာ် အခိၣ်ဒုးလိၤန့ၣ်လီၤ. လၢတၢ်စံးဘျုးစံးဖှိၣ်ဆၢက့ၤ အတီၤဖုၣ်ကၠိသရၣ်, ကၠိ စတိး(စ), (Joe Stokes) လၢအသိၣ်လိန့ၢ်အီၤ တၢ်မၤလိလွံၢ်ထံၣ် လၢအသးပ့ၤနီၣ်ဝဲတန့ၢ်န့ၣ်လီၤ. တၢ်သ့ၣ်တဖၣ်အံၤမ့ၢ်ဝဲဒၣ် တၢ်ပာ်သးကျၢၤမုဆှုအတၢ်စိတၢ်ကမီၤ, တၢ်ပာ်သူၣ်ပာ်သးအတီအလိၤ လၢအမ့ၢ်တၢ်အကါဒိၣ်အဂ့ၢ်, တၢ်ပာ်ဖှိၣ်မၤသကိးတၢ်လၢ ပပှၤတဝၢအပူၤ အလုၢ်အပှ့ၤ, ဒီးတၢ်ကူၣ်ဘၣ်ကူၣ်သ့ အတၢ်ကဲဘျုးအဂ့ၢ်တဖၣ်န့ၣ်လီၤ.

ခီဖျိလၢတၢ်ဟံးဃာ်ဂၢၢ်ကျၢၤ စီၤရှလိၤမိၤ အတၢ်ကူၣ်သ့ လၢလံာ်ကတိၤဒိ အဆၢဒိၣ် ၃ အပူၤန့ၣ် ပကျဲးစၢးအိၣ်မူကဲဘျုး ပပှၤတဝၢသ့ဝဲဒၣ်န့ၣ်လီၤ. ပှၤလၢအနာ်သန့ၤ ကစၢ်ယွၤတဖၣ် ဒ်သိးကမ့ၢ်ပှၤလၢအထိၣ်ဟူးထိၣ်ဂဲၤထီၣ် ပှၤဂုၤပှၤဂၤအဂီၢ်, စီၤရှလိၤမိၤ သိၣ်လိနဲၣ်လိဝဲ တၢ်မၤလိ လွံၢ်ထံၣ်, လၢအမ့ၢ် “တၢ်သန့ၤလီၤသးလၢယွၤ” (:၅), “ပျံၤယွၤ, ဒီးဟးထီၣ်ကွံာ်လၢတၢ်အၢ” (:၇),…

ဒ်အမ့ၢ် ခရံာ်အတၢ်အိၣ်ဖှိၣ်

ဘၣ်တနံၤ, ဖဲမုၢ်ဃ့ၢ်လီၤအကတီၢ်, ယၤဒီးပဟံၣ်ကပၤ ပှၤဆူၣ်ဒၣ် (Sudanese) အဟံၣ်ဖိဃီဖိတဖၣ်န့ၣ် ပတ့ခဲၣ် ပှၤလဲၤဟးလ့ၢ်လိၤတၢ်အကျဲ လၢဟီၣ်ခိၣ်ဝါတဖၣ်လၢအအိၣ်ဒီးအလွဲၢ်အကလုာ်ကလုာ်န့ၣ်လီၤ. လၢအဝဲသ့ၣ်အဟံၣ်အကပၤ, ပှၤအိၣ်ဝဲတဖု ဘူၣ်ထူဘါယွၤ, ဒီးပနၢ်ဟူ အဝဲသ့ၣ်သးဝံၣ်တၢ်န့ၣ်လီၤ. မိၢ်သးစၢ်လၢ ကတိၤတၢ်ဒီးယၤတဂၤန့ၣ် အဲၣ်ဒိးသ့ၣ်ညါဝဲ တၢ်ဂ့ၢ်တၢ်ကျိၤအဃိ, အဝဲဒီးယၤ ပလဲၤခိးကနၣ် ပှၤသးဝံၣ်တၢ်န့ၣ်လီၤ. ဒ်သိးပကဘူၣ်သကိးဘါသကိးတၢ်အဂီၢ် အဝဲသ့ၣ်ကွဲမုာ်ပှၤန့ၣ်လီၤ. ကမါလၢပှၤမၤပှဲၤပာ်ထံအကပၤန့ၣ် လၢတၢ်ဒိးဘျၢထံအဂီၢ်, ပှၤသးစၢ်တဂၤ အိၣ်ဂဲၤဆၢထၢၣ်ဝဲဒၣ်, ဒီးစံးဝဲဒၣ်လၢ ဒိးန့ၢ်တၢ်ပျၢ်တၢ်ဒဲးဘး, ဒီးဟ့ၣ်လီၤအးလီၤအသး, ဒ်သိးကပိာ်ကစၢ်ယ့ၣ်ရှူးအခံအဂီၢ်န့ၣ်လီၤ.

တၢ်အံၤမ့ၢ်ခွဲးဂ့ၤယာ်ဘၣ်လီၤဆီလၢပဂီၢ်, မ့ၢ်လၢပနၢ်ဟူဘၣ် ပှၤအုၣ်အသး, ဘၣ်ဃးဒီး တၢ်အုၣ်က့ၤခီၣ်က့ၤအဂ့ၢ်, လၢပဟံၣ်ကပၤအဃိန့ၣ်လီၤ. ပှၤတဖုအံၤ မ့ၢ်ဝဲဒၣ် ကစၢ်ခရံာ် အတၢ်အိၣ်ဖှိၣ် လၢပခိၣ်ပဃၢၤန့ၣ်လီၤ.

ကစၢ်ယ့ၣ်ရှူး တ့သူၣ်ထီၣ် အတၢ်အိၣ်ဖှိၣ် လၢဟီၣ်ခိၣ်ဒီဘ့ၣ်န့ၣ်လီၤ. တချုးကစၢ်ယ့ၣ်ရှူး က့ၤထီၣ်ဆူမူခိၣ်ဒံးဘၣ်န့ၣ် စံးဘၣ်တဲဘၣ် အပျဲၢ်အဘီၣ်တဖၣ်လၢ ကဆှၢလီၤ သးစီဆှံ ဒ်သိးကအိၣ်ဆိးလၢအပျဲၢ်အဘီၣ်တဖၣ် အသးကံၢ်ပူၤ, ဒီးအပျဲၢ်အဘီၣ်တဖၣ် ကကဲထီၣ် ပှၤအုၣ်အသး, “ပၢၢ်လၢဟီၣ်ခိၣ်အကတၢၢ်” (တ ၁:၈)…

တၢ်တူၢ်လိာ်မုာ် လၢတၢ်သူၣ်အိၣ်သး

ပတၢ်အိၣ်ဖှိၣ် ဘၣ်တူၢ်လိာ်ကွၢ်ထွဲ ပှၤဘၣ်ကီဘၣ်ခဲတဖၣ်, မ့ၢ်လၢထံကီၢ်ခိၣ်နၢ် ဆီတလဲအဃိ, ဘၣ်ဃ့ၢ်ဟးထီၣ်လၢအထံကီၢ်န့ၣ်လီၤ. ဟံၣ်ဖိဃီဖိတဖၣ် ဟဲစိာ်ဝဲဒၣ် အတၢ်ပိးတၢ်လီဖိတဖၣ် န့ၢ်ဝဲဒၣ်ထဲ ထၢၣ်အဆံးဖိတဖျၢၣ်န့ၣ်လီၤ. ပတၢ်အိၣ်ဖှိၣ်ဖိအကျါတနီၤန့ၣ် ဘၣ်အိၣ်ဆိးဝဲလၢဟံၣ်အဆံးဖိဒၣ်လဲာ်, ပတၢ်အိၣ်ဖှိၣ်ဖိအါဒံအါဂၤတူၢ်လိာ်မုာ် ပှၤဘၣ်ကီဘၣ်ခဲတဖၣ်န့ၣ်လီၤ.

တၢ်အဲၣ်တူၢ်တံၤတူၢ်သမှံၤဒ်သိးအံၤန့ၣ်, ဒုးထံၣ်သ့ၣ်ညါက့ၤပှၤ ကစၢ်ယွၤ မၤလိာ် ပှၤအံၣ်စရ့လးဖိတဖၣ် တချုးနုာ်လီၤအိၣ်ဆိးဝဲ ဖဲကီၢ်တၢ်စံးပာ်အပူၤန့ၣ်လီၤ. ဒ်အမ့ၢ် ပှၤတဝၢဖိတဖၣ်လၢ အသူၣ်အီၣ်ဖျးအီၣ်တၢ်အသိး, တၢ်ကူးဘု မ့ၢ်တၢ်လၢအကါဒိၣ်တမံၤန့ၣ် အဝဲသ့ၣ်သ့ၣ်ညါနၢ်ပၢၢ်ဝဲဒၣ်န့ၣ်လီၤ. ဒ်သိးကအီၣ်ဘၣ်အီဘၣ် တုၤနံၣ်လၢအကဟဲ တၢ်ကူးဘုအကတီၢ်, ကလိၣ်ဘၣ်ဝဲ တၢ်အီၣ်တၢ်အီလၢလၢလီၢ်လီၢ်န့ၣ်လီၤ. ဘၣ်ဆၣ်, ကစၢ်ယွၤ မၤလိာ် ပှၤအံၤစရ့လးဖိတဖၣ်လၢ “တုၤနကူးဘုလၢနစံာ်ပူၤ, ဒီးနသးပ့ၤနီၣ်ဘုတကဒိၣ်ဒီး, နတဘၣ်က့ၤကဒါက့ၤဟံးန့ၢ်အီၤဘၣ်. ကအိၣ်ဝဲလၢပှၤတခီဘီမုၢ်ဖိအဂီၢ်, လၢပှၤဖိၣ်ဃဲဖိအဂီၢ်, ဒီးလၢပှၤမုၣ်ကမဲအဂီၢ်,....” (၅ မိၤ ၂၄:၁၉) န့ၣ်လီၤ. တမ့ၢ်ဘၣ်အသ့ၣ်ညါဝဲလၢ အတၢ်အိၣ်လၢလၢလီၢ်လီၢ်အဃိ, ဟ့ၣ်ဝဲဒၣ်န့ၣ်ဘၣ်. ကဘၣ်သးအိၣ်ဟ့ၣ်ဝဲ ခီဖျိလၢအနာ်သန့ၤ ကစၢ်ယွၤ အတၢ်ကတဲာ်ကတီၤန့ၢ်တၢ်လၢအဝဲသ့ၣ် “ဒ်သိးယွၤနကစၢ်ကဆိၣ်ဂ့ၤနၤလၢ ကယဲၢ်နမၤတၢ်လၢနစု” အဂီၢ်န့ၣ်လီၤ.

တၢ်အဲၣ်တူၢ်တံၤတူၢ်သမှံၤ အလုၢ်အလၢ်အံၤ ဒုးသ့ၣ်နီၣ်ထီၣ်က့ၤ…