ကစၢ်ယွၤ ကွၢ်ထွဲကဟုကယာ် ကယဲၢ်ပှၤသ့ၣ်တဖၣ်ခဲလၢာ်ကသ့ဝဲဒၣ်ဒ်လဲၣ်. တၢ်ဆိကမိၣ် ဟဲနုာ်လၢယသးပူၤ ဖဲယပာ်လီၤယခီၣ်လၢဝ့ၢ်တဖျၢၣ် အလ့ၣ်မ့ၣ်အူသန့ၤ, ဖဲပှၤကညီၤ တဖၣ် လဲၤက့ၤဝဲဒၣ်အါအါဂီၢ်ဂီၢ်, ဒီးတၢ်လီၢ်တၢ်ကျဲ အိၣ်ယံၤဝဲဒၣ် မံးလာ်အါမးလၢယဟံၣ်န့ၣ်လီၤ. ယမ့ၢ်ပှၤလိၣ်ဘိသးစၢ်တဂၤ လဲၤဟးလိာ်ကွဲဆူ ထံဂၤကီၢ်ဂၤအဆိကတၢၢ်တဘျီ, ဒီးပှၤကညီဂီၢ်မုၢ်ဂီၢ်ပၤတဖၣ် အိၣ်ကဝီၤဃာ်ယၤအဃိ, ယသူၣ်ဟူးသးဝးဒိၣ်မးန့ၣ်လီၤ. ဖဲယထိၣ်သတြီၤကွၢ်ယသးဒီးပှၤကညီဂီၢ်မုၢ်ဂီၢ်ပၤတဖၣ်န့ၣ်ဒီး, ယသးကလၢၢ်ဘၣ်ယဲလၢယမ့ၢ်တၢ်ဆံးဆံးဖိတမံၤ, ဒီးယဆိကမိၣ်ထီၣ် ကစၢ်ယွၤ ကအဲၣ်ပှၤကညီဂီၢ်မုၢ်ဂီၢ်ပၤ ကသ့ဝဲဒၣ်ဒ်လဲၣ်န့ၣ်လီၤ.

ဒ်သိးယကသ့ၣ်ညါနၢ်ပၢၢ် ကစၢ်ယွၤအတၢ်အဲၣ်လၢလၢပှဲၤပှဲၤအံၤ တုၤအိၣ်ဃီၤဝဲဒၣ်ဒိၣ်ဒိၣ်လဲၢ်လဲၢ်အဂ့ၢ်န့ၣ် ယလိၣ်ဘၣ်ယဲအဖၢမုၢ်န့ၣ်လီၤ. လၢကစၢ်ယွၤ အကလုၢ်ကထါ အပူၤန့ၣ်, တမ့ၢ်လၢ ဝံယိၤနါ ကသ့ၣ်ညါနၢ်ပၢၢ်ဝဲဒၣ် တၢ်ဂ့ၢ်အံၤစ့ၢ်ကီးဘၣ်. အကတၢၢ်န့ၣ်, ဖဲ စီၤယိၤနါ အၢၣ်လီၤဝဲ ကစၢ်ယွၤ အတၢ်ကိးအီၤ, ဒ်သိးကစံၣ်တဲၤတဲလီၤ ပှၤအၤရှူၢ် အၢအၢသီသီတဖၣ် လၢအမၤအၢမၤနး ပှၤအံၣ်စရ့လးဖိတဖၣ် အဝ့ၢ်ခိၣ်, ပှၤနံၤနဝ့ဖိတဖၣ် ကပီၢ်ယၢ်လီၤသးအဂီၢ်န့ၣ်လီၤ. ဒီးစီၤယိၤနါ တအဲၣ်ဒိးဝဲလၢ ကစၢ်ယွၤ ကပျၢ် အဝဲသ့ၣ်အတၢ် ကမၣ်ဘၣ်. ဘၣ်ဆၣ်, ပှၤနံၤနဝ့ဖိတဖၣ်န့ၣ် ပီၢ်ယၢ်လီၤက့ၤအသး, ဒီးကစၢ်ယွၤ တစံၣ်ညီၣ် အဝဲသ့ၣ်အဃိ, စီၤယိၤနါ အသးဒိၣ်ကဲၤထီၣ်ဝဲဒၣ်န့ၣ်လီၤ. လၢစီၤယိၤနါအဂီၢ်, ကစၢ်ယွၤ ကတဲာ်ကတီၤန့ၢ် တၢ်အိၣ်ကဒုအလီၢ်, ခီဖျိဒုးမဲထီၣ်ဝဲ မာ်တိအမုၢ်တထံးချ့ သဒံးဘၣ်ဆၣ်, ဟံးထီၣ်ကွံာ် သ့ၣ်အတၢ်ကဒုဆူ အယံၤအဃိ, စီၤယိၤနၤအသးဒိၣ်ကဲၤထီၣ် ကစၢ်ယွၤန့ၣ် ဒိၣ်ထီၣ်အါထီၣ်ဝဲန့ၣ်လီၤ. စီၤယိၤနါ ကဒူးကဒ့ၣ်ဝဲဘၣ်ဆၣ်, ကစၢ်ယွၤ စံးဆၢအီၤလၢ “နသးထီၣ်လၢမာ်ထိအဃိဂ့ၤစ့ၢ်ကီးဧါ… ဒီးနံၤနဝ့, ဝ့ၤဖးဒိၣ်တဖျၢၣ်န့ၣ် ဖဲပှၤလၢအတသ့ၣ်ညါအစုထွဲဒီးအစုစ့ၣ်အဆၢဘၣ်, အိၣ်ဝဲတကလးအဘျီတဆံခံဒီးအဘျဲၣ်… န့ၣ်, ယဲဒၣ်အံၤ ယတသးလီဘၣ်အီၤဘၣ်ဧါ” (ယိၤနါ ၄:၁၀-၁၁) န့ၣ်လီၤ.

ကစၢ်ယွၤ ဂ့ၤဒိၣ်ဝဲဒၣ်နီၢ်နီၢ်အဃိ, ပှၤလၢအအိၣ်ယံၤယံၤဒီးအီၤတဖၣ်န့ၣ်, ကွၢ်ထွဲကဟုကယာ်ဝဲဒိၣ်ဒိၣ်ယိာ်ယိာ်န့ၣ်လီၤ. ယွၤအတၢ်အဲၣ် အဒိၣ်အထီန့ၣ် တုၤဃီၤဝဲဒၣ် သ့ၣ်ဖျၢၣ်ထူၣ်စုညါ, ဒီးဆူကစၢ်ယ့ၣ်ရှူး အသွၣ်ခိၣ်အပူၤ, ဒ်သိးကမၤလၢပှဲၤ ပတၢ်လိၣ်အဒိၣ်ကတၢၢ်အဂီၢ်န့ၣ်လီၤ. ယွၤအတၢ်ဂ့ၤဒိၣ်နီၢ်မးန့ၣ် အိၣ်ဖျါဒၣ်ဝဲ, လၢယွၤအတၢ်ဂ့ၤတၢ်ဝါ, ဒီးကစၢ်ယွၤ အတၢ်ဆၢမိၣ်န့ၢ် ထုးဘူးပှၤဆူအအိၣ်န့ၣ်လီၤ.