ယကလဲၤထီၣ်ဆူ ကဘီယူၤအလိၤအဂီၢ်, ယလဲၤယဲဆူ “ပှၤသမံသမိးမၤကွၢ်တၢ်အလီၢ်” လၢကဘီယူၤပျီအပူၤ, ဒ်သိးယကမၤဂၢၢ်မၤကျၢၤ နီၣ်ဂံၢ်လၢ ယကွဲၤဒီနၢ်ဖိအပူၤဘၣ်ဆၣ်, ယတထံၣ် ယကွဲၤဒီနၢ်ဖိလၢၤဘၣ်န့ၣ်လီၤ. ယကွဲဒီနၢ်န့ၣ် ကအိၣ်လီၤတဲာ်တ့ၢ်ဝဲဒၣ် ဖဲတၢ်ဒိးလဲသိလ့ၣ်လၢအဟဲဆှၢယၤအလိၤန့ၣ်လီၤ. လၢတၢ်န့ၣ်အဃိ, မ့ၢ်ယကဘၣ်ကိး ပှၤနီၣ်သိလ့ၣ်လၢ အဟဲဆှၢပာ်လီၤတဲာ်တ့ၢ်ယၤတဂၤ ကသ့ဝဲဒၣ်ဒ်လဲၣ်. ဖဲယဂဲၤပျုၢ်ဒီးဂုာ်ဘျးစဲထီ ယခီၣ်ဖၠူထၢၣ် လဲး(ပ)ထီး (Laptop), လၢကဘီယူၤပျီ အဝၢးဖၢၣ် (Wi-Fi), ဒီးယဘၣ်ယိၣ်ယဲလၢ တၢ်ဆၢကတီၢ်ကစဲၤခံဝဲဒၣ်ဒိၣ်မးန့ၣ်လီၤ. ယဝၤစူးကါဝဲဒၣ် အဲး(ပ) (app) ကျိၤကျဲတမံၤ, ဒီးသ့ၣ်ညါဘၣ်ဝဲလၢ ယကွဲၤဒီနၢ်န့ၣ် တအိၣ်ဒီးယၤ လၢကဘီယူၤပျီဘၣ်အဃိ, ကွဲးဆှၢန့ၢ်ယၤ လီအလံာ်ပရၢ (email), ဒီးအိၣ်ခိးဝဲဒၣ်ယၤ လၢယကဘျးစဲထီဒီး ဝၢးဖၢၣ် အကတီၢ်န့ၣ်လီၤ. အတၢ်ကွဲးစံးဝဲဒၣ်လၢ “ဆှၢလီၤန့ၢ်ယၤ ပှၤနီၣ်ဆှၢနၤ သိလ့ၣ်, အကွဲၤဒီနၢ်-နီၣ်ဂံၢ်, ဒီးယကကွၢ်မၤတၢ်လၢနဂီၢ်” န့ၣ်လီၤ. ယဝၤ ဟဲနုာ်လီၤမၤစၢၤ ဘှါဆှဲယတၢ်ဂ့ၢ်ကီန့ၣ် ဒုးအိၣ်ထီၣ် သးအတၢ်မုာ်တၢ်ပၢၤသတူၢ်ကလာ်န့ၣ်လီၤ.
ယနာ်ယဲလၢ သးအတၢ်မုာ်တၢ်ပၢၤ ဒ်သိးအံၤတကလုာ်န့ၣ် ကစၢ်ယွၤ အဲၣ်ဒိးဝဲလၢ ပကမုာ်လၤသးခု တၢ်ရ့လိာ်ဘၣ်ထွဲလိာ်သးဒီးအီၤ ကသ့ဝဲဒၣ် ခီဖျိလၢကစၢ်ခရံာ်အပူၤ န့ၣ်လီၤ. ၁ ပ့း ၅:၇ ဒုးသ့ၣ်နီၣ်ထီၣ်ပှၤလၢ, “ကယဲၢ်သုတၢ်ဘၣ်ယိၣ်ဘၣ်ဘီန့ၣ် ပာ်ထီၣ်လၢ အဝဲဒၣ်အလိၤခဲလၢာ်တက့ၢ်. အဂ့ၢ်ဒ်အံၤ, အသးအိၣ်သု” န့ၣ်လီၤ. လံာ်စီဆှံ တဆၢအံၤ, စံးဘၣ်ပှၤလၢ ကစၢ်ယွၤ အဲၣ်ဒိး ဝံထီၣ်ယိးထီၣ် ပတၢ်ဘၣ်ယိၣ်တဖၣ်, ဒီးပတၢ်သူၣ်ကိၢ်သးဂီၤတဖၣ်န့ၣ်လီၤ. ဘၣ်မနုၤအဃိလဲၣ်. မ့ၢ်လၢယွၤ အသးအိၣ်ပှၤဒိၣ်ဒိၣ်အဃိန့ၣ်လီၤ. ဒ်ပဂုာ်ကျဲးစၢးဘှါဆှဲ ပတၢ်ဂ့ၢ်ကီတဖၣ်, ဒီးပျဲတၢ်ဝံဃၢတဖၣ် ကမၤတံၢ်တာ်ပှၤအလီၢ်န့ၣ်, ပဟ့ၣ်လီၤ ပတၢ်ဘၣ်ယိၣ်ဘၣ်ဘီတဖၣ်ဆူ ကစၢ်ယွၤအအိၣ်သ့ဝဲဒၣ်န့ၣ်လီၤ.
တၢ်ပာ်ထီၣ်ပတၢ်ဘၣ်ယိၣ်တဖၣ်လၢ ကစၢ်ယွၤအလိၤန့ၣ် မ့ၢ်တၢ်ဆီၣ်လီၤသးအက့ၢ် အဂီၤတကလုာ်, ဒ်သိးပကသ့ၣ်ညါပာ်ပနီၣ် ကစၢ်ယွၤ မၤလိၤမၤဘၣ်က့ၤ ပတၢ်ကိၢ်တၢ်ဂီၢ်တဖၣ် သ့ဝဲဒၣ် ဂ့ၤန့ၢ်ဒိၣ်န့ၢ်ဒံး ပမၤပကစၢ်ဒၣ်ဝဲ (:၆) န့ၣ်လီၤ. တၢ်လၢအကမၤဘၣ်ဒိဆါပှၤတမံၤမံၤ မ့ၢ်ဟဲအိၣ်ထီၣ် သတူၢ်ကလာ်ဒၣ်လဲာ် (:၁၀), ပအိၣ်ဘှံးလၢ ကစၢ်ယွၤ အတၢ်ကဟုကယာ်, ဒီးအတၢ်ဟ့ၣ်မၤလၢပှဲၤတဖၣ်အပူၤသ့ဝဲဒၣ်န့ၣ်လီၤ.
