ဖဲ အဲ(န)ဒြူ (Andrew) သိၣ်လိအဖိခွါလၢ တၢ်ဒိးလ့ၣ်ယီၢ်ခီၣ်န့ၣ်ဒီး, တူၢ်ဘၣ်ဝဲ တၢ်သးဟးဂီၤန့ၣ်လီၤ. အဖိခွါ ပှၤယဲၢ်နံၣ်ဖိတဂၤအံၤ ယီၢ်ဝဲဒၣ်လ့ၣ်ယီၢ်ခီၣ် တခီတၢၤ, ဒီးလီၤဃံၤဝဲဒၣ်တလီၢ်လီၢ်န့ၣ်လီၤ. မ့ၢ်လၢအဖိခွါ ကွၢ်ဝဲဒၣ်ထဲတၢ်တခီတၢၤအဃိ, တၢ်မၤအသးဒ်သိးအံၤလီၤန့ၣ် အဲ(န)ဒြူ သ့ၣ်ညါနၢ်ပၢၢ်ဝဲဒၣ်, ဒီးကူၣ်ထီၣ်တၢ်တမံၤန့ၣ်လီၤ. အဝဲစံးဘၣ် အဖိခွါလၢ “နထံၣ် တၢ်အထူၣ်ဖဲန့ၣ်ဧါ. ကွၢ်ဃီၤဒၣ်တၢ်ဆူ တၢ်အထူၣ်, ဒီးယီၢ်နဲလ့ၣ်ယီၢ်ခီၣ်တက့ၢ်” န့ၣ်လီၤ. ဒ်အစံးတ့ၢ်ဝဲအသိး, အဖိခွါန့ၣ် မၤပိာ်ထွဲဝဲဒၣ်အဃိ, တၢ်တဘျီအံၤ, အဖိခွါယီၢ်လဲၤဝဲဒၣ်ဆူညါကွ့ၢ်ကွ့ၢ်န့ၣ်လီၤ.

လၢ အဲၣ်ဒရူ အနီၢ်ကစၢ်ဒၣ်ဝဲအဂီၢ်, တၢ်မၤအသးအံၤ ကဲထီၣ်တၢ်မၤလိတမံၤန့ၣ်လီၤ. အကတီၢ်လၢခံ, ဖဲအဝဲတဲသ့ၣ်ညါက့ၤဝဲဒၣ် အၦၤကရူၢ်ဖိတဖုန့ၣ်ဒီး, စံးကတိၤကျၢၢ်တံၢ်ဝဲႇ “ကယဲၢ်ပကွၢ်ဃီၤတၢ်တမံၤမံၤန့ၣ် မ့ၢ်တၢ်လီၢ်တၢ်ကျဲလၢ ပကလဲၤတုၤဃီၤဝဲဒၣ်” န့ၣ်လီၤ. ဒ်သိး “ပကကွၢ်ဃီၤဆူ ကစၢ်ယ့ၣ်ၡူး, ပှၤလၢအဒုးကဲထီၣ်, ဒီးမၤလၢထီၣ်ၦဲၤထီၣ်ပတၢ်နာ်” အဂီၢ်, လံာ်ဧ့ၤဘြံၤ ၁၂:၂ ဒုးသ့ၣ်ညါပှၤန့ၣ် တမ့ၢ်တၢ်လၢအလီၤကမၢကမၣ်ဘၣ်န့ၣ်လီၤ.

ဒ်တၢ်ဒဲးဘးအလုၢ်အလၢ်, ဒီးတၢ်သးစဲထီဒိၣ်ဒိၣ်ယိာ်ယိာ်တဖၣ် မၤဘၣ်ဘျးပှၤ, မၤဘၣ်ထွဲပှၤဒီးတၢ်ကီတၢ်ခဲ, တၢ်သဘံၣ်ဘုၣ်တဖၣ် သ့ဝဲဒၣ်အသိး, လၢပသးသမူအပူၤ မူဒါတဖၣ်, ဒီးတနံၤဘၣ်တနံၤ, တၢ်ဖံးတၢ်မၤတဖၣ် ထုးယံၤကွံာ် ပတၢ်ပာ်ဖှိၣ်ပညိၣ် ပသူၣ်ဂ့ၢ်သးကျိၤအတၢ်လဲၤကျဲ သ့ဝဲဒၣ် (:၁) န့ၣ်လီၤ. ဘၣ်ဆၣ်, ပမ့ၢ်ကွၢ်ဃီၤတၢ်ဆူ ကစၢ်ခရံာ်အအိၣ်, ဒီးဃ့အီၤလၢကမၤစၢၤပှၤ, လၢပတၢ်ဆိကမိၣ်ဆိကမးႇ လၢပတၢ်ဆၢတဲာ်ပာ်လီၤသး, ဒီးလၢပတၢ်ဟူးတၢ်ဂဲၤတဖၣ်အပူၤန့ၣ် ဒ်သိးပကပာ်အီၤ အဆိကတၢၢ်န့ၣ်ဒီး, ကယဲၢ်တၢ်လၢပမၤ, ဒီးပစံးကတိၤတၢ်ခဲလၢာ်န့ၣ် အဝဲကနဲၣ်လိၦၤန့ၣ်လီၤ. ဒ်သိး ပကအိၣ်ဘူးဒီးအီၤလၢပတၢ်ဃ့ၢ်သတြီၤလၢဟီၣ်ခိၣ်ချၢအံၤအဂီၢ်န့ၣ်, ကစၢ်ကမၤစၢၤပှၤန့ၣ်လီၤ. တၢ်အံၤကမ့ၢ်တၢ်တၤတမံၤ လၢပဂီၢ်ဘၣ်ဆၣ်, ကစၢ်ယွၤ အသးအိၣ်မၤစၢၤၦၤလၢပကမၤလၢပှဲၤ တၢ်အိၣ်မူကျိၤကျဲလၢ အဟ့ၣ်လီၤၦၤန့ၣ်လီၤ. “ဒ်သိးတၢ်ဘှံးသုသး သုတအိၣ်, ဒီးသုသုတလီၤဘှံးလီၤတီၤတဂ့ၤ” (:၃) အဂီၢ်, အဝဲကဟ့ၣ်ၦၤ ဂံၢ်ဘါလၢ ပကတူၢ်ခီၣ်, ဒီးမၤနၢၤ ကယဲၢ်တၢ်တမံၤလၢ်လၢ်, လၢအတြီ ပသးသမူအတၢ်လဲၤကျဲန့ၣ်လီၤ.