ယသိလ့ၣ်အဆံးတခိၣ်န့ၣ် အိၣ်ဒီးဒံၣ်ကၠ့းတဲၣ် (digital) နီၣ်ဂံၢ်ဒုးနဲၣ်တၢ်ဖိလၢ လံာ်ဖျၢၣ် DTE, ဒီးအခီပညီမ့ၢ်ဝဲ “တၢ်ဒ့ၣ်စၢၤ တုၤအလၢာ်အိၣ်လီၤကအိ” (Distance’til Empty) န့ၣ်လီၤ. ဒံၣ်ကၠ့းတဲၣ် နီၣ်ဂံၢ်ဒုးနဲၣ်တၢ်အံၤ ယလဲၤတၢ်ဆူညါ တၢ်ဒ့ၣ်စၢၤကန့ၢ်ဝဲထဲလဲၣ်န့ၣ် ဒုးသ့ၣ်ညါယၤလီၤတံၢ်လီၤဆဲးန့ၣ်လီၤ. ခ့ခါအကတီၢ်, သိလ့ၣ် အသီတဖၣ်န့ၣ် အိၣ်ဒီးတၢ်ပနီၣ်အံၤန့ၣ်လီၤ. ပတၢ်လဲၤတၢ်က့ၤအသုတတံာ်တာ်အဂီၢ်, တချုးလၢယကဘၣ်မၤပှဲၤ သိလ့ၣ်အသိဒံးဘၣ်န့ၣ် လၢပတၢ်လဲၤအဂီၢ်, အလီၢ်အိၣ်လၢ ပကဘၣ်သ့ၣ်ညါဆိ ပသိလ့ၣ်အသိ မ့ၢ်အိၣ်တ့ၢ်လၢလၢလီၢ်လီၢ်ဒံးဧါန့ၣ် မ့ၢ်တၢ်လၢအကါဒိၣ်အဃိ, ပိးလီဖိအံၤ ကဲဘျုးဝဲဒၣ်န့ၣ်လီၤ.
တၢ်မၤလိာ်အထံၣ်တဆံ ဟ့ၣ်ထီၣ်ဝဲဒၣ် လၢပျၢၤတၢ်ပနီၣ်ဒုးနဲၣ်တၢ် လၢအလီၤဂာ်လိာ်သးဒီး DTE န့ၣ် မ့ၢ်နသ့ၣ်ညါတ့ၢ်နဲဧါ. တၢ်ပနီၣ်ဒုးနဲၣ်တၢ်အံၤ ဘၣ်တၢ်ကိးအီၤလၢ “မုၢ်အိၣ်ဘှံးနံၤ” န့ၣ်လီၤ. ဖဲလံာ် ၂ မိၤရှ့ အဆၢဒိၣ် ၂၀ န့ၣ် မုၢ်ဃုနံၤဝံၤအလီၢ်ခံ, ကစၢ်ယွၤစံးဘၣ်ပှၤလၢ “သ့ၣ်နီၣ်ထီၣ် မုၢ်အိၣ်ဘှံးအနံၤ လၢနကပာ်စီဆှံအီၤအဂ့ၢ်န့ၣ်တက့ၢ်. နကမၤဘၣ် တၢ်ဃုနံၤ ဒီးမၤနတၢ်မၤခဲလၢာ်လီၤ. မ့မ့ၢ် မုၢ်နွံနံၤတနံၤန့ၣ် မ့ၢ်ယွၤနကစၢ်အတၢ်အိၣ်ဘှံးအနံၤလီၤ… သုတမၤတၢ်မၤနီတမံၤတဂ့ၤ” (:၈-၁၀) န့ၣ် မ့ၢ်တၢ်ကတိၤဟ့ၣ်ဒိလၢ ပသိလ့ၣ်အသိထံလၢာ် (ပဂံၢ်ပဘါလၢာ်) န့ၣ်လီၤ.
ပသုတဒိကနၣ် တၢ်မၤလိာ်တထံၣ်အံၤအဂီၢ်, တၢ်လ့ပစီကလီၤဘၣ်ပှၤသ့ၣ်သ့ၣ်န့ၣ်လီၤ. ကယဲၢ်တၢ်မၤလိာ်တဖၣ် လၢအထီဒါ တၢ်ကတိၤကဘျံးကဘျၣ်, တၢ်ဟုၣ်တၢ်, တၢ်မၤသံတၢ်, တၢ်မၤကမၣ်မုၣ်ကမၣ်ခွါ, တၢ်သးကွံပှၤဂၤအတၢ်, ဒီးတၢ်ဘါတၢ်ဂီၤတၢ်ဖီၣ်တဖၣ် (:၁-၁၇) န့ၣ် ဖျါဆှဲဂ့ၤဒိၣ်မးန့ၣ်လီၤ. ဘၣ်ဆၣ်, တၢ်ကဘၣ်အိၣ်ဘှံး တနွံန့ၣ် တသီ, ကိးနွံဒဲး န့ၣ် ဘၣ်ကမ့ၢ်ဝဲ တၢ်လၢအကါဒိၣ်နီၢ်နီၢ်န့ၣ်ဧါ.
ဖဲအံၤန့ၣ်, ပဆိကမိၣ်လၢ ပလီန့ၢ်ဝ့ၤန့ၢ်တၢ်ကသ့ဝဲဒၣ်န့ၣ်လီၤ. ဘၣ်ဆၣ်, မုၢ်အိၣ်ဘှံးနံၤ အတၢ်ဟ့ၣ်န့ၣ် ကွဲမုာ်ပှၤလၢ ပကအိၣ်ဘှံးအိၣ်သါအဂီၢ်န့ၣ်လီၤ. ပကဆိကတီၢ်ပတၢ်ဖံးတၢ်မၤ, ဒ်သိးပကသ့ၣ်နီၣ် ယွၤအတၢ်ကတဲာ်ကတီၤန့ၢ်ပှၤ, ဒီးတမ့ၢ်လၢပမၤတၢ်တပယုၢ်ဃီအဃိဘၣ်န့ၣ်လီၤ.
“တၢ်ဒ့ၣ်စၢၤ တုၤအလၢာ်အိၣ်လီၤကအိ” န့ၣ် မ့ၢ်ဒၣ်ထဲဃုသီန့ၣ်လီၤ. ဒီးလၢ မုၢ်နွံနံၤန့ၣ်, တၢ်လၢပသ့ၣ်ညါနၢ်ပၢၢ်တ့ၢ်ဝဲ တၢ်ခဲလၢာ်အိၣ်ဝဲလၢပစုပူၤန့ၣ် ပကစူးကွံာ်ညိကွံာ်အီၤ, ဒီးပကအိၣ်ဘှံး မၤပှဲၤက့ၤဂံၢ်ဘါအဂီၢ်, ယွၤကွဲမုာ်ပှၤ လၢအဘျုးအဖှိၣ်အပူၤန့ၣ်လီၤ.
