ပဟံၣ်ဖိဃီဖိ အတၢ်လဲၤဟးကသုၣ်ဆူ တၢ်လီၢ်အယံၤန့ၣ်, ယဘၣ်နီၣ် လဲၤခီဂာ် သိလ့ၣ်လၢ မီ(န)တၤနါ (Montana) ဒီး ဒၢ်ကိတၣ် ကလံၤထံး (South Dakota) အကီၢ်စဲၣ်တဖၣ်, လၢပှၤကညီတဖၣ် အိၣ်ဆိးဝဲ စှၤကိာ်တဖၣ်န့ၣ်လီၤ. ဖဲယနီၣ် သိလ့ၣ်အကတီၢ်, ယပာ်သူၣ်ပာ်သး က့ၢ်ဂီၤဒိတမံၤ- တၢ်သူၣ်တၢ်ဖျး, ဘုၣ်အီၣ် ဘုၣ်အီတၢ် ဟီၣ်ခိၣ်လီၢ်ဖးလဲၢ်န့ၣ် ဟံၣ်တဖျၢၣ် ဘၣ်တၢ်ကဝီၤဃာ်အီၤလၢ သ့ၣ် ကရူၢ်တဖၣ်န့ၣ်လီၤ. မ့ၢ်လၢကလံၤအူတၢ်ဆူၣ်အဃိ, ဒ်သိးယသိလ့ၣ် ကအိၣ်ဂၢၢ်ဆိးကျၢၤလၢကျဲလိၤအဂီၢ်, ယကျဲးစၢးနီၣ်သိလ့ၣ်အကတီၢ်, ယနၢ်ပၢၢ်ယဲဒၣ်လၢ သ့ၣ်ထံးတဖၣ် အတၢ်ကဲဘျုးန့ၣ် တမ့ၢ်ထဲ တၢ်ဃံတၢ်လၤအဂီၢ်ဘၣ်. ဒ်သိးကဒီဒၣ်ဟံၣ်, ဒီးပှၤအိၣ်ဆိးလၢဟံၣ်ပူၤတဖၣ်အဂီၢ်, သ့ၣ်အထူၣ်တဖၣ် ဘၣ်တၢ်သူၣ်အီၤလၢ တၢ်ကမၤစၢ်လီၤကွံာ်ကလံၤလၢအဆူၣ်, လၢကမၤဟးဂီၤတၢ်န့ၣ်လီၤ.

တၢ်လၢအပူၤကွံာ်, ဝံယရှါယၤ ပာ်ဖျါဝဲ ခါဆူညါအကတီၢ်လၢအကဟဲအဂ့ၢ်, လၢယွၤအတၢ်ပၢဆှၢကဟုကယာ်အဖီလာ်, ဒ်အမ့ၢ်တၢ်အိၣ်တဒၢ ကလံၤ, ဒီးမူခိၣ် ကလံၤမုၢ်တွၤအလီၣ်အကျဲအသိးန့ၣ်လီၤ. ယရှါ ၃၁:၆-၇ န့ၣ် ဝံစံးဘၣ် ယွၤအပှၤဂီၢ်မုၢ် တဖၣ်လၢ ကပီၢ်ယၢ်လီၤက့ၤအသး, ဒီးကွဲးပာ်ဖျါစ့ၢ်ကီးဝဲလၢ “စီၤပၤတဂၤ ကပၢတၢ်လၢ တၢ်တီတၢ်လိၤအဂီၢ်” (၃၂:၁), ဒီးကယဲၢ်ပှၤလၢ အပၢဆှၢတၢ်ဒီးအီၤတဖၣ်, ကမၤအသးဒ် “တၢ်အိၣ်တဒၢအလီၢ် လၢကလံၤအမဲာ်ညါ ဒီးတၢ်တဒီအလီၢ်လၢ တၢ်ဟဲစူၤအမဲာ်ညါ” (၃၂:၂), ဘၣ်ဃးဒီးခါဆူညါအကတီၢ်လၢအကဟဲအဂ့ၢ်န့ၣ်လီၤ. တၢ်ဆိၣ်ဂ့ၤလၢ အပိာ်ထွဲထီၣ်ဝဲန့ၣ် မ့ၢ်ဝဲဒၣ် ပှၤဂီၢ်မုၢ် ကထံၣ်န့ၢ်ဝဲ, ကနၢ်ဟူဝဲ, ဒီးကနၢ်ပၢၢ်ဝဲ, ဒီးကစံးကတိၤ တၢ်မ့ၢ်တၢ်တီ (:၃-၄) လၢတၢ်မုာ်တၢ်ပၢၤ, ဒီးတၢ်ဘံၣ်တၢ်ဘၢအပူၤန့ၣ်လီၤ.

တၢ်အၢၣ်လီၤတမံၤအံၤ အတၢ်ဘျုးကလၢထီၣ်ပှဲၤထီၣ်အဂီၢ်, ဖဲလၢပဆိးသီကွၢ်လၢ်အဖၢမုၢ်, ဖံ ၂:၃-၄ ပာ်ဖျါဝဲလၢ ပထံၣ်ဘၣ်တ့ၢ်လံ ကစၢ်ယွၤ မၤတၢ် ခီဖျိ ပှၤလၢ”တကွၢ်တဂၤလၢအတၢ်ဒၣ်ဝဲ, တဂၤလၢအတၢ်ဒၣ်ဝဲ, မ့မ့ၢ်ကွၢ်တဂၤလၢ ပှၤဂၤအတၢ်, တဂၤလၢပှၤဂၤအတၢ်” တဖၣ်န့ၣ်လီၤ. ကစၢ်ခရံာ်အသး ကမၤစၢၤပှၤလၢပကဒုးအိၣ်ထီၣ်, တၢ်လီၢ်ဘံၣ်ဘံၣ်ဘၢဘၢတတီၤ, ဖဲတၢ်အကတီၢ်ကီခဲအပူၤဒၣ်လဲာ်, ဒ်သိးပှၤကညီတဖၣ် ဂုၤထီၣ်ပသီထီၣ် ကသ့ဝဲဒၣ်လီၤ. တၢ်အံၤမ့ၢ်ကျိၤကျဲနီၢ်နီၢ်တဘိလၢ ပကအိၣ်မူဟ့ၣ်ဒိ ယွၤအတၢ်အဲၣ်ကဟုကယာ်န့ၣ်လီၤ.