လၢယလဲၤပာ်ယကျိၣ်စ့, စ့တၢးအဒူၣ်လိၤန့ၣ် လံၥ်ကျိၤ လၢအဘိးဘၣ်သ့ၣ်ညါဝဲဒၣ် တၢ်မၤသကိးတၢ်ဘျၢသနူအခိၣ်သ့ၣ်တဖၣ်, လၢအပာ်ဖျါဖှိၣ်တၢ်ကတိၤစှၤထံၣ်, “တၢ်စံးကတိၤမုၥ်နၢ်ဆၢသး” န့ၣ်လီၤ. ဖဲန့ၣ် ယထံၣ်ယဲ ပှၤမၤတၢ်ဖိလၢအတၢ်စံးကတိၤမုၥ်နၢ်ဆၢသးအပူၤ, မၤစၢၤယၤလၢ ယကထုးထီၣ်ကျိၣ်စ့အဂီၢ်န့ၣ် ကဲထီၣ်တၢ်သူၣ်ဖှံသးညီလၢယဂီၢ်န့ၣ်လီၤ.

ဟီၣ်ခိၣ်လၢ အအၢသီ, ဒီးတၢ်သူၣ်ကညီၤသးကညီၤတအိၣ်ဝဲဒၣ် တဖျၢၣ်အံၤအပူၤ, တၢ်ဟ့ၣ်သဆၣ်ထီၣ်ပှၤ ခီဖျိလၢတၢ်စံးကတိၤမုၥ်နၢ်ဆၢသးစံးတၢ်န့ၣ် မ့ၢ်တၢ်ထံၣ်ဆိကမိၣ်ဖးဒိၣ်တမံၤန့ၣ်လီၤ. တၢ်ဂ့ၢ်အံၤ, ပထံၣ်န့ၢ်ဘၣ်လၢ ပှၤတၢ်မၢဖိ စီၤပီလူး အလံၥ်, ကွဲးဟ့ၣ်လီၤဝဲဒၣ်ဆူ အတံၤသကိး စီၤတံတူးအအိၣ်န့ၣ်လီၤ. တံတူး ၃:၂ အပူၤန့ၣ် နဲၣ်လိဝဲ စီၤတံတူး, ဒ်သိးကမၤသ့ၣ်နီၣ်ထီၣ် အၦၤဂီၢ်မုၢ်အဂီၢ်, ဒီးစံးဝဲဒၣ် “တဒုၣ်ဒွဲၣ်ဘၣ်ၦၤနီတဂၤဘၣ်, တအ့ၣ်လိၥ်ဆိးက့ဘၣ်, လၢအဘၣ်ပၥ်အသးခုၣ်ခုၣ်မုၥ်မုၥ်, လၢအဘၣ်ဒုးနဲၣ်ကယဲၢ် တၢ်ဝံသးစူၤလၢ ၦၤကညီခဲလၢၥ်တက့ၢ်” န့ၣ်လီၤ. တၢ်စံးကတိၤမုာ်နၢ်ဆၢသးန့ၣ်, ဘၣ်တၢ်ပာ်ဖျါအီၤစ့ၢ်ကီးလၢ “တၢ်အိၣ်ဃူအိၣ်ဖိးဒီးရ့တံၤရ့သကိး” (မ့) “တၢ်ဒုးနဲၣ် တၢ်ပာ်သးခုၣ်ခုၣ်မုာ်မုာ် လၢၦၤကိးဂၤဒဲးအဖီခိၣ်” (ခ့ခါ-ကညီစှီၤကျိာ်) န့ၣ်လီၤ.

ပရ့လိာ်ပသးဒီးၦၤဂၤတဖၣ်ဒ်လဲၣ်န့ၣ် ပၥ်ဖျါဝဲဒၣ် မ့ၢ်ပထံၣ်, (မ့) ပတထံၣ်ပှၤဂၤ ဒ်ယွၤအက့ၤအဂီၢ်အသိးဧၣ်န့ၣ်လီၤ. စံၣ်. အဲး(စ). လူဝ့း(စ) (C.S.Lewis) အလံၥ် “တၢ်လၤတၢ်ကပီၤ အတယၢၢ်အဃၢ” (The Weight of Glory) အပူၤန့ၣ်, ကွဲးပာ်ဖျါဝဲဒၣ်လၢ “ပှၤမုၢ်ဆ့ၣ်မုၢ်ဂီၤ, ပှၤပတီၢ်မုၢ်တအိၣ်နီတဂၤဘၣ်. နတကတိၤဘၣ်တၢ်ထဲလၢ ပှၤကဘၣ်သံတဂၤနီတဘျီဘၣ်” န့ၣ်လီၤ. လူဝ့း(စ) မုၢ်လၢ်ကွၢ်စိဝဲဒၣ် တၢ်အိၣ်မူအထူအယိၥ်, မ့ၢ်ပကမုၥ်လၤသးခုဝဲဒၣ်လၢ ယွၤအဂီၤထံးအမဲၥ်ညါ (မ့) တၢ်ကဟီထီၣ်ကွံၥ်ပှၤလၢယွၤအမဲၥ်ညါ လီၤထူလီၤယိာ်ဧါန့ၣ်လီၤ. လၢတၢ်န့ၣ်အဃိ, အဝဲဒုးသ့ၣ်နီၣ်ထီၣ်က့ၤပှၤတၢ်တမံၤန့ၣ်, “ၦၤလၢပနံၤသကိး, ဖံးသကိးမၤသကိး, ဒိးတ့ဒိးဖျီပသး, တၢ်မၤတရီတပါၦၤ, လၢအနီၢ်ကစၢ် အတၢ်ဘၣ်ဘျုးအဂီၢ်, ပှၤဟံးန့ၢ်ၦၤဂၤအတၢ်ခွဲးတၢ်ယၥ်တဖၣ်န့ၣ် မ့ၢ်တၢ်လီၤပျံၤလီၤဖုးလၢအသံတသ့တဖၣ်- (မ့) တၢ်ကဟုကညီၢ်အထူအယိၥ်တဖၣ်န့ၣ်လီၤ.”

မ်ပကပျဲ သးစီဆှံ မၤစၢၤပှၤ ဒ်သိးပကထံၣ်ရ့လိာ်သးဒီးၦၤလၢပခိၣ်ပဃၢၤတဖၣ် ဒ်အတၢ်မ့ၢ်တၢ်နီၢ်နီၢ်- ၦၤသ့ၣ်တဖၣ်လၢအဘၣ်တၢ်တ့အီၤ ဒ်ယွၤအက့ၤအဂီၤအသိးန့ၣ်တက့ၢ်.