“ယကသူၣ်ခုသးခုအဂီၢ် ယအိၣ်ဒီးခွဲးယာ်န့ၣ်လီၤ.” မုၣ်လိၣ်ဘိသးစၢ်တဂၤ ပာ်ဖျါဝဲလၢ ၦၤဘၣ်မူဘၣ်ဒါလၢအဒုးအိၣ်ထီၣ်တၢ်သိၣ်တၢ်ဘျၢတဖၣ်န့ၣ်လီၤ. ဘၣ်ဆၣ်, ပိာ်မုၣ်ဖိအံၤကမ့ၢ် ၦၤတဂၤဂၤသ့ၣ်သ့ၣ်သ့ဝဲ, ဖဲလၢတၢ်လီၤတပူၤပူၤန့ၣ် ကစံးကတိၤတၢ်လၢ ၦၤကိးဂၤအဂီၢ်န့ၣ်လီၤ. တၢ်အံၤမ့ၢ် ပဝဲၦၤဟီၣ်ခိၣ်ဖိတဖၣ်အတၢ်ကိးပသူန့ၣ်လီၤ. သရၣ်ဖးဒိၣ် ကူၢ်ရူၢ်(Garu) လၢအစံးကတိၤဟ့ၣ်ဂ့ၢ်ဟ့ၣ်ဘါပှၤဂၤဒၣ်လဲၣ် စံးဝဲလၢႇ “ကစၢ်ယွၤအဲၣ်ဒိးဝဲလၢ နကသူၣ်ခုသးခုဝဲဒၣ်န့ၣ်လီၤ.”

တၢ်အံၤ မ့ၢ်ဝဲတီဝဲကစီဒီဧါ. တၢ်ဃုထံၣ်န့ၢ် တၢ်သူၣ်ခုသးခုန့ၣ် တမ့ၢ်တၢ်လၢအကမၣ်ဘၣ်. သးလၢအဆၢဒိးန့ၢ်တၢ်တမံၤအံၤ အိၣ်ဒီးအထီၣ်အလီၤ, သန့ၤထီၣ်အသးလၢ တၢ်မၤအသး, တကတီၢ်ဘၣ်တကတီၢ်, ဒီးတၢ်မၤလၢၦဲၤ ၦၤတဂၤအတၢ်ဆၢဒိးန့ၢ်တၢ်န့ၣ် မၤဟးဂီၤဝဲဒၣ် ၦၤအဂၤတဂၤအတၢ်သးခု သ့ဝဲစ့ၢ်ကီးန့ၣ်လီၤ.

ကစၢ်ယ့ၣ်ၡူး ဒုးနဲၣ်ၦၤ တၢ်လၢအဂ့ၤဒိၣ်န့ၢ် တၢ်တမံၤအံၤန့ၣ်လီၤ. ဖဲလၢအဟံးထီၣ် ယိးထီၣ် ဟီၣ်ခိၣ်အတၢ်ဒဲးဘးန့ၣ်ဒီး, ကဘၣ်တၢ်ဘျးထီအီၤလၢ ၦၤရိမ့ၤဖိအထူၣ်စုညါန့ၣ်, ကစၢ်ယ့ၣ်ရှူး သ့ၣ်ညါဝဲဒၣ်န့ၣ်လီၤ. ဘၣ်ဆၣ်, အဝဲဘၣ်ယိၣ်တၢ်လၢ အပျဲၢ်အဘီၣ်တဖၣ်အဂီၢ်န့ၣ်လီၤ. ယိၤ ၁၆:၂ဝ န့ၣ် “ယစံးဘၣ်တဲၤဘၣ်သုတီတီလိၤလိၤ, လၢသုမဲာ်ထံကလီၤႇ ဒီးသုကဟီၣ်ကယၢၤလီၤ. မ့မ့ၢ်ဟီၣ်ခိၣ်န့ၣ် ကသးခုလီၤ.” ဘၣ်ဆၣ်, စံးကဒီးဝဲဆူညါ “သုတၢ်သးအုးန့ၣ် ကကဲကဒါက့ၤလၢ တၢ်သးခု” န့ၣ်လီၤ. ဝံၤန့ၣ်ဒီး, အဆၢဖိ ၂၂ န့ၣ်အၢၣ်လီၤအီလီၤဝဲလၢႇ “သုတၢ်သးခုန့ၣ်, ၦၤတဟံးထီၣ်ကွံာ်လၢသုနီတဂၤဘၣ်” န့ၣ်လီၤ.

တၢ်သူၣ်ခုသးခုဒ်သိးအံၤန့ၣ် ဂ့ၤဒိၣ်န့ၢ်ဒံး တၢ်သးခုသးမုာ် အိၣ်သူၣ်လီၤအသးလၢ ပသးဆၢဒိးန့ၢ်သးလီတဖၣ်န့ၣ်လီၤ. တၢ်သူၣ်ခုသးခုဒ်သိးအံၤ ဒိၣ်ထီၣ်အါထီၣ် ခီဖျိပမၤ ပၢ်ယွၤအိၣ်လၢမူခိၣ်အတၢ်ဘၣ်သးအပူၤန့ၣ်လီၤ. မး ၆:၃၃ န့ၣ် ကစၢ်ယ့ၣ်ၡူး ပာ်ဖျါစ့ၢ်ကီးဝဲလၢႇ “မ့မ့ၢ်ဃုဆိယွၤအဘီအမုၢ်, ဒီးအတၢ်တီတၢ်လိၤတက့ၢ်. ဒီးတၢ်ကပာ်ဖှိၣ်တၢ်န့ၣ် တဖၣ်ခဲလၢာ်လၢသု” န့ၣ်လီၤ.

လၢပတၢ်အိၣ်မူအပူၤ တၢ်တမုာ်တလၤတဖၣ်အဃိ, ပတၢ်သးခု လီၤမၢ်ကွံာ်သ့ ဝဲဒၣ်န့ၣ်လီၤ. ဖဲပကွၢ်ဆၢၣ်မဲာ်ဘၣ်ဒီး တၢ်အိၣ်အသးမၤအသးအကတီၢ်ကီခဲအပူၤဒၣ်လဲၣ် တၢ်သူၣ်ခုသးခု အိၣ်ဟဲခီဖျိလၢ တၢ်ပိာ်ကစၢ်ယ့ၣ်ၡူးခရံာ်အခံန့ၣ် ဒိၣ်ထီၣ်အါထီၣ်သ့ဝဲန့ၣ်လီၤ.