ၦၤနဲၣ်လိ တၢ်ဃ့ၢ်ပြၢသရၣ် ကၠဲး(ဖ) ကၤလိၣ်ဝ့ (Jeff Galloway) မ့ၢ် ၦၤဃ့ၢ်ပြၢတ့ၢ်တၢ်တဂၤလၢ အိၣ်လဲပ့း (Olympian), ဒီးသိၣ်လိဝဲ တၢ်ဃ့ၢ်ပြၢ မၣ်ရသိၣ် (Marathon) ကျိၤကျဲလီၤဆီန့ၣ်လီၤ. ဖဲၦၤဃ့ၢ်တၢ်ဖိအသီ, ဒီးပှၤဃ့ၢ်တၢ်ဖိလၢ အတၢ်လဲၤခီဖျိအိၣ်တဖၣ် သ့ၣ်ညါထွဲဝဲလၢ သရၣ်တဂၤအံၤ ဟ့ၣ်သဆၣ်ဆီၣ်ထွဲဝဲဒၣ် “တၢ်ဃ့ၢ်/တၢ်ဟး” တၢ်ကူၣ်ကျဲန့ၣ်ဒီး, အဝဲသ့ၣ် ကမၢကမၣ်ဝဲတလီၢ်လီၢ်န့ၣ်လီၤ. ကျိၤကျဲအံၤ မ့ၢ်တၢ်ဃ့ၢ် အဆၢကတီၢ်တပတီၢ်ဝံၤ ဟးဝဲဒၣ်တစိၤဖိန့ၣ်လီၤ. ကျိၤကျဲအံၤအလီၤခံ အတၢ်ပညိၣ် မ့ၢ်ဝဲလၢ တၢ်လဲၤဟးတစိၤဖိအကတီၢ်န့ၣ် ကဒုးဆူၣ်ထီၣ်က့ၤ ပှၤဃ့ၢ်တၢ်ဖိတဖၣ် အနီၢ်ခိ ဂံၢ်ဘါ, ဒီးကတဲာ်ကတီၤ ၦၤဃ့ၢ်တၢ်ဖိလၢ ကဃ့ၢ်ဝံၤတၢ်ပြၢ ချ့န့ၢ်ဒံး ပှၤလၢအဃ့ၢ်ဝဲ ၂၆.၂ မံၤလာ် တပယူာ်ဃီတဖၣ်အဃိန့ၣ်လီၤ.

တၢ်အိၣ်ဘှံးအိၣ်သါအကတီၢ်ဖိန့ၣ် တမ့ၢ်တၢ်အကါဒိၣ်ထဲလၢ တၢ်ဃ့ၢ်ပြၢတမံၤဧိၤအဂီၢ်ဘၣ်. တၢ်အိၣ်ဘှံးအိၣ်သါန့ၣ် မၤစၢၤၦၤ, ဒ်သိးပကဟံးဃာ်ပၢၤဃာ် ပနီၢ်ခိဂံၢ်ဘါ, ပတၢ်ထုးဂံၢ်ထုးဘါ ဖးယံၤဖးထီလၢပသးသမူဒီစိၤလိၣ်ဘၣ်ဝဲန့ၣ်လီၤ. ကစၢ်ယွၤ ပာ်ဖျါထီၣ်ဝဲ တၢ်ဂ့ၢ်အံၤ လၢလံာ်စီဆှံဒီတဘ့ၣ်, စးထီၣ်လၢ လံာ် ၂ မိၤၡ့ အပူၤန့ၣ်လီၤ. လံာ်စီဆှံအလီၤလံၤအပူၤန့ၣ် တၢ်နီၤဖးပၣ်လီၤဆီ တၢ်အိၣ်ဘှံးအကတီၢ်, ဖဲကစၢ်ယွၤ အတၢ်မၤလၢတ့လီၤတၢ်ဝံၤအလီၤခံ, ၂ မိၤ ၂ဝး၁ဝ စံးဘၣ်ပှၤလၢ ကစၢ်ယွၤ မၤတၢ် ဃုနံၤဃုသီဝံၤ, “မုၢ်နွံနံၤတနံၤန့ၣ် မ့ၢ်ယွၤနကစၢ်အတၢ်အိၣ်ဘှံးအနံၤလီၤ.” အဂ့ၢ်ဒ်အံၤ, အဆၢဖိ ၁၁ ပာ်ဖျါဝဲလၢ “ဃုနံၤ အတီၢ်ပူၤန့ၣ် ယွၤတ့လီၤမူခိၣ်, ဒီးဟီၣ်ခိၣ်, ပီၣ်လဲၣ်, ဒီးကယဲၢ်တၢ်အိၣ်လၢအဝဲသ့ၣ်တဖၣ်အပူၤႇ ဒီးအိၣ်ဘှံးဝဲလၢ မုၢ်နွံနံၤတနံၤန့ၣ်လီၤ. မၤသးဒ်န့ၣ်ဒီး ယွၤဆိၣ်ဂ့ၤမုၢ်နွံနံၤတနံၤႇ ဒီးပာ်စီဆှံအီၤ” န့ၣ်လီၤ.

ရိမ့ၤ ၁၄:၅-၆, ဒီးကလီး ၂:၁၆-၁၇ အပူၤန့ၣ် ဒ်ပမ့ၢ်ၦၤစူၢ်က့ၤနာ်က့ၤ ကစၢ်ယ့ၣ်ၡူးတဖၣ်အသိးႇ ပကဘၣ်အိၣ်ဘှံးဆံးယံာ်လဲၣ်အဂီၢ်န့ၣ် တၢ်ပာ်ဖျါလီၤတံၢ်တအိၣ်ဘၣ်. လၢတၢ်န့ၢ်ဂံၢ်န့ၢ်ဘါအဂီၢ်, အကတီၢ်တဘျီလၢ်လၢ်န့ၣ် ပကဘၣ်အိၣ်ဘှံးအိၣ်သါဝဲဒၣ်န့ၣ်လီၤ. တၢ်ဃုထၢ အိၣ်ဘှံးအိၣ်သါစံးတၢ်န့ၣ် မ့ၢ်ပတၢ်ပာ်ဖျါ တၢ်စူၢ်တၢ်နာ် ကစၢ်ယွၤ, လၢအကလုၢ်တီတဂၤ, ပှၤလၢကမၤလၢမၤၦဲၤပတၢ်လိၣ်တဖၣ်န့ၣ်လီၤ. ပကဘၣ်ဃ့ၢ်တၢ်ထီဘိအဂီၢ်, အလီၢ်တအိၣ်လၢၤဘၣ်. ပဃ့ၢ်တသ့စ့ၢ်ကီးထီဘိဘၣ်.