“ခီဖျိလၢတၢ်ကတိၤဂ့ၢ်လိာ်ဘှီလိာ်သးန့ၣ် ကမၤနၢၤတၢ်ဧါ.” ဖဲပှၤခံဖု လၢအမ့ၢ် ပှၤကတီၤ ခိၣ်ဃၢၤန့ဆၢၣ်အကရၢဖိ, ဒီးပှၤမၢပနံာ်ကၤတၢ်မၤအဆံးအကရၢဖိတဖၣ် ဆိးကဲၤထီၣ် “အၣ်ဒံၣ်ရိၣ်ဒဲး(ခ) တၢ်ဒုးတၢ်ယၤ” မ့ၣ်အူန့ၣ်တဝ့ၢ်ဖိခိၣ်နၢ်တဂၤ ဟ့ၣ်ပလီၢ်ဝဲ ပှၤအိၣ်ဆိးလၢ အၣ်ဒံၣ်ရိၣ်ဒဲး(ခ) (Adirondack Park) တၢ်ကွၢ်ကီလီၢ်ကဝီၤတဖၣ်, လၢတမၤနၢၤဝဲနီတဘျီဘၣ်လီၤ. တၢ်ဒုးအမံၤအံၤ ပာ်ဖျါထီၣ်ဝဲ ပှၤဝ့ၢ်ဖိတဖၣ် အတၢ်ဂ့ၢ်လိာ်ဘှီလိာ်သး ဘၣ်ထွဲဒီး ဝ့ၢ်နယူယီး ကလံၤထံး အလီၢ်ကဝီၤပှၢ်မုၢ်ကနၢန့ၣ် မ့ၢ်တၢ်ကဟံးဃာ်ပၢၤဃာ် ဒ်အလီၢ်ဒၣ်ဝဲအသိးန့ၣ်ဧါ. မ့တမ့ၢ် ကမၤဂုၤထီၣ်ပသီထီၣ်အီၤဧါန့ၣ်လီၤ.

လီၢ်ကဝီၤခိၣ်နၢ်တဂၤ ကိးပသူ, ဒီးတဲဘၣ် ပှၤကတီၤ ခိၣ်ဃၢၤန့ဆၢၣ်အကရၢဖိ တဂၤလၢ, “က့ၤကဒါက့ၤဆူ သုဟဲအလီၢ်တပူၤလၢ်လၢ်န့ၣ်တက့ၢ်.” ဘၣ်ဆၣ် တယံာ်ဘၣ်န့ၣ် တၢ်ကစီၣ်အသီဟဲတုၤဝဲလၢ “တဘၣ်ကိးဃါလိာ်သးတဂ့ၤ. ကျဲးစၢးကတိၤသကိးတၢ်ကဒဲကဒဲတက့ၢ်” န့ၣ်လီၤ. ဖဲန့ၢ် တၢ်ဒုးအိၣ်ထီၣ် တၢ်မၤသကိးတၢ်ကရၢတဖု ဒ်သိးကတ့ထီၣ်တိၤမၤဘၣ်ထွဲက့ၤ ပှၤလၢအထီဒါလိာ်အသးခံဖုအဂီၢ် န့ၣ်လီၤ. ကမျၢၢ်တၢ်ကတိၤသကိး, ဒ်ပှၤတဖုဃီအသိးန့ၣ် လဲၤထီၣ်လဲၤထီဝဲ, ဒီးတၢ်ဘၣ်ပၢၤဃာ်ဒီသဒၢ ဟီၣ်ခိၣ် အ့ကၢၣ်လၢအကကွဲၢ်ဃၣ်ဃၣ်န့ၣ်လီၤ. ဒီးအၣ်ဒံၣ်ရိၣ်ဒဲး(ခ) အဝ့ၢ်ဆံးဖိတဖၣ် ဂုၤထီၣ်ပသီထီၣ်ဝဲ, ဒီးလဲၤထီၣ်လဲၤထီဝဲ ဒိၣ်န့ၢ်အါန့ၢ် အပူၤကွံာ်အနံၣ်ခံဆံန့ၣ်လီၤ.

တၢ်အိၣ်မူသကိးလၢ တၢ်မုာ်တၢ်ပၢၤအပူၤစံးတၢ်န့ၣ် မ့ၢ်တၢ်စးထီၣ်အခီၣ်ထံးဘၣ်ဆၣ်, စီၤပီလူး သိၣ်လိဝဲတၢ်လၢ အဂ့ၤန့ၢ်တၢ်အံၤန့ၣ်လီၤ. ဖဲ ကလီး ၃:၈ န့ၣ် လၢဝ့ၢ်ကလီးစဲ ပှၤစူၢ်နာ်က့ၤတၢ်အသီတဖၣ်အဂီၢ်, ဒီး စံးဝဲဒၣ်, “မ့မ့ၢ်ညိကွံာ် …, တၢ်သူၣ်ဒိၣ်သးဒိၣ်, တၢ်သူၣ်ထီၣ်သးထီၣ်, တၢ်ဆၢအၢ, တၢ်ဒုၣ်ဒွဲၣ် တၢ်ကတိၤမဲာ်ဆှးလၢ အဟဲထီၣ်လၢ သုထးခိၣ်န့ၣ်တက့ၢ်” န့ၣ်လီၤ. အဆၢဖိ ၁၂ န့ၣ် ဒ်သိးအဝဲသ့ၣ် ကအိၣ်မူဝဲ န့ဆၢၣ်အသီလၢ ကစၢ်ခရံာ်, ဒီးကဆီတလဲကွံာ် အတၢ်အိၣ်မူကျဲအလီၢ်လံၤအဂီၢ်, စီၤပီလူး ဟ့ၣ်သဆၣ်ထီၣ်ဝဲ, က“ကူထီၣ်သိးထီၣ် တၢ်သးကညီၤ, တၢ်မၤဂ့ၤတၢ်, တၢ်ဆီၣ်လီၤသး, တၢ်သးစူၤ, တၢ်ဝံသးစူၤတဖၣ်တက့ၢ်” န့ၣ်လီၤ.

တၢ်လၢမုၢ်တနံၤအံၤ, ကယဲၢ်ပှၤစူၢ်က့ၤနာ်က့ၤတၢ်ဖိတဖၣ်ခဲလၢာ် ဘၣ်တၢ်ကွဲမုာ်အီၤလၢ ကစူးကွံာ်ညိကွံာ် တၢ်အိၣ်မူလီၢ်လံၤ လၢအဲၣ်ဒိးမၤအၢမၤသီတၢ်တဖၣ် ဆူတၢ်အိၣ်မူအသီလၢကစၢ်ခရံာ်အပူၤန့ၣ်လီၤ. အဆၢဖိ ၁၅ ပာ်ဖျါဝဲလၢ “မ်ခရံာ်အတၢ်ဃူတၢ်ဖိး ပၢတၢ်လၢသုသးကံၢ်ပူၤတက့ၢ်. ဆူအဝဲန့ၣ်အပူၤတၢ်ကိးက့ၤသုလၢ နီၢ်တဂၤဃီအပူၤ” န့ၣ်လီၤ. ဝံၤန့ၣ်ဒီး, ခီဖျိပသးအတၢ်မုာ်တၢ်ပၢၤအပူၤန့ၣ် ဟီၣ်ခိၣ် ကထံၣ်ဘၣ် ကစၢ်ယ့ၣ်ရှူးန့ၣ်လီၤ.