အပူၤကွံာ်နံၣ်တဖၣ်န့ၣ်, ယဝၤပာ်လီၤအသးလၢ ကလဲၤဟးဝဲဆူ ကီၢ်အၣ်ဖရံကၤ (Africa) ဃုာ်ဒီးပှၤတဖုလၢအတၢ်အိၣ်ဖှိၣ်ပူၤန့ၣ်လီၤ. တချုးလၢအဝဲသ့ၣ် ဟးထီၣ် ဝဲဒၣ် စှၤမံးနံးအတီၢ်ပူၤ, အဝဲသ့ၣ်ကလဲၤတၢ်န့ၣ် ဘၣ်တၢ်တြီဃာ်ဝဲဒၣ်န့ၣ်လီၤ. ပှၤကိးဂၤဒဲးန့ၣ် အသးဟးဂီၤဝဲဒၣ်ဘၣ်ဆၣ်, ကျိာ်စ့တဖၣ်လၢ အပာ်ဖှိၣ်ဝဲ ကဘီယူၤအလဲ, တၢ်အိၣ်တၢ်ဆိး, ဒီးတၢ်အီၣ်တၢ်အီတဖၣ်အဂီၢ်န့ၣ် ဘၣ်တၢ်ဟ့ၣ်မၤဘူၣ်ဝဲဒၣ်ဆူ ပှၤတဖၣ်လၢ အဝဲသ့ၣ်ကလဲၤအိၣ်သကိးဝဲအဂီၢ်န့ၣ်လီၤ. အဝဲသ့ၣ် စူးကါဝဲတၢ်မၤဘူၣ်တဖၣ်အံၤလၢ တၢ်အိၣ်ကဒုလီၢ်အတၢ်သူၣ်ထီၣ်, လၢပှၤဘၣ်တၢ်မၤတရီတပါတဖၣ်အဂီၢ်န့ၣ်လီၤ.

ဖဲတၢ်တယံာ်ဒံးဘၣ်န့ၣ်, လၢဂီၤထၢၣ်သၢတၢ်ထုကဖၣ်တၢ်ဘါအကတီၢ်, ယဝၤထံၣ်လိာ်အသးဒီးပှၤတဂၤ အိၣ်ဆိးဝဲဒၣ် ဒူသဝီလၢ ယဝၤကလဲၤဟးဝဲ, လၢအပူၤကွံာ်အါနံၣ်အါလါန့ၣ်လီၤ. ပှၤတဂၤအံၤ မ့ၢ်သရၣ်သိၣ်လိတၢ်, ဒီးစံးဝဲလၢ အဝဲလဲၤထီၣ်က့ၤလီၤဝဲ ဖဲတၢ်သူၣ်ထီၣ်အကပၤအံၤ ကိးမုၢ်နံၤဒဲးန့ၣ်လီၤ. အဝဲပာ်ဂၢၢ်ပာ်ကျၢၤဝဲဒၣ်လၢ ယွၤစူးကါတၢ်သူၣ်ထီၣ်အံၤ ဒ်သိးကမၤစၢၤဝဲဒၣ် ပှၤဘၣ်တၢ်မၤအၢမၤသီတဖၣ် လၢလီၢ်ကဝီၤပူၤအဂီၢ်န့ၣ်လီၤ.

ပတၢ်တိာ်ကျဲၤ, ဒီးပတၢ်မိၣ်န့ၢ်သးလီတၢ်တဖၣ်န့ၣ် တလီၤပလိာ်သးဒီးကစၢ်ယွၤအတၢ်တိာ်ကျဲၤတဖၣ် ထီဘိန့ၣ်ဘၣ်. ယရှါ ၅၅:၈ စံးဘၣ်ပှၤ “ယတၢ်ဆိကမိၣ်တမ့ၢ်ဘၣ်သုတၢ်ဆိကမိၣ်ဘၣ်, ဒီးသုကျဲတမ့ၢ်ဘၣ်ယကျဲဘၣ်” န့ၣ်လီၤ. ယွၤအကျဲတဖၣ်န့ၣ် တမ့ၢ်ဝဲထဲ တဒ်သိးလိာ်အသးဒီးပကျဲဘၣ်, မ့မ့ၢ်ယွၤအကျဲတဖၣ်န့ၣ် “ထီန့ၢ်” ဒီးဂ့ၤဒိၣ်န့ၢ် ပကျဲ, အဂ့ၢ်ဒ်အံၤ, အဆၢဖိ ၉ ပာ်ဖျါဝဲဒၣ် တၢ်လၢယွၤမၤဝဲတဖၣ်န့ၣ် လီၤပလိာ်အသးဒီးကစၢ်ယွၤအတၢ်မ့ၢ်တၢ်အဃိန့ၣ်လီၤ. ဖဲပဂုာ်ကျဲးစၢးမၤတၢ်လၢယွၤအဂီၢ် ဒီးမ့ၢ် တကဲထီၣ်လိၣ်ထီၣ်ဝဲဒၣ် ဒ်ကျိၤကျဲလၢ ပတိာ်ပာ်ဝဲအသိးအကတီၢ်န့ၣ် တၢ်မ့ၢ်တၢ်တီအံၤ ဒုးအိၣ်ထီၣ် တၢ်မုၢ်လၢ်လၢပဂီၢ်န့ၣ်လီၤ.

တၢ်အိၣ်အသးတနီၤနီၤလၢ ဖဲပကွၢ်ကဒါက့ၤဒီး ဃုထံၣ်န့ၢ်က့ၤ ယွၤဒိၣ်စိလုာ်ဘၢလၢ ပတၢ်လဲၤခီဖျိအဂီၢ်န့ၣ် တၢ်ဆၢကတီၢ်ကယံာ်လၢ အနံၣ်တဖၣ် သ့ဝဲဒၣ်န့ၣ်လီၤ. ခဲကနံၣ်အံၤ, ခီဖျိလၢအမံၤစီဆှံအပူၤန့ၣ်, ပမၤဘၣ်တၢ်သးခုကစီၣ်အတၢ်မၤ တုၤဃီၤဝဲဆူ ဟီၣ်ခိၣ်ဒီဘ့ၣ်, ဒီးအဆၢဖိ ၁၁ ပာ်ဖျါဝဲအသိး, ပကသ့ၣ်နီၣ်ထီၣ်က့ၤလၢ ထီဘီန့ၣ် ကစၢ်ယွၤလၢပှဲၤဝဲဒီးအစိကမီၤ လၢအတၢ်ဖံးတၢ်မၤအပူၤန့ၣ်လီၤ.