ဒ်သိး လံစၢ် (Leisa) ကမၤဂ့ၤထီၣ်ဝဲ စုတၢ်ပနီၣ် (sign language) အတၢ်သ့ တၢ်ဘၣ် လၢပှၤနၢ်တဟူတဖၣ်မၤလိဝဲအဂီၢ်, ဘျုးလီၤအသးလၢ ပှၤနၢ်တအၢဖိတဖၣ်အကျါန့ၣ်လီၤ. တယံာ်ဘၣ်န့ၣ် အဝဲသ့ၣ်ညါထွဲ ပှၤအနၢ်တအၢတဖၣ် အတၢ်ဂ့ၢ်ကီ န့ၣ်လီၤ. ပှၤနၢ်ဟူတၢ်တဖၣ်န့ၣ် လဲၤကပာ်ကွံာ်အဝဲသ့ၣ်, ဒီးပှၤနၢ်ဟူတၢ်တဖၣ်န့ၣ် မုၢ်လၢ်ဝဲလၢ ပှၤတအၢနၢ်တဖၣ် ဒ်သိးကနၢ်ပၢၢ်ဝဲတၢ်စံးတၢ်ကတိၤတဖၣ်အဂီၢ်, ကကွၢ်ထံ ပှၤကတိၤတၢ်တဖၣ် အထးခိၣ်ဖံး ဟူးဝးတၢ်အကျိၤအကျဲ, ဒီးလၢတၢ်ဖံးတၢ်မၤအပူၤန့ၣ် ကဘၣ်တၢ်သုးထီထီၣ် အလီၢ်အလၤအပတီၢ်န့ၣ် အဝဲသ့ၣ် ဘၣ်တၢ်ပာ်လီၤတဲာ်ကွံာ်အီၤန့ၣ်လီၤ. လၢကမျၢၢ်အတၢ်ရဲၣ်တၢ်ကျဲၤတဖၣ်အပူၤ, အါတက့ၢ်န့ၣ်, ပှၤလၢကဒုးနဲၣ် စုတၢ်ပနီၣ်, လၢပှၤနၢ်တအၢတဖၣ်အဂီၢ် တအိၣ်ဘၣ်န့ၣ်လီၤ.
လံစၢ် အစုတၢ်ပနီၣ်အတၢ်သ့တၢ်ဘၣ်န့ၣ် ဂ့ၤထီၣ်ဝဲတဆီဘၣ်တဆီတုၤ အကဲထီၣ်တၢ်တမံၤဃီဒီးပှၤတအၢနၢ်ဖိတဖၣ်န့ၣ်လီၤ. ဘၣ်ဖဲတၢ်မၤမူးသးဖှံတဘျီန့ၣ် ပှၤတအၢနၢ်တဂၤ သ့ၣ်ညါထွဲဝဲလၢ လံစၢ် မ့ၢ်ပှၤလၢအနၢ်ဟူတၢ်တဂၤအဃိ, ကမၢကမၣ်ဝဲဒၣ်န့ၣ်လီၤ. တချုး လံစၢ် စံးဆၢက့ၤတၢ်န့ၣ် တံၤသကိးအဂၤတဂၤ ဒုးနဲၣ်အစုတၢ်ပနီၣ် လၢအစံးဝဲဒၣ် “အဝဲအိၣ်ဒီး ပှၤတအၢနၢ်ဖိတဖၣ်အသူၣ်အသး” န့ၣ်လီၤ. တၢ်ဂ့ၢ်မိၢ်ပှၢ်န့ၣ် မ့ၢ်ဝဲလၢ လံစၢ် အတၢ်သူၣ်ဆူၣ်သးဆူၣ် အိၣ်မူအိၣ်ဂဲၤဝဲလၢ ပှၤတအၢနၢ်ဖိတဖၣ်အကျါန့ၣ်လီၤ.
ဒ်သိးကရ့လိာ်သးဒီးပှၤတအၢနၢ်တဖၣ်အဂီၢ်, တမ့ၢ် လံစၢ် ဆီၣ်လီၤအသးန့ၣ်ဘၣ်. ထဲအဝဲနၢ်ဟူတၢ်တမံၤဧိၤန့ၣ် မ့ၢ်တၢ်လၢအလီၤဆီ, အဝဲဒီးပှၤတအၢနၢ်ဖိတဖၣ်န့ၣ် မ့ၢ်တၢ်ဒ်သိးသိးန့ၣ်လီၤ. ဘၣ်ဆၣ် ကစၢ်ယ့ၣ်ရှူး ဒ်သိးကဟဲဆူပအိၣ်, ဒီးကအိၣ်ဆိးဒီးပှၤလၢဟီၣ်ခိၣ်ချၢအံၤအဂီၢ်, ဆီၣ်လီၤအသးန့ၣ်လီၤ. ဧ့ၤ ၂:၉ စံးဘၣ်ပှၤ, အဝဲ “ဘၣ်တၢ်ပာ်အီၤလၢကလူးတဖၣ်အဖီလာ်တစဲးစဲး” န့ၣ်လီၤ. အဆၢဖိ ၁၄ (ခ့ခါ) ပာ်ဖျါဝဲလၢ (ခရံာ်) “အနီၢ်ကစၢ်ဒၣ်ဝဲ ဟံးန့ၢ်ပှၤဟီၣ်ခိၣ်ဖိ အက့ၢ်အဂီၤအန့ဆၢၣ်လီၤ. မၤဝဲဒ်အံၤမ့ၢ်ဒ်သိးဒီး ခီဖျိအတၢ်သံန့ၣ်, ကမၤဟးဂီၤကွံာ် ပှၤလၢအအိၣ်ဒီးတၢ်စိတၢ်ကမီၤလၢတၢ်သံအဖီခိၣ်တဂၤ ဒ်ပစံးတၢ်အသိးမုၣ်ကီၤလံၢ်” န့ၣ်လီၤ. အဆၢဖိ ၁၅ ပာ်ဖျါဝဲလၢ ကမၤထူၣ်ဖျဲး “ပှၤလၢအကဲကုၢ်တစိၤဒၣ်အီၤ လၢအပျံၤတၢ်သံအဃိ” န့ၣ်လီၤ. အါန့ၢ်အန့ၣ်, အဆၢဖိ ၁၇ (ခ့ခါ) စံးဘၣ်ပှၤလၢ “အဝဲဘၣ်ကဲထီၣ်ဒ်အဒီပုၢ်ဝဲၢ်တဖၣ်အသိး လၢတၢ်ကိးမံၤဒဲးအပူၤ ဒ်သိးလၢအတၢ်မၤ ကစၢ်ယွၤအတၢ်မၤအပူၤန့ၣ် ကမ့ၢ်ပှၤလုၢ်တၢ်အခိၣ် အဒိၣ်ကတၢၢ်လၢအသူၣ်ကညီၤ
သးကညီၤတၢ်, ဒီးအကလုၢ်တီဝဲတဂၤသတးဒီးအဂီၢ်” န့ၣ်လီၤ.
မ့ၢ်ပကွၢ်ဆၢၣ်မဲာ်ဘၣ်တၢ် ဒ်လဲၣ်ဂ့ၤ ဒ်လဲၣ်ဂ့ၤ, ကစၢ်ယ့ၣ်ရှူးသ့ၣ်ညါ, ဒီးနၢ်ပၢၢ်ပှၤန့ၣ်လီၤ. အဝဲနၢ်ဟူ ပသးအတၢ်ကိးဒီး အိၣ်ဒီးပှၤထီဘိန့ၣ်လီၤ.
