ကၠ့မ် (Jim) ဘၣ်ဂုာ်ဂဲၤလိာ်ဝဲဒီး နၢၥ်လၢအဒုးဟူးဂဲၤပနီၢ်ခိက့ၢ်ဂီၤတန့ၢ်အတၢ်ဆါန့ၣ် ယံၥ်တ့ၢ်လံလၢတနံၣ်ဘျဲၣ်န့ၣ်လီၤ. အဝဲအညၣ်ထူၣ်အပူၤနၢၥ်တဖၣ်န့ၣ် တမၤတၢ်လၢၤဘၣ်, ဒီးအညၣ်ထူၣ်တဖၣ်စၢ်လီၤစၢ်လီၤဝဲဒၣ်န့ၣ်လီၤ. တၢ်လၢအဒုးဟူးဂဲၤ တၢ်သ့ဖံးသ့မၤတၢ်တဖၣ်, ဒီးအတၢ်သ့ပၢဆှၢစုခီၣ်တဖၣ်န့ၣ် လီၤမၢ်ကွံာ်ဝဲဒၣ်န့ၣ်လီၤ. သိးထီၣ်ဝဲအဆ့ကၤက့ၣ်သၣ်တန့ၢ်, စၢဘံဝဲၡူခီၣ်ဖံးအပျံၤတန့ၢ်, သူဝဲနီၣ်တံၥ်ဘိတသ့လၢၤဘၣ်န့ၣ်လီၤ. တၢ်မၤအသးလၢအီၤန့ၣ် ကၠ့မ် ဘၣ်ဂဲၤလိာ်ဝဲသၦၢ်ၦၢ်, ဒီးသံကွၢ်ဝဲဒၣ်လၢ ဘၣ်မနုၤအဃိ, ကစၢ်ယွၤပျဲတၢ်ကမၤအသးဒ်သိးအံၤန့ၣ်လဲၣ်, ဘၣ်မနုၤအဃိလၢယၤလဲၣ်န့ၣ်လီၤ.

ဒ် ကၠ့မ်အသိး, ၦၤစူၢ်က့ၤနၥ်က့ၤကစၢ်ယ့ၣ်ရှူးတဖၣ်အါဂၤန့ၣ် ဟဲစိာ်ဝဲအတၢ်သံကွၢ်တဖၣ်ဆူ ကစၢ်ယွၤအအိၣ်န့ၣ်လီၤ. ထါစံးထီၣ်ပတြၢၤ ၁၃:၁-၂ န့ၣ်, စီၤဒၤဝံး ဟီၣ်ကိးပသူထီၣ်ဝဲ “ဆံးယံၥ်လဲၣ်ယွၤဧၢႇ နကသးပ့ၤနီၣ်ယၤလီၤထူလီၤယိၥ်ဧါ. နကပၥ်တဒၢနမဲၥ်ဒီးယၤဆံးယံၥ်လဲၣ်, ယကပၥ်ယတၢ်ဆိကမိၣ်ဆိကမးလၢယသးကံၢ်ပူၤဒီးတၢ်သူၣ်အုးသးအုးလၢယသးကံၢ်ပူၤသ့သ့တနံၤဆံးယံၥ်လဲၣ်” န့ၣ်လီၤ.

ပတၢ်သးဒ့ဒီ, ဒီးပတၢ်သံကွၢ်တတဖၣ်စ့ၢ်ကီး, ပဟဲစိာ်ဆူ ယွၤအအိၣ်သ့ဝဲဒၣ်န့ၣ်လီၤ. ဖဲပဟီၣ်ကိးပသူထီၣ် “ဆံးယံၥ်လဲၣ်,” ဒီး “ဘၣ်မနုၤလဲၣ်” န့ၣ် ယွၤနၢ်ပၢၢ်ဝဲဒၣ်န့ၣ်လီၤ. ကစၢ်ယွၤအတၢ်စံးဆၢ အဒိၣ်အထီကတၢၢ်တမံၤန့ၣ်, ဟ့ၣ်လီၤၦၤ ခီဖျိလၢကစၢ်ယ့ၣ်ၡူး, ဒီးအတၢ်မၤနၢၤကွံၥ်ဝဲ တၢ်ဒဲးဘးဒီးတၢ်သံန့ၣ်လီၤ.

ဖဲပကွၢ်ဃီၤတၢ်ဆူ ထူၣ်စုညါ, ဒီးတၢ်သွၣ်ခိၣ်လၢအအိၣ်လီၤဟိန့ၣ်ဒီး, အဆၢဖိ ၅ စံးဘၣ်ပှၤ, ဒ်သိးပကနၥ်သန့ၤ, “ကစၢ်ယွၤအတၢ်အဲၣ်အထူအယိၥ်,” ဒီးမုာ်လၤသးခုဝဲလၢ ယွၤအတၢ်အုၣ်က့ၤခီၣ်က့ၤအပူၤအဂီၢ်, ပကအိၣ်ဒီးတၢ်စူၢ်တၢ်နာ်အဂၢၢ်အကျၢၤန့ၣ်လီၤ. လၢမုၢ်နၤတၢ်ခံးယိၥ်တဖၣ်အပူၤဒၣ်လဲၥ်, ဒ်အဆၢဖိ ၆ ပာ်ဖျါဝဲ “ယကသးဝံၣ်ထီၣ်ယွၤလီၤ, အဂ့ၢ်ဒ်အံၤ, မၤဂ့ၤလံယၤလံ” အသိး, ပသးဝံၣ်စံးထီၣ်ပတြၢၤယွၤသ့ဝဲဒၣ်န့ၣ်လီၤ. ခီဖျိလၢ ပစူၢ်က့ၤနာ်က့ၤကစၢ်ခရံၥ်အဃိ, ကစၢ်ယွၤပျၢ်ကပာ်ကွံၥ် ပတၢ်ဒဲးဘးတဖၣ်, လုၢ်ဖိဝဲဒၣ်ၦၤ ဒ်အဖိအလံၤတဖၣ်အသိးႇ ဒီးလၢပတၢ်အိၣ်မူတဖၣ်အပူၤန့ၣ် မၤလၢၦဲၤဝဲ အတၢ်ပညိၣ်လၢအဂ့ၤလီၤထူလီၤယိၥ်န့ၣ်လီၤ.