ပှၤကညီအသးဖျၢၣ်န့ၣ် မ့ၢ်က့ၢ်ဂီၤတမံၤ လၢအလီၤကမၢကမၣ်န့ၣ်လီၤ. သးဖျၢၣ်ဖိအံၤ အိၣ်ဒၣ်ထဲနီၢ်တဂၤအစုခိၣ်, လၢအဖှိးထုးထီၣ်သွ့ၣ်ထံ, ဒီးအတယၢၢ်ဃၢဝဲဒၣ် ၇ အီၣ်စး (ounces) တုၤ ၁၅ အီၣ်စး (ounces) န့ၣ်လီၤ. တနံၤန့ၣ် စံၣ်ဖှိးဝဲဒၣ် အဘျီတကလီၢ် ဃၣ်ဃၣ်, ဒီးထုးထီၣ် သွံၣ် ၂၀၀၀ ကါလၣ် (2000 gallons), ဒီးဆှၢဝဲဆူ ပနီၢ်ခိဒီတဂၤ ခီဖျိပသွံၣ်ကျိၤလၢ အထီအိၣ် ၆၀,၀၀၀ မံးလးန့ၣ်လီၤ. မ့ၢ်က့ၢ်ဂီၤတမံၤ လၢအအိၣ်ဒီး တၢ်မၤအကီအခဲ, ဒီးအအါအဃိ, ပနၢ်ပၢၢ်အီၤညီလၢ ပှၤကညီအသးဖျၢၣ်မ့ၢ် တၢ်အဂံၢ်ထံးလၢပနီၢ်ခိနီၢ်ကစၢ်ဒီဂၤ ကအိၣ်ဆူၣ်အိၣ်ချ့အဂီၢ်န့ၣ်လီၤ. မ့ၢ်လၢ ပသးဖျၢၣ်အတၢ်အိၣ်ဆူၣ်အိၣ်ချ့န့ၣ်, ဘၣ်ထွဲလိာ်အသးဒီးပတၢ်အိၣ်ဆူၣ်အိၣ်ချ့ အကံၢ်အစီအဃိ, တၢ်ယါဘျါတၢ် အစဲအ့ၣ်ဟ့ၣ်ဂံၢ်ဟ့ၣ်ဘါပှၤလၢ ပကအိၣ်မူပိာ်ထွဲ တၢ်အိၣ်ဆူၣ်အိၣ်ချ့ အလုၢ်လၢ်န့ၣ်လီၤ.

လၢတၢ်စိတၢ်ကမီၤအပူၤ, တၢ်ယါဘျါတၢ်အစဲအ့ၣ် စံးကတိၤဝဲ ပနီၢ်ခိသးဖျၢၣ်အဂ့ၢ်အဆၢကတီၢ်န့ၣ်, ယွၤစံးကတိၤပာ်ဖျါဝဲ သးဖျၢၣ်အဂၤတမံၤအဂ့ၢ်, လၢတၢ်စိတၢ်ကမီၤ
ဒိၣ်န့ၢ်အါန့ၢ်ဒံး တၢ်ယါဘျါတၢ်အစဲအ့ၣ် စံးကတိၤပာ်ဖျါဝဲန့ၣ်လီၤ. ယွၤစံးကတိၤပာ်ဖျါဝဲဘၣ်ထွဲဒီး နီၢ်သးအတၢ်ဆိကမိၣ်, တၢ်သးဂဲၤ, သူၣ်ဂ့ၢ်သးကျိၤ, ဒီးတၢ်ဒီသူၣ်ပာ်သးလၢအဘၣ်ဒီးအကမၣ်န့ၣ် မ့ၢ်ပတၢ်မ့ၢ်တၢ်အဂံၢ်ထံးအဂ့ၢ်န့ၣ်လီၤ. တၢ်ပာ်သူၣ်ပာ်သးန့ၣ် မ့ၢ်တၢ်အကါဒိၣ်တမံၤ, လၢပတၢ်အိၣ်မူအိၣ်ဂဲၤအဂီၢ်အဃိ, ကဘၣ်တၢ်ဒီတဒၢအီၤ
န့ၣ်လီၤ. ကတိၤ ၄:၂၃ စံးဘၣ်ပှၤ “လၢနပၢၤတၢ်ခဲလၢာ်အဖီခိၣ်န့ၣ် ပၢၤနသးတက့ၢ်. အဂ့ၢ်ဒ်အံၤ တၢ်အမူထီၣ်ပၢၤလၢအပူၤလီၤ” န့ၣ်လီၤ. အဆၢဖိ ၂၄ ပာ်ဖျါဝဲလၢ တၢ်ပၢၤဃးပသးန့ၣ် ကမၤစၢၤပှၤလၢ ပတၢ်ကတိၤတဖၣ်” န့ၣ်လီၤ. ဒီးအဆၢဖိ ၂၅ စံးဘၣ်ပှၤလၢ, တၢ်ပၢၤဃးပသးန့ၣ် ကမၤစၢၤပှၤလၢ တၢ်ကွၢ်ထံသ့ၣ်ညါလၢပမဲာ်ချံန့ၣ်လီၤ. အဆၢဖိ ၂၇ ပာ်ဖျါဝဲ တၢ်ပၢၤဃးပသးန့ၣ် ကဃုထၢကျဲအဂ့ၤကတၢၢ် လၢပခီၣ်အဂီၢ်န့ၣ်လီၤ. ပသးအနံၣ်အလါ ကမ့ၢ်တၢ်ထဲလဲၣ်ဂ့ၤထဲလဲၣ်ဂ့ၤ, မ့တမ့ၢ် ပတၢ်အိၣ်မူ ကမ့ၢ်တၢ်ဒ်လဲၣ်ဂ့ၤဒ်လဲၣ်ဂ့ၤ, ပမ့ၢ်ပၢၤဃာ်ပသူၣ်ပသးန့ၣ်ဒီး, ပသးသမူတဖၣ်န့ၣ် ကဘၣ်တၢ်ပာ်ကီၤအီၤ, ပတၢ်ရ့လိာ်ဘၣ်ထွဲတဖၣ်န့ၣ် ကဘၣ်တၢ်ဒီတဒၢအီၤ, ဒီးကစၢ်ယွၤန့ၣ် ကဘၣ်တၢ်မၤလၤကပီၤအီၤန့ၣ်လီၤ.