လၢပဟံၣ်အလီၢ်ခံ ဟံၣ်တဖျၢၣ်န့ၣ် မၢၤ စါခၠဲး (Mrs. Sanchez) အိၣ်ဆိးဝဲ, ဒီးလၢယမိၢ်န့ၣ် မ့ၢ်တံၤသကိးလၢအပြၢလိာ်သးတဂၤ လၢတၢ်အဲၣ်တၢ်ကွံအပူၤန့ၣ်လီၤ.
မုၢ်ဆၣ်အနံၤ ကိးနွံဒဲး, ဆ့ကူဆ့ကၤ လၢအဘၣ်တၢ်ဆှုၣ်ဝံၤသီသီတဖၣ်န့ၣ် မ့ၢ်မတၤတဂၤ ကလိလီၤဆိလဲၣ်န့ၣ် အဝဲသ့ၣ် ခံဂၤ ပြၢလိာ်အသးန့ၣ်လီၤ. ယမိၢ်ညီနုၢ်စံးဝဲဒၣ်လၢ, “အဝဲမၤနၢၤယၤ တဘျီကဒီးလံ” န့ၣ်လီၤ. ဘၣ်ဆၣ်လၢခံတနွံန့ၣ်, ယမိၢ်ကမၤဝံၤဆိတၢ်သ့ၣ်သ့ၣ်, ဘၣ်ဆၣ်ခံဂၤလိာ် သူၣ်ခုသးခုဝဲဒၣ် တနွံတဘျီ တၢ်ပြၢဖိအံၤန့ၣ်လီၤ. လၢအနံၣ်တဆံဘျဲၣ်အတီၢ်ပူၤ, အဝဲသ့ၣ်ခံဂၤ စူးကါသကိးဝဲ ဟံၣ်လီၢ်ခံတၢ်လီၢ်လီၤဟိဖိ, ဒီးနီၤဟ့ၣ်သကိး တဂၤဒီးတဂၤ အတၢ်သ့ၣ်ညါ, အတၢ်ဂ့ၢ်တၢ်ကျိၤတဖၣ်, ဒီးအတၢ်မုၢ်လၢ်တဖၣ်န့ၣ်လီၤ.

လံာ်စီဆှံ ပာ်ဖျါဝဲလၢ တၢ်ရ့လိာ်သး ဒ်သိးအံၤန့ၣ် မ့ၢ်တၢ်ဂ့ၤန့ၣ်လီၤ. ကတိၤ ၁၇:၁၇ န့ၣ် စီၤပၤစီၤရှလိၤမိၤ ထံၣ်သ့ၣ်ညါဝဲ “ပှၤအတံၤသကိးအဲၣ်တၢ်ကိးအဆၢကတီၢ်ဒဲး” အဂ့ၢ်န့ၣ်လီၤ. ကတိၤ၂၇:၉ အပူၤစ့ၢ်ကီးကွဲးနီၣ်ဝဲ, “သိဒီးတၢ်နၢမူမၤခုပှၤအသး, ဒီးတၢ်မုာ်ဘၣ်ဃးဒီးတံၤသကိး ဟ့ၣ်ကူၣ်တၢ်န့ၣ် ဒ်န့ၣ်သိးလီၤ” န့ၣ်လီၤ.

ပတံၤသကိးအဒိၣ်ကတၢၢ်နီၢ်နီၢ်မ့ၢ် ကစၢ်ယ့ၣ်ရှူးန့ၣ်လီၤ. အဝဲဟ့ၣ်သဆၣ်ထီၣ် အပျဲၢ်အဘီၣ်တဖၣ် ဒ်သိးကမ့ၢ်ဝဲတံၤသကိးလၢအအဲၣ်တၢ်သ့, ဒီးယိၤ ၁၅:၁၃ အပူၤန့ၣ် သိၣ်လိဝဲအပျဲၢ်အဘီၣ်တဖၣ်လၢ, “ပှၤမ့ၢ်ပာ်လီၤကွံာ် အသးသမူလၢ အတံၤသကိးအဂီၢ်ဒီး, ပှၤတအိၣ်ဘၣ်ဒီး တၢ်အဲၣ်တၢ်ကွံဒိၣ်န့ၢ်အဝဲန့ၣ်နီတဂၤဘၣ်” န့ၣ်လီၤ. လၢခံတနံၤန့ၣ်, ဒ်အစံးကတိၤဝဲအသိး မၤဝဲဒၣ်လၢထူၣ်စုညါအလိၤန့ၣ်လီၤ. အဆၢဖိ ၁၅ အပူၤစ့ၢ်ကီး ကစၢ်ယ့ၣ်ရှူး တဲဘၣ်အပျဲၢ်အဘီၣ်တဖၣ်လၢ, “ယကိးက့ၤလံသု လၢတံၤလၢသကိးလံ. အဂ့ၢ်ဒ်အံၤ, ကယဲၢ်ယနၢ်ဟူတၢ်လၢ ပၢ်အအိၣ်န့ၣ်, ယဘိးဘၣ်သ့ၣ်ညါသုလီၤ.” ဝံၤန့ၣ်ဒီး, အဆၢဖိ ၁၇ န့ၣ် စံးဝဲဒၣ်, “တၢ်တဖၣ်အံၤ, ယမၤလိာ်သု, ဒ်သိးသုကအဲၣ်လိာ်ကွံလိာ်သုသးသကိးသကိး” အဂီၢ်န့ၣ်လီၤ.

ဒ်ပှၤကူၣ်ဘၣ်ကူၣ်သ့ နံးကလးစ် ဝီလ်ထၣ်စတီး (Nicholas Wolterstorff) ပာ်ဖျါဝဲအသိး, ခီဖျိတၢ်ကတိၤတဖၣ်အံၤ, ကစၢ်ယ့ၣ်ရှူး “စိာ်ကဖီထီၣ်အပှၤဒိကနၣ်တၢ်ဖိတဖၣ်,” ပှၤကညီလၢ အလီၢ်, အပတီၢ်ဖုၣ်တဖၣ်ဆူ တံၤသကိး, ဒီးပှၤနာ်န့ၢ်အီၤသ့တဖၣ်အပတီၢ်န့ၣ်လီၤ. လၢခရံာ်အပူၤ, ပမၤလိန့ၢ်ဝဲ တၢ်ရ့တံၤရ့သကိးလိာ်သး ဒီးပှၤဂၤန့ၣ်လီၤ. ကစၢ်ယ့ၣ်ရှူး မ့ၢ်တံၤသကိး လၢအသိၣ်လိနဲၣ်လိပှၤ တၢ်အဲၣ်ဒ်သိးအံၤတဂၤန့ၣ်လီၤ.