လၢကီၢ်စဲၣ် အလဲးစကး (Alaska), ဝ့ၢ် ဝ့းတံၣ်ယၣ် (Whittier) န့ၣ်, ပှၤကညီနီၢ်ဂံၢ်အိၣ်ဝဲ သၢကယၤဘျဲၣ်အကျါ ပှၤအါတက့ၢ်န့ၣ် အိၣ်ဆိးဝဲဒၣ်ဖဲ တၢ်သူၣ်ထီၣ်ဖးဒိၣ် လၢအအိၣ်ဒီးဒၢးတဖၣ် (Apartment) တပူၤဃီအဃိ, ဝ့ၢ် ဝ့းတံၣ်ယၣ် အံၤဘၣ်တၢ်ကိးအီၤလၢ “ခိၣ်ဒူတခါဃီအဖီလာ် အဝ့ၢ်” န့ၣ်လီၤ. အါမံၣ် (Amie), လၢအပူၤကွံာ် ဒ်အမ့ၢ် ပှၤအိၣ်ဆိးတ့ၢ်လၢ ဝ့ၢ်အံၤန့ၣ်, စံးဝဲဒၣ်, “တၢ်ဂ့ၢ်မ့ၢ်အိၣ်တမံၤမံၤန့ၣ်, တလိၣ် ယဟးထီၣ်လၢ တၢ်သူၣ်ထီၣ်ဘၣ်-တၢ်ဆါတၢ်ပှ့ၤကျး, “ပှၤမၤလံာ်တၢ်အၢၣ်လီၤအီၤလီၤ ပဒိၣ်တၢ်မၤအလီၢ်” (notary public), ကၠိ, ဒီးပှၤဆှၢလံာ်ပရၢပစၢၢ်အလီၢ် အိၣ်ဒၣ်ဖဲ တၢ်သူၣ်ထီၣ် အဖီလာ်ကတၢၢ်အဃိ, အိၣ်ဒၣ်ဘၣ်ဒိးထီၣ် ကဟၣ်စိာ်ထီၣ်စိာ်လီၤတၢ်, ဒီးနလဲၤတုၤဝဲဒၣ်န့ၣ်လီၤ.

အါမံၣ် နီၤဟ့ၣ်ဝဲဒၣ် “တၢ်အိၣ်မူဖဲန့ၣ် ပအိၣ်ဆိးဘၣ်မုာ်မုာ်ခုၣ်ခုၣ်, ဒီးယဆိကမိၣ်လၢယတလိၣ်ဘၣ် ပှၤနီတဂၤဘၣ်, ဒီးယအဲၣ်ဒိးအိၣ်ဒၣ်ထဲတဂၤဧိၤ တလီၢ်လီၢ်န့ၣ်လီၤ. ဘၣ်ဆၣ် ပှၤအိၣ်ဆိးဖဲန့ၣ်တဖၣ်န့ၣ် ကဟုကယာ်, ဒီးအံးထွဲကွၢ်ထွဲလိာ်သးအဃိ, ယမၤလိန့ၢ်တၢ်လၢ အဝဲသ့ၣ် လိၣ်ဘၣ်ယၤ, ဒီးယလိၣ်ဘၣ်စ့ၢ်ကီး အဝဲသ့ၣ်န့ၣ်လီၤ.”

ဒ် အါမံၣ် အသိး, ပကအိၣ်ဒီးတၢ်အကတီၢ်တဖၣ်လၢ ပအဲၣ်ဒိးအိၣ် ပကစၢ်ဒၣ်ဝဲ, ဒီးဟးဆှဲး ပှၤအတဝၢန့ၣ်လီၤ. တၢ်ဟးဆှဲး ပှၤအတဝၢန့ၣ် ကဖျါလီၤဂာ် ဒ်တၢ်လၢအကမၤစှၤလီၤ ပတၢ်ဃၢတၢ်စံာ်တဖၣ်န့ၣ်လီၤ. ဘၣ်ဆၣ်, လံာ်စီဆှံ စံးဘၣ်ပှၤလၢ ပှၤစူၢ်က့ၤနာ်က့ၤ ကစၢ်ယ့ၣ်ရှူးတဖၣ် ကဘၣ်မၤဘၣ်လိာ်ဖိးဒ့ဝဲဒၣ် အကတီၢ်လၢ တၢ်အိၣ်တဲတဂၤဧိၤ, ဃုာ်ဒီးတၢ်ရ့လိာ်သးဒီးပှၤစူၢ်က့ၤနာ်က့ၤတၢ်အဂုၤအဂၤတဖၣ်န့ၣ်လီၤ. ရိ ၁၂:၄ အပူၤန့ၣ် တၢ်မၢဖိ စီၤပီလူး ပာ်ဖျါဟ့ၣ်ဒိဝဲ ပှၤစူၢ်က့ၤနာ်က့ၤတၢ်တဖၣ် အကရၢကရိ ဒ်ပှၤကညီတဂၤ အနီၢ်ကစၢ်အသိးန့ၣ်လီၤ. ပနီၢ်ကစၢ်န့ၣ် အက့ၢ်အဂီၤအိၣ်အါမး, ဒီးအတၢ်မၤလီၤဆီစ့ၢ်ကီးအိၣ်ဝဲအသိး, ပှၤစူၢ်က့ၤနာ်က့ၤတၢ်ဖိကိးဂၤဒဲး တဂၤစုၢ်စုၢ်န့ၣ် အိၣ်ဒီးအတၢ်မၤဂၤမံၤဂၤမၠိ န့ၣ်လီၤ. ရိ ၁၂:၅ စံးဘၣ်ပှၤ ဒ်ပနီၢ်ခိအက့ၢ်အဂီၢ်တဖၣ် မ့ၢ်အိၣ်ထဲတမံၤဧိၤတသ့ဘၣ် အသိး, ပှၤလၢအစူၢ်နာ်တၢ်တဂၤ မ့ၢ်အိၣ်လီၤဖးအသးဒီးပှၤစူၢ်နာ်တၢ်အဂၤတဖၣ်န့ၣ်ဒီး, အိၣ်မူအိၣ်ဂဲၤ တၢ်စူၢ်တၢ်နာ်အတၢ်အိၣ်မူတဂၤတသ့ဘၣ်န့ၣ်လီၤ. ရိ ၁၂:၆-၈, ၁ ပ့း ၄:၁၀ ပာ်ဖျါဝဲ, ပစူးကါပတၤလၣ်တဖၣ် လၢတၢ်ကရၢကရိအပူၤ, ဒီး ရိ ၁၂:၉-၂၁ စံးဘၣ်ပှၤလၢဒ်သိးပကလီၤဂာ်ဒီးကစၢ်ယ့ၣ်ရှူးအဂီၢ် ပကဘၣ်ဒိၣ်ထီၣ်အါထီၣ်ဝဲဒၣ်န့ၣ်လီၤ.

ပမ့ၢ်တၢ်တမံၤဃီ လၢကစၢ်ခရံာ်အပူၤအဃိ, ပလိၣ်ဘၣ်သကိးပသး တဂၤဒီးတဂၤန့ၣ်လီၤ. ခီဖျိလၢကစၢ်ယ့ၣ်ရှူးအတၢ်မၤစၢၤအပူၤ, ဒ်ပကွၢ်ထွဲလိာ်သကိးပသး, ဒီးပကမၤယိၣ်ထီၣ် ပတၢ်ရ့လိာ်ဘၣ်ထွဲဒီးအီၤ, ဒီးဒုးနဲၣ်ပှၤဂၤလၢ အတၢ်အဲၣ်န့ၣ်လီၤ.