ပကမၤ မူးသးဖှံအဂီၢ် တၢ်ဆၢကတီၢ် ဘူးထီၣ်လံအဃိ ယမါဒီးယၤ ပစးထီၣ်ရဲၣ်ကျဲၤတၢ်န့ၣ်လီၤ. ပှၤကဟဲ အါဒံအါဂၤအဃိ, ပကဘၣ်မၢ ပှၤကတဲာ်ကတီၤန့ၣ်ပှၤ တၢ်အီၣ်တၢ်အီတမံၤမံၤဧါ. မ့ၢ်ပကဘၣ်ကတဲာ်ကတီၤ တၢ်အီၣ်လၢ ပကစၢ်ဒၣ်ဝဲဧါ. မ့ၢ်ပကဘၣ်ပှ့ၤ တၢ်ကၣ်တၢ်ဖံးတၢ်ညါတခါခါဧါ. မူခိၣ်မ့ၢ်စူၤလီၤဘၣ်ဒီး ပကဘၣ်ပှ့ၤဒဲတဖျၢၣ်ဧါ. ဖဲပဆိကမိၣ်ထိၣ်ဒွး တၢ်ဝံၤ, ပသ့ၣ်ညါလၢ ပမူးသးဖှံအတၢ်လၢာ်အါထီၣ်အါထီၣ် ဒီးတုၤဒၣ်လဲာ်လၢ တၢ်ရ့လိာ်သးအဂီၢ် တၢ်ဂ့ၢ်ကီ အိၣ်ထီၣ်ဝဲန့ၣ်လီၤ. တၢ်လၢအလိၣ်ကိးမံၤဒဲးန့ၣ် ပဂုာ်ကျဲးစၢး မၤလၢၤပှဲၤလၢ ပကစၢ်ဒၣ်ဝဲအဃိ ပလဲၤပူၤကွံာ် ခွဲးယာ်တမံၤလၢ ပကဒိးန့ၢ် တၢ်မၤစၢၤ လၢပှၤဂုၢ်ပှၤဂၤအအိၣ်န့ၣ်လီၤ.
လံာ်စီဆှံ အတၢ်ပာ်ဖျါ ပပှၤအတဝၢန့ၣ် မ့ၢ်တၢ်ရ့လိာ်သးလၢ အဘၣ်ထွဲဒီး တၢ်ဟ့ၣ်တၢ်ဒီး တၢ်ဒိးန့ၢ်တၢ် န့ၣ်လီၤ. ၁ မိၤရှ့ ၂:၁၈ န့ၣ် ပကထံၣ်ဘၣ် “တချုးလၢ တၢ်လ့ပစီလီၤဘၣ် ပှၤကညီတဖၣ်ဒၣ်လဲာ်, စီၤအၤဒၣ် လိာ်ဘၣ်တၢ်မၤစၢၤ” ဒီး ကတိၤဒိ ၁၅:၂၂ ပာ်ဖျါဝဲလၢ “ပကဘၣ်ဃုထံၣ် ပှၤဂုၢ်ပှၤဂၤအတၢ်ဟ့ၣ်ကူၣ်” ဒီး ကလၤတံၤ ၆:၂ စံးဘၣ်ပှၤ “ဝံလိာ်သုတၢ်ဝံတၢ်ဃၢ သကိးသကိးန့ၣ်လီၤ.” မၤတၢ် ၂:၄၄-၄၅ ပာ်ဖျါဝဲ “လၢသီ တၢ်အိၣ်ဖှိၣ်ဖိတဖၣ် ပာ်ဃာ် တၢ်ခဲလၢာ်တပူၤဃီ ဒီး ဆါကွံာ်အတၢ်ဖိတၢ်လံၤ ဒီးအစုလီၣ်ခီၣ်ခိၣ် ဒီးနီၤဟ့ၣ်ပှၤခဲလၢာ် ဖဲအန့ၢ်တၢ်အလီၢ်အိၣ်ဝဲအသိးန့ၣ်လီၤ.” တၢ်အိၣ်မူလၢ တၢ်သဘျ့လၢအနီၢ်ကစၢ်ဒၣ်ဝဲ အလီၢ်န့ၣ် အဝဲသ့ၣ် ဟ့ၣ်ခီဟ့ၣ်နီၤသကိးတၢ်, ဃ့လိာ်တၢ်, ဟ့ၣ်တၢ်ဒီး ဒိးန့ၢ်တၢ်, ဒ်အမ့ၢ်တၢ်သန့ၤလိာ်သး ကဒဲကဒဲ အတၢ်ဃံတၢ်လၤအပူၤန့ၣ်လီၤ.
အကတၢၢ်န့ၣ် ပဃ့တၢ်မၤစၢၤလၢ ပှၤသမှံၤတဖၣ် ကဟဲစိာ် တၢ်ဒိးစံၣ်ဃါတမံၤမံၤ မ့တမ့ၢ် တၢ်ဆၢသ့ၣ်သူ၀ၣ်သၣ်တဖၣ်လၢ ပမူးသးဖှံန့ၣ်လီၤ. တံၤသကိးလၢ ပခိၣ်ပဃၢၤတဖၣ် ဟဲစိာ်တၢ်ညၣ်အကၣ်တဖၣ် ဒီးအတဂၤန့ၣ် ဟဲစိာ်၀ဲ အဒဲ ဒ်သိးပကစူးကါအီၤအဂီၢ် န့ၣ်လီၤ. ပဃ့တၢ်မၤစၢၤန့ၣ် ဒုးအိၣ်ထီၣ် ပတၢ်ရ့လိာ်ဘၣ်ထွဲ လိာ်သး ဘူးဘူးတံၢ်တံၢ် ဒီးပှၤဟဲစိာ်တၢ်အီၣ်အါကလုာ်အဃိ ကဲထီၣ် တၢ်သးခုလၢ ပှၤခဲလၢာ်အဂီၢ်န့ၣ်လီၤ. တၢ်ပာ်သးကဖၢလၢန့ၣ် ကဲထီၣ်ဂံၢ်ခီၣ်ထံးလၢ တၢ်ပာ်ထီၣ်ထီသးအဂီၢ် လၢပစိၤဆၢကတီၢ်ဒ်သိးအံၤန့ၣ်လီၤ. ဘၣ်ဆၣ် ယၤကိာ် ၄:၆ ပာ်ဖျါဝဲ “ယွၤဟ့ၣ်လီၤတၢ်ဘျုးတၢ်ဖှိၣ်လၢပှၤဆီၣ်လီၤသးအဂီၢ်န့ၣ် ပာ်ဃုာ်ဒီး ပှၤဃ့တၢ်မၤစၢၤ လၢတၢ်ဆီၣ်လီၤသးအပူၤတဖၣ်”န့ၣ်လီၤ.
