ယတံၤသကိးတဂၤ လုၣ်သ့ၣ်ခါပတာ်ဝဲ အတၢ်ဒိးတ့ဒိးဖျီအသး အတၢ်အၢၣ်လီၤအီၤလီၤန့ၣ်လီၤ. ပထံၣ်ဘၣ် အနီၢ်ကစၢ်ဒၣ်ဝဲ မၤဟးဂီၤက့ၤ အဟံၣ်ဖိဃီဖိန့ၣ် မ့ၢ်တၢ်လီၤသးဘၣ်ဒိဆါန့ၣ်လီၤ. ဖဲအဝဲအဲၣ်ဒိးမၤဘၣ်လိာ်ဘၣ်စးအသးဒီးအမါန့ၣ် ဃ့ဝဲ ယတၢ်ဟ့ၣ်ကူၣ်ဟ့ၣ်ဖးန့ၣ်လီၤ. ဒီးယတဲအီၤ, လၢနမါအဂီၢ် နကြၢးမၤတၢ်အါန့ၢ်ဒံး နတၢ်ကတိၤန့ၣ်လီၤ. အဝဲ ကဘၣ်ဂုာ်ကျဲးစၢးဆူညါ လၢတၢ်ပာ်ဖျါအတၢ်အဲၣ်ဆူအမါအအိၣ်, ဒီးဘၣ်ဟးဆှဲးပဲာ်စီကွံာ်တၢ်ဒဲးဘးအက့ၢ်အဂီၤတဖၣ်န့ၣ်လီၤ.
ဒ်ယဟ့ၣ်ကူၣ် ယတံၤသကိးတဂၤအံၤအသိး, ဝံယံးရမံယၤစ့ၢ်ကီး ဟ့ၣ်ကူၣ်ဟ့ၣ်ဖး ပှၤအံၣ်စရ့လးဖိတဖၣ် လၢအမၤဟးဂီၤအတၢ်အၢၣ်လီၤအီၤလီၤဒီးယွၤ, ဒီးပိာ်ကစၢ်အဂၤတဖၣ်အခံန့ၣ်လီၤ. ယံး ၄:၁ ပာ်ဖျါဝဲလၢ ဝံအတၢ်ဟ့ၣ်ကူၢ်လၢ တၢ်က့ၤဆူ ယွၤအအိၣ်န့ၣ် မ့မ့ၢ်တၢ်စးထီၣ်လၢအဂ့ၤဘၣ်ဆၣ်, တမ့ၢ် တၢ်လၢတၢ်ပှဲၤဘၣ်. အဝဲသ့ၣ်တဖၣ်စ့ၢ်ကီး ကဘၣ်အိၣ်မူပိာ်ထွဲ, ဒ်အတၢ်ကတိၤတဖၣ်အသိးန့ၣ်လီၤ. အခီပညီန့ၣ်အဆၢဖိ ၁ ပာ်ဖျါဝဲလၢ “နမ့ၢ်ပာ်ကွံာ်နတၢ်သးဘၣ်အၢ” တဖၣ်န့ၣ်လီၤ. ဝံယံးယရမံယၤ စံးဝဲဒၣ်လၢ အဆၢဖိ ၂န့ၣ် ပှၤဂီၢ်မုၢ် မ့ၢ်ဆိၣ်တၢ်လၢ “တၢ်တီတၢ်လိၤ, လၢတၢ်စံၣ်ညီၣ်တီ, ဒီးလၢတၢ်မ့ၢ်တၢ်တီ” အပူၤန့ၣ်ဒီး, ယွၤကဆိၣ်ဂ့ၤ ပှၤကလုာ်တဖၣ်န့ၣ်လီၤ. တၢ်ကီတၢ်ခဲတခီ မ့ၢ်လၢ အဝဲသ့ၣ်အၢၣ်လီၤအီၤလီၤဝဲလၢ တၢ်ကလီကလီ, ဒီးအသးတအိၣ်စဲဘူးလၢ အတၢ်အၢၣ်လီၤအီၤလီၤတဖၣ်အပူၤဘၣ်န့ၣ်လီၤ.
ထဲတၢ်စံးတၢ်ကတိၤန့ၣ်, ယွၤတအဲၣ်ဒိးဝဲဘၣ်. ယွၤသးလီၤဝဲပသူၣ်ပသးန့ၣ်လီၤ. ဒ်ကစၢ်ယ့ၣ်ရှူး စံးဝဲဒၣ်လၢ မး ၁၂:၃၄ အပူၤအသိး, “ဒ်တၢ်ပှဲၤအသးဒီး လုၣ်ကွံာ် အသိးန့ၣ်, ပထးခိၣ် ကတိၤတၢ်လီၤ” န့ၣ်လီၤ. လၢတၢ်န့ၣ်အဃိ, ပှၤဒိကနၣ်တၢ်ဖိတဖၣ်အဂီၢ် ယံး ၄:၃ အပူၤန့ၣ် ဝံယံးရမံယၤ ဟ့ၣ်ဂံၢ်ဟ့ၣ်ဘါဝဲဆူညါလၢ ပှၤဂီၢ်မုၢ်တဖၣ်ကမၤလီၤကလဲကွံာ် အသးဟီၣ်ခိၣ်လၢအတထဲၣ်ဘၣ်ဒံး, ဒီးတဘၣ်သူၣ်လီၤ တၤဆှုၣ်တၤမဲတဖၣ်အဂီၢ်န့ၣ်လီၤ.
တၢ်လၢအလီၤသးအုးန့ၣ်, ဒ်ပှၤအါဂၤအသိး, ယတံၤသကိး တဒိကနၣ်ဝဲ လံာ်စီဆှံ အတၢ်ဟ့ၣ်ကူၣ်ဟ့ၣ်ဖးလၢအဂ့ၤအဃိဒီး, ဟံၣ်ဃီလၢအသူၣ်ထီၣ်ဝဲန့ၣ် ဟးဂီၤကွံာ်ဝဲဒၣ်န့ၣ်လီၤ. ဖဲလၢပမၤဘၣ် တၢ်ဒဲးဘးန့ၣ်ဒီး, ပကဘၣ်အၢၣ်လီၤ ပတၢ်ဒဲးဘး, ဒီးဟးဆှဲးကွံာ်လၢပတၢ်ဒဲးဘးန့ၣ်လီၤ. ယွၤတအဲၣ်ဒိး တၢ်အၢၣ်လီၤအီၤလီၤ ကလီကလီတဖၣ်န့ၣ်ဘၣ်. ယွၤအဲၣ်ဒိးဝဲ တၢ်အိၣ်မူလၢ အဘၣ်လိာ်ဘၣ်စးဒီးအီၤနီၢ်နီၢ်န့ၣ်လီၤ.
