ယတံၤသကိးမုၣ် ယိၣ်အါ (Joann) လဲၤပူၤကွံာ်ဟီၣ်ခိၣ် ခီဖျိလၢတၢ်ဆါကလံၤကျီအီၤ ဖဲတၢ်ဆါသံသတြိာ် Coronavirus စးထီၣ်ဘၣ်ကူဘၣ်ဂာ် လၢ ၂၀၂၀ နံၣ်န့ၣ်လီၤ. အခီၣ်ထံးန့ၣ်, အပှၤဟံၣ်ဖိဃီဖိတဖၣ် ဘိးဘၣ်သ့ၣ်ညါဝဲလၢ တၢ်သ့ၣ်နီၣ်တၢ်ဘါန့ၣ် တၢ်ကမၤအီၤလၢ အတၢ်ဘါသရိာ်န့ၣ်လီၤ. ဘၣ်ဆၣ် လၢခံက့ၤဆၢတဲာ်ဝဲဒၣ်လၢ, ဒ်သိးကပၢၤဃာ် ပှၤဟဲဘါတၢ်နီၢ်ဂံၢ်ကသ့အဂီၢ်န့ၣ်, တၢ်မ့ၢ်မၤအီၤဖဲ တၢ်ပာ်ပှၤသံဒၢး တချုးလၢတၢ်ခူၣ်လီၤ (funeral home) အလီၢ်န့ၣ် ကမ့ၢ်တၢ်အဂ့ၤကတၢၢ်န့ၣ်လီၤ. လၢအီၣ်လဲ (online) န့ၣ် လံာ်ဘိးဘၣ်သ့ၣ်ညါက့ၤအသီ ပာ်ဖျါဝဲလၢ, တၢ်ဆီတလဲဃာ် ယိၣ်အါဝါနၢၣ် အတၢ်လီၢ်တၢ်ကျဲန့ၣ်လီၤ.
ယိၣ်အါ အတၢ်လီၢ်တၢ်ကျဲဆီတလဲအသးန့ၣ် မ့ၢ်ဝဲနီၢ်နီၢ်န့ၣ်လီၤ. အဝဲပာ်လီၤတဲာ်တ့ၢ် ဟီၣ်ခိၣ်အတၢ်လီၢ်တၢ်ကျဲ ဒီးလဲၤဆူမူခိၣ်အလီၢ်အကျဲလံန့ၣ်လီၤ. လၢအပူၤကွံာ်အါနံၣ် အါလါန့ၣ် ယွၤလဲလိာ်အတၢ်အိၣ်မူ, ဒီးလၢတၢ်အဲၣ်ဘၣ်ကစၢ်ယွၤန့ၣ် မၤဝဲယွၤအတၢ်မၤ အနံၣ်ယဲၢ်ဆံဃၣ်ဃၣ်န့ၣ်လီၤ. တချုးသံ ဖဲအဝဲအိၣ်လၢ တၢ်ဆါဟံၣ် အလီၢ်မံလိၤဒၣ်လဲာ်, သံကွၢ်ဝဲပှၤလၢအအဲၣ်ဘၣ်တဖၣ် လၢအဘၣ်ဂုာ်ကျဲးစၢးဂဲၤပျုၢ်အသးတဖၣ်အဂ့ၢ်န့ၣ်လီၤ. ခဲကနံၣ်အံၤ အဝဲအိၣ်လၢ ယွၤအဂီၤထံးလံ. အတၢ်အိၣ်တၢ်ဆိးလီၢ် ဆီတလဲအသးလံ.
၂ ကရံၣ်သူး ၅:၈ ပာ်ဖျါဝဲ တၢ်မၢဖိစီၤပီလူး ဆၢအိၣ်ဆိးဒီးကစၢ်ခရံာ် လၢတၢ်လီၢ်အဂၤတပူၤဘၣ်ဆၣ်, အဝဲအသးကလၢၢ်ဘၣ်စ့ၢ်ကီးလၢ အဝဲမ့ၢ်အိၣ်မူဒံးလၢ ဟီၣ်ခိၣ်န့ၣ်, ကဂ့ၤဒိၣ်ဝဲလၢ ပှၤလၢအမၤန့ၢ်တၢ်တဖၣ်အဂီၢ်န့ၣ်လီၤ. ဖံလံးပံၤ ၁:၂၄ အပူၤန့ၣ် စီၤပီလူး ကွဲးဆှၢလံာ်ဆူ ပှၤဖံလံးပံၤဖိတဖၣ်အအိၣ်, ဒီးစံးဝဲ “ယအိၣ်လၢတၢ်ဖံးတၢ်ညၣ်အပူၤန့ၣ်, မ့ၢ်အဂ့ၤဒၣ်တၢ်လၢသုဂီၢ်လီၤ” န့ၣ်လီၤ. ပှၤဒ်သိး ယိၣ်အါအဂီၢ် ပသူၣ်အုးသးအုးအကတီၢ်, ဘၣ်သ့ၣ်သ့ၣ် ပကကိးထီၣ်ကစၢ်ယွၤဒီးပကစံးလၢ “ယၤဒီးပှၤအါဂၤတဖၣ်လၢအအဲၣ်ဝဲ ဒီးမၤန့ၢ်အတၢ်တဖၣ်, ပလိၣ်ဘၣ်အီၤဖဲအံၤ”န့ၣ်လီၤ. ဘၣ်ဆၣ် အဝဲသ့ၣ်ဒီးပနီၢ်ကစၢ် အတၢ်အိၣ်ဆိးလီၢ် အတၢ်ဆီတလဲသးအဂီၢ်န့ၣ် ကစၢ်ယွၤသ့ၣ်ညါတၢ်ဆၢကတီၢ်အဂ့ၤ ကတၢၢ်န့ၣ်လီၤ.
လၢသးစီဆှံအဂံၢ်အဘါအပူၤ, ခဲကနံၣ်အံၤ ၂ ကရံၣ် ၅:၉ ပာ်ဖျါဝဲ “ပသးအိၣ်မၤတၢ်ဘၣ်(ယွၤ)အသး,” တုၤပထံၣ်ဘၣ်ယွၤ မဲာ်သကိးမဲာ်, ဒီးတၢ်အံၤကမ့ၢ်တၢ်လၢ အဂ့ၤဒိၣ်န့ၢ်အန့ၣ်တၢ်တက့ၢ်န့ၣ်လီၤ.
