လၢတၢ်ဟ့ၣ်နံၤသဘျ့ အလီၢ်န့ၣ်, တၢ်မၤကစၢ်သ့ၣ်တဖၣ် အသုတဟ့ၣ်ကျိာ်စ့ဒီးမၢအီၣ် ပှၤဟဲမၤတၢ် လၢထံကီၢ်အဂၤ လၢပှၤဟံၣ်ပှၤဃီတဖၣ်အဂီၢ်, ဖဲ ၂၀၂၂ နံၣ်န့ၣ် ကီၢ်စ့ကဖီ “ပှၤကညီနီၢ်ဂံၢ်-ဂံၢ်ဘါ ကိတိာ်ဝဲၤကျိၤ” (Singapore’s Ministry of Manpower) ဘိးဘၣ်သ့ၣ်ညါလီၤဝဲလၢ တၢ်အိၣ်ဘှံးအိၣ်သါအဂီၢ် တလါန့ၣ် အစှၤကတၢၢ် တၢ်ကဘၣ်ဟ့ၣ်ဝဲဒၣ် နံၤသဘျ့တသီန့ၣ်လီၤ. ဘၣ်ဆၣ်တၢ်မၤကစၢ်တဖၣ် ဘၣ်ယိၣ်ဝဲလၢ ပှၤကကွၢ်ထွဲ အပှၤဟံၣ်ဖိဃီဖိ လၢအအဲၣ်ဘၣ်တဖၣ် တအိၣ်ဘၣ်ဖုး ဖဲနံၤသဘျ့တဖၣ်အံၤအပူၤန့ၣ်လီၤ. တၢ်မၤကစၢ်တဖၣ် သုးကျဲၤကတဲာ်ကတီၤ တၢ်အံးထွဲကွၢ်ထွဲ အတၢ်မၤတဖၣ် လၢကျိၤကျဲအဂၤ သ့ဝဲဒၣ်ကယၢာ်, တၢ်လိၣ်ဘၣ် တၢ်အိၣ်ဘှံးအိၣ်သါအဂ့ၢ်န့ၣ် အဝဲသ့ၣ် တထံၣ်ဝဲဒီး တၢ်ကဘှါဆှဲ အတၢ်ပာ်သူၣ်ပာ်သးအံၤ တမ့ၢ်တၢ်အဘီၣ်အညီတမံၤဘၣ်န့ၣ်လီၤ.
တၢ်ဆိကမိၣ်န့ၢ်တၢ်လၢ ပှၤဂၤအဂီၢ်န့ၣ် တမ့ၢ်တၢ်ဂ့ၢ်တၢ်ကျိၤအသီတမံၤဘၣ်. တၢ်မၢဖိ စီၤပီလူးအိၣ်မူ အိၣ်ဂဲၤဝဲဒၣ် ဖဲလၢကုၢ်သ့ၣ်တဖၣ် ဘၣ်တၢ်ထံၣ်အီၤ ဒ်အကစၢ်တဖၣ် အတၢ်အစုလီၢ်ခီၣ်ခိၣ်အသိး အစိၤ အဆၢကတီၢ်န့ၣ်လီၤ. ဘၣ်ဆၣ်, လၢအတၢ်နဲၣ်လီၤ အကတၢၢ်တကျိၤ ဆူတၢ်အိၣ်ဖှိၣ်အဂီၢ်, ဘၣ်ဃးဒီး ဟံၣ်ဒူၣ်ဃီထၢတဖၣ် လၢအလီၤဂာ်ဒီးခရံာ်န့ၣ် ကဘၣ်မၤတၢ်ဒ်လဲၣ်ဒ်လဲၣ်အဂ့ၢ်န့ၣ်, ဖဲကလီးစဲ ၄:၁ အပူၤ ပာ်ဖျါဝဲလၢ, ကစၢ်တဖၣ် ကဘၣ်မၤအကုၢ်အပှၤတဖၣ် “တီတီလိၤလိၤ, ဒီးဂ့ၤဂ့ၤဘၣ်ဘၣ်” န့ၣ်လီၤ. လၢ “THE MESSAGE” လံာ်စီဆှံအပူၤ တၢ်ကွဲးကျိးထံအဂၤတမံၤ စံးဝဲလၢ “မၤအဝဲသ့ၣ် လၢအတအိၣ်ဒီး တၢ်ကွၢ်မဲာ်တက့ၢ်” န့ၣ်လီၤ.
ဖဲလံာ်ကလီးစဲ ၃:၂၃ အပူၤန့ၣ် ဒ်စီၤပီလူး စံးဘၣ် တၢ်ခ့တၢ်ပှၤတဖၣ်လၢ “ကမၤတၢ်လၢကစၢ်အဂီၢ် ဒီးတမ့ၢ်ဘၣ်လၢ ပှၤကညီအဂီၢ်” အသိး, ဒီးကလီး ၄:၁ အပူၤန့ၣ် မၤသ့ၣ်နီၣ်ထီၣ်စ့ၢ်ကီး ကုၢ်ကစၢ် တဖၣ်လၢ ကစၢ်ယ့ၣ်ရှူး အတၢ်န့ၢ်စိန့ၢ်ကမီၤ လၢအဝဲသ့ၣ်အဖီခိၣ်, ဒီးစံးဝဲ “သုကစၢ်အိၣ်စ့ၢ်ကီးလၢ မူခိၣ်လီၤ” န့ၣ်လီၤ. အတၢ်ပညိၣ်မ့ၢ်ဝဲ လၢကဟ့ၣ်ဂံၢ်ဟ့ၣ်ဘါ ပှၤကလီးစဲဖိလၢ အစူၢ်က့ၤနာ်က့ၤတၢ်တဖၣ် ကအိၣ်မူအိၣ်ဂဲၤ ဒ်အမ့ၢ်ပှၤလၢအပာ်ကစၢ်ခရံာ် လၢတၢ်န့ၢ်စိန့ၢ်ကမီၤ အထီကတၢၢ်တဂၤအသိးန့ၣ်လီၤ. ပတၢ်ရ့လိာ်ဘၣ်ထွဲလိာ်သးကဒဲကဒဲဒီး ပှၤဂုၤပှၤဂၤတဖၣ်, ဒ်တၢ်မၤကစၢ်အသိးမ့ၢ်ဂ့ၤ, ဒ်ပှၤမၤတၢ်ဖိအသိး မ့ၢ်ဂ့ၤ, လၢဟံၣ်ပူၤဃီပူၤဂ့ၤ, လၢပပှၤတဝၢအပူၤဂ့ၤ, ဒ်ကလီး ၄:၁ ပာ်ဖျါဝဲအသိး ပကဃ့ကစၢ်ယွၤ အတၢ်မၤစၢၤလၢ ပကမၤတၢ် “တီတီလိၤလိၤ, ဒီးဂ့ၤဂ့ၤဘၣ်ဘၣ်” အဂီၢ်န့ၣ်လီၤ.
