ပိၥ်မုၣ်တဆံခံနံၣ်မုၣ်ဖိ လံၤအဒံၣ်ဧၤနဲး ရိၣ်ဒရံၣ်ကဲး အဲး(စ)ပၤဒၤ (Lee Adianez Rodriguez – Espada) န့ၣ် ဘၣ်ယိၣ်ဝဲဒၣ်လၢ ကအိၣ်လီၤတဲာ်တ့ၢ်လၢ သၢမံးလၥ်တၢ်ဃ့ၢ်ဖးထီ တၢ်ဃ့ၢ်ပြၢ န့ၣ်လီၤ. အတၢ်ဘၣ်ယိၣ်န့ၣ်ဆှၢအီၤဆူ လၢတၢ်စးထီၣ်ဃ့ၢ် မၣ်ရသိၣ်တၢ်ဃ့ၢ်တဝၥ် (half-marathon) ဃုၥ်ဒီး ၦၤဃ့ၢ်တၢ်ဖိတနီၤ, ဒီးတၢ်ပြၢအံၤဘၣ်တၢ်စးထီၣ်ဆိ ၁၅ မံးနံး န့ၣ်လီၤ. လံၤအဒံၣ်ဧၤနဲး ဃ့ၢ်ပြၢလိၥ်သးဒီး ၦၤဃ့ၢ်တၢ်ဖိအဂၤတဖၣ်, အခီၣ်ခါတကါန့ၣ်ဆိန့ၢ် ၦၤဂၤတဖၣ် အခီၣ်ခါန့ၣ်လီၤ. ဃ့ၢ်ဝဲတုၤ လွံၢ်မံးလၥ်န့ၣ်ဒီး, တထံၣ်ဖီတၢၣ်အကျိၤဘၣ်အဃိ, သ့ၣ်ညါဝဲလၢ နုာ်လီၤဃ့ၢ်ဘၣ် တၢ်ဃ့ၢ်ပြၢလၢ အယံၤ,ဒီးကီခဲဒိၣ်န့ၢ်အါန့ၢ် တၢ်ဃ့ၢ်ပြၢလၢညီနုာ်ဃ့ၢ်ဝဲဘၣ်ဆၣ်, လၢတၢ်ဆိကတီၢ်တၢ်ဃ့ၢ်အလီၢ်န့ၣ်, ဃ့ၢ်ဝဲဆူညါတုၤအကတၢၢ်န့ၣ်လီၤ. ၦၤဃ့ၢ်မၣ်ရသိၣ်တဝၥ် တၢ်ပြၢဖိတဂၤန့ၣ် လၢတၢ်တဆိကမိၣ်အပူၤ ဃ့ၢ်ဝံၤဝဲ တၢ်ဃ့ၢ်ပြၢ ၁၃.၁ မံးလၥ်န့ၣ်လီၤ. ၦၤဃ့ၢ်ပြၢ တၢ်တုၤအကတၢၢ်န့ၣ် ပှၤအိၣ် ၂,၁၁၁ ဂၤအကျါ ဒိးန့ၢ်ဝဲ ၁,၈၈၅ ဂၤတဂၤန့ၣ်လီၤ. တၢ်မၤအံၤ မ့ၢ်တၢ်ပၥ်လီၤသးစွံကတုၤအဃိန့ၣ်လီၤ.

နံၣ်ကယၤတၢၦၤစူၢ်က့ၤနၥ်က့ၤကစၢ်ယ့ၣ်ၡူးတဖၣ် ဖဲအဘၣ်ကွၢ်ဆၢၣ်မဲာ်တၢ်နးတၢ်ဖှီၣ် အကတီၢ်န့ၣ်ဒီး အဲၣ်ဒိးပျဲပျၢ်ကွံာ် တၢ်နၥ်ကစၢ်ယ့ၣ်ၡူးခရံၥ်, ဘၣ်ဆၣ် စီၤယၤကိၥ် ဟ့ၣ်ဂံၢ်ဟ့ၣ်ဘါ အဝဲသ့ၣ်လၢကဃ့ၢ်ဆူညါအဂီၢ်န့ၣ်လီၤ. ယၤ ၁:၄-၁၂ န့ၣ်ပာ်ဖျါဝဲလၢ အဝဲသ့ၣ် မ့ၢ်တူၢ်ဝဲ ခီၣ်ဝဲတၢ်မၤကွၢ် လၢတၢ်ဝံသးစူၤန့ၣ်ဒီး ကစၢ်ယွၤအၢၣ်လီၤ “ခိၣ်ဖးခံမံၤ” န့ၣ်လီၤ. အခီၣ်ထံးတမံၤ န့ၣ် အဆၢဖိ ၄ အပူၤပာ်ဖျါဝဲ “မ်တၢ်ဝံသးစူၤအိၣ်ဒီးအတၢ်မၤအလၢအပှဲၤ, ဒ်သိးသုကလၢထီၣ် ပှဲၤထီၣ်,ဒီးအိၣ်ဒီးတၢ်ခဲလၢာ်, ဒီးတလီၤစှၤဘၣ်လၢတၢ်နီတမံၤဘၣ်” န့ၣ်လီၤ. ခံမံၤတမံၤန့ၣ်, အဆၢဖိ ၁၂ စံးဘၣ်ပှၤ ကစၢ်ယွၤကဟ့ၣ် “တၢ်မူအခိၣ်သလုး” – ဒ်အမ့ၢ် ဖဲလၢဟီၣ်ခိၣ်ချၢအံၤ တၢ်အိၣ်မူလၢကစၢ်ယ့ၣ်ၡူးအပူၤ, ဒီးလၢခါဆူညါတၢ်အိၣ်မူအဂီၢ် တၢ်အၢၣ်လီၤတၢ်အိၣ်မူလၢ ကစၢ်ယွၤအမဲာ်ညါန့ၣ်လီၤ.

ပမုၢ်နံၤမုၢ်သီတဖၣ်အပူၤဘၣ်တဘျီဘျီန့ၣ် ၦၤခရံၥ်ဖိအတၢ်အိၣ်မူတၢ်ဃ့ၢ်ပြၢတဖၣ် တမ့ၢ် ဒ်တၢ်တိၥ်ပၥ်အသိး, – မ့ၢ်တၢ်တမံၤမံၤ လၢအယံၥ်, ဒီးကီခဲဒိၣ်န့ၢ်အါန့ၢ် ပဆိကမိၣ်ပၥ်တဖၣ် န့ၣ်လီၤ. ဘၣ်ဆၣ်တၢ်လၢပလိၣ်န့ၣ် ဒ်ကစၢ်ယွၤဟ့ၣ်လီၤပှၤအသိး, လၢတၢ်ပာ်သးကျၢၤမုဆှုအပူၤ, ဒီးပကဃ့ၢ်ဆူညါအဂီၢ်သ့ဝဲဒၣ်န့ၣ်လီၤ.