လီဒဲးစ် (Lourdes), သရၣ်သိၣ်လိတၢ်ကလုၢ် လၢမနံၣ်လၣ်တဂၤ, သိၣ်လိအပျဲၢ်အဘီၣ်တဖၣ် လၢမဲာ်သကိးမဲာ် အါန့ၢ်အနံၣ် သၢဆံလံန့ၣ်လီၤ. ဖဲအဝဲဘၣ်တၢ်ဃ့အီၤ ဒ်သိးကသိၣ်လိတၢ်လၢ အီၣ်လဲအဂီၢ်န့ၣ်, “ယစူးကါခီၣ်ဖၠူထၢၣ်တသ့ဂ့ၤဂ့ၤဘၣ်,” စံးကဒီးဝဲ, “ယလဲးထီး (laptop) န့ၣ် လီၢ်လံၤလံ, ယတညီနုၢ် သိၣ်လိတၢ်လၢ ဘ့းဒံၣ်ယိၣ် ခီဖရဲး(စ) အတၢ်သ့တၢ်ဘၣ်အပူၤဘၣ်” အဃိ, အဝဲဘၣ်ယိၣ်တၢ်န့ၣ်လီၤ.

ၦၤတနီၤအဂီၢ် ဘၣ်သ့ၣ်သ့ၣ်ကမ့ၢ်တၢ်မၤအဘီၣ်အညီဘၣ်ဆၣ် လၢလိဒ့းစ်အဂီၢ်, မ့ၢ်တၢ်ဝံ တၢ်ယိးနီၢ်နီၢ်န့ၣ်လီၤ. အဝဲစံး “ယအိၣ်ဒၣ်ထဲတဂၤအဃိ, ၦၤလၢကမၤစၢၤယၤတအိၣ်ဘၣ်. ယဘၣ်ယိၣ်လၢယပျဲၢ်တဖၣ် ကဟးထီၣ်လၢ တၢ်သိၣ်လိ ကဟးဖးဒီးယၤ, ယလိၣ်ဘၣ်ကျိၣ်စ့တၢ်ဟဲနုၥ်န့ၣ်လီၤ.”
တချုးတၢ်သိၣ်လိ အကတီၢ်စးထီၣ်န့ၣ် လိဒ့းစ် ထုကဖၣ်တၢ် လၢအလဲးထီးကမၤတၢ်ဂ့ၤဂ့ၤ န့ၣ်လီၤ. “ယခီၣ်ဖၠူၣ်ထၢၣ်အမဲာ်သၣ်လိၤ ယတီၢ်ထီၣ် လံာ်စီဆှံအဆၢ ဖံလံးပံၤ ၄:၅-၆, လၢတၢ်န့ၢ်ဂ့ၢ်န့ၢ်ဘါ အဂီၢ်,” ဒီးစံးဝဲဒၣ်လၢ “ယဟံးဃၥ်လံၥ်ဖျၢၣ်ဖိတဖၣ်အံၤန့ၣ်လီၤ.”

ဖံလံးပံၤ ၄:၅ အပူၤ စီၤပီလူးဟ့ၣ်ဂံၢ်ဟ့ၣ်ဘါၦၤလၢ မ်ပသုတဘၣ်ယိၣ်တၢ်လၢ တၢ်နီတမံၤတဂ့ၤ, အဂ့ၢ်ဒ်အံၤ, ကစၢ်အိၣ်ဘူးဒီးပှၤအဃိန့ၣ်လီၤ. ကစၢ်ယွၤအၢၣ်လီၤတၢ်လၢအကအိၣ်ဒီးၦၤ, မ့ၢ်တၢ်လၢပကဘၣ်ဟံးဖီၣ်ကျၢၤဃၥ်န့ၣ်လီၤ. “ဖဲပအိၣ်ကဒုလၢယွၤဘူးဘူးတံၢ်တံၢ်, ဒီးဟ့ၣ်လီၤအးလီၤတၢ်ကိးမံၤ- ဒိၣ်မ့ၢ်ဂ့ၤဆံးမ့ၢ်ဂ့ၤ ခီဖျိတၢ်ထုကဖၣ်န့ၣ်ဒီး, အဆၢဖိ ၇ ပာ်ဖျါဝဲ “ယွၤအတၢ်ဃူတၢ်ဖိးကပၢၤ “သုသူၣ်သုသး, ဒီးသုဆိကမိၣ်တၢ်လၢယ့ၣ်ၡူးခရံၥ်အပူၤလီၤ” န့ၣ်လီၤ.

လိဒၢးစ် စံးဝဲ “ယွၤဆှၢယၤဆူ ပှၢ်ဘျးစဲတဖၣ်(Websites)လၢ အမၤလိၤမၤဘၣ် ခီၣ်ဖၠူၣ်ထၢၣ် အတၢ်ကမၣ်တဆံးတက့ၢ်တဖၣ်န့ၣ်လီၤ. ယွၤဟ့ၣ်စ့ၢ်ကီးယပျဲၢ်လၢ အဝံသးစူၤတၢ်တဖၣ် လၢအနၢ်ပၢၢ် ယတၢ်သ့တၢ်ဘၣ်တထီၣ်ဘးလၢ ခီၣ်ဖၠူထၢၣ်အဂ့ၢ်န့ၣ်လီၤ.” ဒ်ပဃုထံၣ် လူၤပိာ်ယွၤအခံ, လၢပတၢ်အိၣ်မူကိးမုၢ်နံၤအပူၤန့ၣ် ပကဘၣ်မုာ်လၤသးခုလၢ ကစၢ်ယွၤအတၢ်အိၣ်ဒီးၦၤ, အတၢ်မၤစၢၤ, ဒီးအတၢ်ဃူတၢ်ဖိးတဖၣ်န့ၣ်လီၤ. လၢတၢ်နာ်န့ၢ်လီၤသးအပူၤ ပစံးသ့ဝဲဒၣ် ဒ်အဆၢဖိ ၄ ပာ်ဖျါဝဲ “သးခုလၢကစၢ်အပူၤ တဘိယူၢ်ဃီတက့ၢ်. ယစံးကဒီး သးခုတက့ၢ်” န့ၣ်လီၤ.