တဘျီ, ယမါဒီးယၤ ပလဲၤဆူ ဟံၣ်ဒွဲ(Hotel)လီၢ်လံၤလီၤအဲၣ်ဒိၣ်မး လၢအအိၣ်လၢ ပီၣ်လဲၣ်ကၢၢ်နံၤ, လၢအအိၣ်ဒီးပဲတြီလၢ ဘၣ်တၢ်ပာ်လီၤထုးထီၣ်န့ၢ်ဝဲဖးဒိၣ်တဖၣ် ဒီးလၢၢ်တြဲၤဖးထီတဖျၢၣ်အပူၤလီၤ. ဘၣ်မုၢ်ဟါလီၤတနံၤ, ကလံၤမုၢ် မၤဟးဂီၤလီၢ်ကဝီၤအံၤ, ဝံၢ်တရံးအူ ပီၣ်လဲၣ်ဒီး ဒိတံၢ်ပဟံၣ်ဒွဲအပဲတြီဆံးတဖၣ် မၤသးဒ်တၢ်ထိစုခိၣ်ဆူၣ်မးအသိးလီၤ. ဘၣ်ဆၣ် ပအိၣ်လၢတၢ်မုာ်တၢ်ခုၣ်အပူၤလီၤ. တြဲၤတဖၣ်န့ၣ် ကျၢၤဒိၣ်မး ဒီးဟံၣ်ဒွဲအခီၣ်ထံးတဖၣ် ဂၢၢ်ကျၢၤဒိၣ်မးလီၤ. ဖဲကလံၤမုၢ်အူတပျုာ်တပျီၤတၢ် လၢတၢ်ချၢအခါ, ပဝဲပဒၢးဖိအိၣ်ဘံၣ်အိၣ်ဘၢဝဲလီၤ.
တၢ်အိၣ်တဒၢအလီၢ် မ့ၢ်တၢ်ဂ့ၢ်မိၢ်ပှၢ်အကါဒိၣ်တခါလၢလံာ်စီဆှံအပူၤ, စးထီၣ်လၢ ကစၢ်ယွၤအနီၢ်ကစၢ်လီၤ. ဝံယရှါယၤစံးကတိၤ ကစၢ်ယွၤအဂ့ၢ်လၢ “နမ့ၢ်တ့ၢ်တိာ်ဧိၤတာ်ဧိၤ လၢပှၤဖှီၣ်ဖိယာ်ဖိအဂီၢ်, တိာ်ဧိၤတာ်ဧိၤလၢ ပှၤဘၣ်နးဘၣ်ဖှီၣ်အဂီၢ် လၢအဘၣ်တၢ်ကီအဖၢမုၢ်, တၢ်အိၣ်တဒၢအလီၢ်လၢ ကလံၤမုၢ်…” န့ၣ်လီၤ(ယရှါ ၂၅:၄). တၢ်န့ၢ်အမဲာ်ညါ, ယွၤအပှၤဂီၢ်တဖၣ် ကဘၣ်မ့ၢ်ဝဲ တၢ်အိၣ်တဒၢအလီၢ်, ကဘၣ်ဟ့ၣ်တၢ်အိၣ်တဒၢအလီၢ်ဆူ ပှၤတခီဘီမုၢ်ဖိ လၢအဖှီၣ်အဃာ်ဝဲ (၅ မိၤရှ့ ၁၀:၁၉) ခီဖျိဝ့ၢ်လၢတူၢ်လိာ်တၢ်အဂီၢ်န့ၣ်လီၤ( ၄ မိၤရှ့ ၃၅:၆). တၢ်မ့ၢ်တၢ်တီတမံၤဃီအံၤ ကမၤစၢၤပှၤ ဖဲတၢ်ကီတၢ်ခဲအိၣ်ထီၣ်လၢပှၤဟီၣ်ခိၣ်ဖိအကျါ, လၢပဟီၣ်ခိၣ် မုၢ်တနံၤညါအံၤလီၤ. ဖဲဆၢကတီၢ် ဒ်န့ၣ်သိးအခါ, ပထုကဖၣ်လၢ ယွၤလၢအမ့ၢ်ပတိာ်ဧိၤတာ်ဧိၤ ကသူပှၤ, ကသူအပှၤဂီၢ်မုၢ် ဒ်သိးကမၤစၢၤပှၤလၢ အဂံၢ်စၢ်ဘါစၢ်တဖၣ် ကထံၣ်န့ၢ်တၢ်ဘံၣ်တၢ်ဘၢလီၤ.
ကလံၤမုၢ်လၢအဟဲဒိပအိၣ်ဆိးလီၢ်ဟံၣ်ဒွဲန့ၣ်, လၢခံတဂီၤဒီး လဲၤပူၤကွံာ်ပှၤ, ပအိၣ်တ့ၢ်လၢ ပီၣ်လဲၣ်ဂၢၢ်တပၢၢ် မုၢ်တၢ်ကိၢ်လၢၤလၢၤ လၢအဒုးသးခုပီၣ်လဲၣ်ထိၣ်ဘျ့ၣ်ဘျီၣ်ဝါတဖၣ်ဒိၣ်မးလီၤ. ယကွၢ်ထီၣ်ထိၣ်ဘျ့ၣ်ဘျီၣ်ဝါတဖၣ်အခါ ယဆိကမိၣ်သ့ၣ်နီၣ်ဘၣ် ပှၤလၢအဘၣ်ကွၢ်ဆၢၣ်မဲာ်ဘၣ် န့ဆၢၣ်အတၢ်မၤသးအၢအၢသီသီ မ့တမ့ၢ် “ပှၤမၤပျံၤတၢ်ဖုးတၢ်” ပှၤပၢတၢ်လၢစုဆူၣ်ခီၣ်တကးတဖၣ် (ယရှါ ၂၅:၄)န့ၣ်လီၤ. ဒီးတိာ်တာ်အယွၤ ကဟ့ၣ်စိဟ့ၣ်ကမီၤပှၤ ဒ်သိးပကမၤစၢၤ ပှၤလၢပကမၤစၢၤ ပှၤလၢအဘၣ်လဲၤခီဖျိကွၢ်ဆၢၣ်မဲာ်တၢ်ဂ့ၢ်ကီ ဒ်သိးအ၀ဲသ့ၣ်ကထံၣ်န့ၢ် တၢ်ဘံၣ်တၢ်ဘၢအခဲအံၤ ဒီးခါဆူညါအတၢ်မုာ်တၢ်ခုၣ်အဂီၢ်န့ၣ်လီၤ.
