ဖဲ ၁၉၆၄ နံၣ်န့ၣ် ပှၤသးစၢ်လၢအမ့ၢ် တၢ်ဒီတဒၢခိၣ်ဃၢၤ ပှၤကူၣ်ဘၣ်ကူၣ်သ့ ဲၠခု တနငညဘနမါ စံး၀ဲ ‘‘ပှၤအနံၣ် ၃၀ အဘျဲၣ်န့ၣ် တဘၣ်နာ်န့ၢ်အီၤနီတဘျီတဂ့ၤ’’ န့ၣ်လီၤႉ အ၀ဲအတၢ်ထံၣ်တဲဖျါလၢ ပှၤဒီတစိၤအဖီခိၣ်အံၤန့ၣ် အ၀ဲအသးအုးက့ၤလၢခံန့ၣ်လီၤႉ လၢခံန့ၣ် အ၀ဲတဲ၀ဲလၢ ‘‘တၢ်ကတိၤလၢယကတိၤလၢ ယခိၣ်အဖီခိၣ် တခါအံၤ ပှၤနၢ်ပၢၢ်ကမၣ်၀ဲဒၣ်လၢ ကဲထီၣ်၀ဲဒၣ်တၢ်လၢအကမၣ်တခါန့ၣ်လီၤ’’ႉ
နနၢ်ဟူဘၣ် တၢ်ကတိၤအၢသီလၢ စူၢ်ဃီၤ၀ဲတၢ်လၢ ပှၤအိၣ်ဖျဲၣ်ထီၣ်လၢ အနံၣ်တကထိန့ၣ်ဧါႉ မ့တမ့ၢ် ပှၤအဂၤတစိၤဧါႉ တၢ်ဆိကမိၣ်သၢခါလၢ ပဆိကမိၣ် အီၤလၢ ပစိၤတစိၤဘၣ်တစိၤအဂီၢ်န့ၣ် ပဒီၣ်တဲာ်ကွံာ်အီၤသ့လၢ ကျဲခံဘိန့ၣ်လီၤႉ မ့ၢ်၀ဲ ကျဲလၢအဂ့ၤဒိၣ်တဘိန့ၣ်လီၤႉ စီၤပၤဃံးစကံယၤ မ့ၢ်ဒၣ်လဲာ်စီၤပၤတဂၤလၢ အဖၠဲး ဘၣ်ဆၣ် အ၀ဲလီၤတိၢ်လၢ တၢ်ပာ်သူၣ်ပာ်သးလၢ စၢၤသွဲၣ်တစိၤဆူတစိၤန့ၣ်လီၤႉ ဖဲအ၀ဲသးစၢ်ဒ်အခါ အ၀ဲဘၣ်တၢ်ဆါလၢအဆူၣ်ဒိၣ်မးလီၤႉ အ၀ဲကိးထီၣ်ယွၤ ဒ်သိး ကစၢ်ယွၤ ကဟ့ၣ်ဒံးအီၤ သးသမူန့ၣ်လီၤ ( း၂-၃) ႉ ကစၢ်ယွၤဟ့ၣ်၀ဲ စီၤပၤဃံးစကံယၤ အသးသမူဆူမဲာ်ညါ တဆံယဲၢ်နံၣ်န့ၣ်လီၤ (း၆) ႉ
ဘၣ်ဆၣ် ဖဲစီၤပၤဃံးစကံယၤ နၢ်ဟူ၀ဲဒၣ်တၢ်ကစီၣ်အအၢအသီလၢ တၢ်ကစိာ်ထီၣ်ကွံာ် ဖိခွါလၢ အလီၤစၢၤလၢအီၤၣ်ၣ် လီၤႉ (၂၀း၁၆-၁၈) ႉ ဒီးစံး၀ဲဒၣ် တၢ်ဃူတၢ်ဖိး ဒီးတၢ်မ့ၢ်တၢ်တီ ကအိၣ်၀ဲလၢ ယမုၢ်နံၤ တဖၣ်အပူၤန့ၣ်တမ့ၢ်ဘၣ်ဧါ (း၁၉) ႉ ဖျါလၢစီၤပၤဃံးစကံယၤန့ၣ် တမၤတၢ်လၢ နီၢ်ကစၢ်ဒၣ်၀ဲ အတၢ်ဘၣ်မုာ်အဂီၢ် ဒီးဆူအစၢၤအသွဲၣ်လၢခံသ့ၣ်တဖၣ်အဂီၢ်န့ၣ်ဘၣ်လီၤႉ
ကစၢ်ယွၤကိးပှၤ လၢတၢ်အဲၣ်တၢ်ကွံအပူၤ ဒ်သိးပကခီဂာ်၀ဲဒၣ် တၢ်အကျိၤ လၢအမၤလီၤဖးပှၤတဖၣ်န့ၣ်လီၤႉ စၢၤသွဲၣ်လၢ အသးပှၢ်တ့ၢ်တဖၣ် လိၣ်ဘၣ်၀ဲဒၣ် တၢ်ထံၣ်လၢအဂ့ၤ ဒီးပှၤသးစၢ်သ့ၣ်တဖၣ် အတၢ်ဒုးအိၣ်ထီၣ်တၢ်သ့ၣ်တဖၣ် န့ၣ်လီၤႉ အ၀ဲသ့ၣ်တဖၣ်မ့ၢ်ပှၤလၢ ကဲထီၣ်တၢ်ဘျုးတၢ်ဖှိၣ်လၢ တၢ်ကူၣ်သ့ ဒီး မၤလိန့ၢ်တၢ်လၢ ပှၤလၢအမဲာ်ညါတဖၣ်အအိၣ်လီၤႉ
ခဲအံၤ တမ့ၢ်တၢ်ဆၢကတီၢ်လၢပကဘၣ်ကိးသ့တီတၢ်လၢ အကမၤ ဟးဂီၤ ပသးဘၣ်ႉ မ့ၢ်တၢ်ဆၢကတီၢ်လၢပကဘၣ် ခီလဲလိာ် တၢ်ဆိကမိၣ်တဖၣ်န့ၣ်လီၤႉ မ့ၢ်လၢပအိၣ်သကိးဒၣ်တပူၤဃီအဃိန့ၣ်လီၤႉ