ဖဲအဲၣ်နံထၣ်လဲၤပူၤကွံာ်ဟီၣ်ခိၣ် ဖဲအသးအိၣ် ၉၀ နံၣ်န့ၣ် အတၢ်လဲၤပူၤကွံာ် ဘရၣ်ဘရၣ်ဘှီၣ်ဘှီၣ်အံၤ ပာ်ဖျါထီၣ် အတၢ်အိၣ်မူဘရၣ်ဘရၣ်ဘှီၣ်ဘှီၣ်ဖိလီၤႉ ဒ်အမ့ၢ် မုၢ်ကမဲအသိး အ၀ဲအၢၣ်လီၤအသးလၢ အဖိတဖၣ် ဒီးအလံၤတဖၣ်အဂီၢ် ဒီးကဲထီၣ်ပိာ်မုၣ်သးစၢ်တဖၣ်လၢ အတၢ်အိၣ်ဖှိၣ်ပူၤ အတံၤသကိးလီၤႉ
အဲၣ်နံထၣ် တဘၣ်တၢ်သ့ၣ်ညါအီၤ လီၤလီၤဆီဆီ ခီဖျိအတၤလၣ် မ့တမ့ၢ် အတၢ်မၤန့ၢ်မၤနၢၤတဖၣ်အဃိဘၣ်ႉ ဘၣ်ဆၣ် အတၢ်နာ်လၢ ကစၢ်ယွၤယိာ်ယိာ်ဒိၣ်ဒိၣ်အံၤ မၤဆူၣ် ထီၣ် ပှၤတသ့ၣ်ညါအီၤအသးလီၤႉ ယသကိးတဂၤ စံး၀ဲၣ် ယတဆိကမိၣ်ထီၣ် ပှၤစံၣ်တဲၤတဲလီၤတၢ်မံၤဟူ သၣ်ဖျါ မ့တမ့ၢ် ပှၤကွဲးလံာ်တဖၣ် အတၢ်ကတိၤဘၣ်ႉ ယဆိကမိၣ်တၢ်လၢ အဲၣ်နံထၣ်ကတဲ၀ဲန့ၣ်လီၤႉ
ပ၀ဲအါဂၤ လီၤဂာ်ဒီး အဲၣ်နံထၣ် လီၤႉ ပှၤပတီၢ်မုၢ်လၢ အိၣ်မူပတီၢ်မုၢ် အတၢ်အိၣ် မူတဖၣ်လီၤႉ ပမံၤတဖၣ် တမ့ၢ်ကအိၣ်လၢ တၢ်ပရၠာစးၢတဖၣ်အပူၤဘၣ်ႉ ဒီးမတၤမး တဘှီ ထီၣ် တၢ်သ့ၣ်နီၣ် ပှၤမံၤဟူသၣ်ဖျါအလီၢ်အကျဲလၢ ပှၤကမၤလၤကပီၤပှၤအဂီၢ်ဘၣ်ႉ ဘၣ်ဆၣ် တၢ်အိၣ်မူလၢပမူ ဃုာ်ဒီးယ့ၣ့်ှှူးန့ၣ် တမ့ၢ်ပတီၢ်မုၢ်အတၢ်အိၣ်မူဘၣ်ႉ ပှၤတနီၤလၢတၢ်ကွဲးရၠာစးိအီၤလၢ ဧ့ၤ့ဘံၤ ၁၁ အပူၤန့ၣ် အမံၤတအိၣ်ဘၣ် (း၃၅-၃၈) ႉ အ၀ဲသ့ၣ် လဲၤတၢ်လၢကျဲလၢတအိၣ်ဖျါဒီး အ၀ဲသ့ၣ်တဒိးန့ၢ်တၢ်ဟ့ၣ်ဆၢဘျုးဆၢက့ၤလၢ တၢ်အိၣ်မူအံၤ ဘၣ် (း၃၉) ႉ ဘၣ်ဆၣ် မ့ၢ်လၢအ၀ဲသ့ၣ်ဒိကနၣ်ယွၤန့ၣ် အတၢ်နာ်တမ့ၢ် တၢ်ကလီဘၣ်ႉ ယွၤစူးကါ အ၀ဲသ့ၣ်အသးသမူလၢ ပျံကွံာ် အ၀ဲသ့ၣ်အတၢ်မံၤအၢသၣ်သီတအိၣ်အတီၤလီၤ (း၄၀) ႉ
နမ့ၢ်သးဟးဂီၤလၢ နတၢ်အိၣ်မူအိၣ်ဖျါဒၣ် ပှၤပတီၢ်မုၢ်အတီၤန့ၣ် သ့ၣ်နီၣ်ထီၣ် လၢတၢ်အိၣ်မူပှဲၤဒီးတၢ်နာ်ယွၤန့ၣ် အိၣ်ဒီး အတၢ်ကဲဘျုးဘၣ်ဒိခီဖျိတက့ၢ်ႉ ပမ့ၢ် ပှၤပတီၢ်မုၢ်ဒၣ်လဲာ် ပအိၣ်ဒီး တၢ်နာ်လၢလီၤဆီကတၢၢ်လီၤထူလီၤယိာ်သ့လီၤႉ