ဘ့ၢ်လံၣ့်က့ၢ်ဟဲၣ် (မ) ‚ အမဲရၠာစးကၤပှၤစိာ်တၢ်သးခုကစီၣ်မံၤဟူသၣ်ဖျါတဂၤၣ်ဘၣ်၀ဲ လၢလၢပှဲၤပှဲၤ အဂ့ၢ်လီၤႉ ဘၣ်တနၤ ဖဲအ၀ဲဟးကျဲလၢ ‘စဲၣ်ဘၢ်နၣ်ဒံၢ်နိၣ်ကစၢၢ်’ ဖဲတၢ်အိၣ်ဘှီၣ် လီၢ်ခၢၣ်သးလၢ လါကပီၤဖီလာ် ထဲတဂၤအခါၣ်‚ မၤ၀ဲသ့ဒၣ်ထဲထုကဖၣ်လၢ တၢ်ကနိးကစုာ်ပူၤဧိၤလၢ ‘ယွၤဧၢၣ်လီၤႉ
လၢတၢ်အၢၣ်လီၤက့ၤအတၢ်နာ်ကဒံကဒါတဖၣ်အပူၤၣ် လၢခံကတၢၢ်မၤပူၤဖျဲးထီၣ်ယၤ ဒ်သိးယကစံး ‘ပၢ်ဧၢၣ်ၣ်လီၤႉ
၀ံသးစၢ်ယံးရၠာစးမံယၤ ဘၣ်ဒုးနီၢ်သးအတၢ်ဒုးစ့ၢ်ကီးလီၤႉ ဘၣ်ဆၣ် အ၀ဲဃုန့ၢ် တၢ်စံးဆၢ လၢယွၤကလုၢ်ကထါအပူၤထီဘိလီၤႉ ‘‘ဖဲယထံၣ်န့ၢ် နတၢ်ကတိၤ ဒီး ယအီၣ်ကွံာ် အီၤလီၤႉ ဒီးနကလုၢ်မ့ၢ်ယသူၣ်ခုသးခု ဒီးယသူၣ်ဖှံသးညီအလီၢ်လီၤ’’ (ယံး ၁၅း ၁၆) ႉ အ၀ဲတဲဖျါထီၣ်၀ဲလၢ ‘‘ယွၤအတၢ်ကတိၤႉႉႉ ကဲထီၣ်လၢ ယသးကံၢ်ပူၤ ဒ်မ့ၣ်အူအီၣ်တၢ်ကးတံာ်ဃာ်အသးလၢ ယဃံပူၤအသိးလီၤ’’ (ယံး ၂၀း၈-၉) ႉ နံၣ်ကယၤ ၁၉ပှၤစိာ်တၢ်သးခုကစီၣ်ဖိ ခၠါစပၢကၠၢၢ် ကွဲး၀ဲ ‘၀ံယံးရၠာစးမံယၤ ပျဲနုာ်ပှၤဆူတၢ်လၢအခူသူၣ် တခါအပူၤလီၤႉ အ၀ဲအတၢ်အိၣ်မူလၢတၢ်ချၢ‚ လီၤဆီဒၣ်တၢ် အတၢ်မၤယွၤအတၢ်လၢ အအိၣ်ဒီးတၢ်တီတၢ်လိၤ‚ မ့ၢ်အလီၤပလိာ်လိာ်သး ဒ်အ၀ဲအတၢ်အဲၣ်ဘၣ် ယွၤအတၢ် ကတိၤလၢ အအိၣ်လၢအလဲပူၤ စံးကတိၤ၀ဲအသိးလီၤႉ
ပ၀ဲစ့ၢ်ကီး ပတ့ထီၣ်ပတၢ်အိၣ်မူအတကွီၣ် ဒ်ယွၤအကလုၢ်ကထါစံးပှၤ အသိး သ့၀ဲလီၤႉ ပမၤလိတၢ်ဆူညါထီဘိလၢတၢ်နာ်အပူၤသ့၀ဲလီၤႉ