လၤရၠာစးၣ် ဒီး ဒ့း အဲၣ်ဒိးမၤန့ၢ်အဖိနးနးကလဲာ် ဘၣ်ဆၣ် ကသံၣ်သရၠာစးၣ်စံး အ၀ဲသ့ၣ်ဒိးန့ၢ် အဖိတသ့ဘၣ်န့ၣ်လီၤႉ လၤရၠာစးၣ် စံးကတိၤတၢ်ဂ့ၢ်အံၤလၢ အတံၤသကိးလၢနာ်၀ဲတဂၤၣ်လီၤႉ တၢ်ကတိၤအံၤ မ့ၢ်တၢ် ကတိၤအါထံၣ်အကျါ ကထံၣ်အ၀ဲဒီး ဒ့း စံးကတိၤတ့ၢ်၀ဲ ဆူအတၢ်အိၣ်ဖှိၣ်သရၠာစးၣ် ဒီးသရၠာစးၣ်အံၤ စံးဘၣ်အ၀ဲသ့ၣ်လၢတၢ်လုၢ်ဖိအတၢ်မၤလၢ ခရၠာစးံာ်တၢ်အိၣ်ဖှိၣ် မၤ၀ဲဒၣ်အဂ့ၢ် န့ၣ်လီၤႉ တနံၣ်ဘျဲၣ်အတီၢ်ပူၤ အ၀ဲသ့ၣ်ဒိးန့ၢ်တၢ်ဆိၣ်ဂ့ၤ ခီဖျိလုၢ်ဖိဘၣ်၀ဲ ဖိသၣ်ပိာ်ခွါဖိ တဂၤန့ၣ်လီၤႉ
လၢ ၁ မိၤဒီး ၁၅ အပူၤ တၢ်စံးတၢ်ကတိၤအတီအလိၤ ဘၣ်တၢ်စံးကတိၤလၢ ကစၢ်ယွၤဒီးစီၤအၤ့ဘၣ်န့ၣ်လီၤႉ ကစၢ်ယွၤစံး ‘‘စီၤအၤ့ဘၣ်ဧၢ ပျံၤတၢ်တဂ့ၤ ယမ့ၢ်ႉႉႉ နဘူးနလဲဒိၣ်ဒိၣ်ကလဲာ်လီၤ’’ (၁၅း၁) ႉ မ့ၢ်လၢ စီၤအၤ့ဘၣ် တသ့ၣ်ညါ ကစၢ်ယွၤ အတၢ် အၢၣ်လီၤအီလီၤဘၣ်ဃးဒီး အတၢ်အိၣ်မူခါဆူညါလီၤတံၢ်လီၤဆဲးအဃိ သံကွၢ်၀ဲ လိၤလိၤ ဆူကစၢ်ယွၤ ‘‘ကစၢ်ယွၤဧၢ‚ နကဟ့ၣ်လီၤယၤ မနုၤတမံၤလဲၣ်ႉ အဂ့ၢ်ဒ်အံၤၣ်လီၤ (၁၅း၂) ႉ
၁ မိၤဒီး ၁၃း၁၆ အပူၤ ကစၢ်ယွၤအၢၣ်လီၤအီလီၤဆိ စီၤအၤ့ဘၣ် ‘‘ဒီးယကမၤ နချံနသၣ် ဒ်ဟီၣ်ခိၣ်ကမူၣ်အသိးသတးဒီး’’ အဃိ ဒ်ပှၤဟီၣ်ခိၣ်ဖိတဂၤအသိး စီၤအၤ့ဘၣ် ဒုးသ့ၣ်နီၣ်ထီၣ်က့ၤကစၢ်ယွၤလီၤႉ ဖဲအံၤ ပကပာ်သူၣ်ပာ်သး ကစၢ်ယွၤ အတၢ်စံးဆၢ လၢ တၢ်မၤဂၢၢ်မၤကျၢၤ အတၢ်အၢၣ်လီၤ ဒီးစံး၀ဲၣ် မ့ၢ်တၢ်ပာ်ဖျါထီၣ် စီၤအၤ့ဘၣ် အစဲၤအသွဲၣ် ကတလၢၤကွံာ် နီၢ်ဂံၢ်နီၢ်ဒွးန့ၣ်လီၤ (၁၅း၅) ႉ
ကစၢ်ယွၤန့ၣ် ဂ့ၤ၀ဲ ဆံးဒိၣ်လဲၣ်န့ၣ် တမ့ၢ်ထဲပျဲစီၤအၤ့ဘၣ် ထုကဖၣ် လိၤလိၤ ဆူအအိၣ်ဘၣ်ၣ်လီၤႉ လၢခံ ကစၢ်ယွၤဆီတလဲက့ၤအမံၤ ဆူစီၤအၤ့ဘၤဟၣ်ၣ် ‘‘ပှၤအါကလုာ်အပၢ်’’ န့ၣ်လီၤႉ ဒ်စီၤအၤ့ဘၤဟၣ်အသိး ပ၀ဲနၤယၤ ပဂ့ၤစံးကတိၤ ထုကဖၣ်တၢ်လိၤလိၤတီတီ ဒီးကစၢ်ယွၤ လၢတၢ်သ့ၣ်ညါဘၣ်ဃးဒီး ပနာ်ကစၢ်ယွၤသ့လၢ ကစၢ်ယွၤ မၤတၢ်အဂ့ၤကတၢၢ် လၢပဂီၢ်ဒီးပှၤအါဂၤအဂီၢ်န့ၣ်လီၤႉ