ဖဲ ၂၀၁၉ နံၣ်န့ၣ် ကလံၤမုၢ်ဟၣ်ရၠာစးံၣ်က့အမံၤ လၢဒိၣ်ရၠာစး့ဟဲလီၤဘၣ် ဘဟါမါကီး သ့ၣ်တဖၣ် အပူၤလၢ တၢ်စူၤထံဆၢၣ်အတၢ်မၤဟးဂီၤ တၢ်ဘၣ်နးကတၢၢ်န့ၣ်လီၤႉ ဘရၠာစးဲးဒီးအဖိခွါလၢ အထူၣ်အပျၢ်သံဟးတသ့တဂၤ အိၣ်ကဒု၀ဲဒၣ်လၢ ဟံၣ်ပူၤအခါ သ့ၣ်ညါ၀ဲဒၣ်လၢကဘၣ် ဟးထီၣ်ပူၤဖျဲးအသးဃုာ်ဒီးအဖိခွါန့ၣ်လီၤႉ ဘရၠာစးဲးအနီၢ်ကစၢ်ဒၣ်၀ဲ အမဲာ်ချံတထံၣ်တၢ်သနာ်က့ အဲၣ်ဒိးမၤပူၤဖျဲး၀ဲ အဖိခွါန့ၣ်လီၤႉ ဘရၠာစးဲးယိးထီၣ်အဖိခွါ ဆူအဖံဘၣ်ခိၣ် ကယီၤကယီၤဖိ ဒီးစံၣ်လီၤ၀ဲဆူထံကျါၣ် တုၤ၀ဲအခၣ်လာ် ဒ်သိးကစိာ်ဆှၢ အဖိခွါဆူ တၢ်ပူၤဖျဲးအလီၢ်န့ၣ်လီၤႉ
ပၢ်တဂၤလၢ ဟီၣ်ခိၣ်ချၢအံၤ ဂုာ်လဲၤခီဖျိကွၢ်ဆၢၣ်မဲာ် တၢ်ကီတၢ်ခဲအံၤန့ၣ်မ့ၢ်တၢ်သူၣ်ဆူၣ်သးဆူၣ်လၢ ကမၤစၢၤအဖိခွါအဃိန့ၣ် ပၢ်အိၣ်လၢမူခိၣ်တဂၤ အတၢ် သူၣ်အိၣ်သးအိၣ်ဖိအါဂၤလၢ ဟီၣ်ခိၣ်ချၢအံၤ ကဒိၣ်ကအါထဲလဲၣ်န့ၣ် ပဆိကမိၣ် ကွၢ်ထံ သ့၀ဲဒၣ်န့ၣ်လီၤႉ လံာ်စီဆှံအလီၢ်လံၤအပူၤ စီၤမိၤဒီး ဒုးသ့ၣ်နီၣ်ထီၣ်က့ၤ ယွၤအပှၤဂီၢ်မုၢ်လၢ ကစၢ်ယွၤစိာ်ဆှၢအ၀ဲသ့ၣ် ဖဲပှၤဂီၢ်မုၢ်တဖၣ် အတၢ်စူၢ်တၢ်နာ်ကစၢ်ယွၤ ဆံးလီၤစှၤလီၤ အဆၢကတီၢ်န့ၣ်လီၤႉ ပှၤအံၣ်စရၠာစး့လးဖိတဖၣ် ဘၣ်တၢ်အုၣ်က့ၤခီၣ်က့ၤ အ၀ဲသ့ၣ်ခီဖျိတၢ်အီၣ်ဒီးထံဧိၤနိဧိၤ ဒီးဖဲဘၣ်ကွၢ်ဆၢၣ်မဲာ်ဒီးဒုၣ်ဒါ ကစၢ်ယွၤဆှၢ ပှၤအံၣ်စရၠာစး့လးဖိ တဖၣ်လၢ မ့ၣ်အူအထူၣ်ဒီး တၢ်အၢၣ်န့ၣ်လီၤႉ တၢ်ကွၢ်ထံ ဆိကမိၣ်ကစၢ်ယွၤမၤတၢ်လၢ အပှၤဂီၢ်မုၢ်အဂီၢ် လၢကျဲအါအါအဃိ ဒီးစီၤမိၤဒီးစံး၀ဲ‚ ‘‘ဒီးလၢပှၢ်မုၢ်ကနၢ ဖဲနထံၣ်လၢ ယွၤနကစၢ်စိာ်နၤၣ်လီၤႉ
ပှၤအံၣ်စရၠာစး့လးဖိတဖၣ် အတၢ်လဲၤခီဖျိလၢပှၢ်မုၢ်ကနၢအံၤ တမ့ၢ်တၢ်အဘီၣ် အညီဘၣ်အဃိၣ်လီၤႉ ပၢ်အက့ၢ် အဂီၤလၢ အစိာ်ဆှၢအဖိခွါလၢ တၢ်ကဟုကညီၣ်ၢ် လီၤသးန့ၣ် မ့ၢ်တၢ်ပာ်ဖျါ ကစၢ်ယွၤသူၣ်အိၣ်သးအိၣ် အပှၤဂီၢ်မုၢ်ထဲလဲၣ်န့ၣ် ပထံၣ်ဘၣ် ၀ဲဒၣ်န့ၣ်လီၤႉ ဖဲပလဲၤခီဖျိကွၢ်ဆၢၣ်မဲာ် တၢ်တၤတၢ်သ့ၣ်တဖၣ်လၢ ပတၢ်အိၣ်မူ ဘၣ်ဃး ဒီး တၢ်မၤကွၢ်ပတၢ်စူၢ်တၢ်နာ်အဆၢကတီၢ် ပကသ့ၣ်နီၣ်ထီၣ် ကစၢ်ယွၤ ကစိာ်ဆှၢပှၤလၢပတၢ်ကီတၢ်ခဲတၢ်နးတၢ်ဖှီၣ်အပူၤန့ၣ်လီၤႉ