ဖဲ ၁၉၉၉ နံၣ်လါယူၤလံ (၁၆) သီန့ၣ် ကဘီယူၤဖိလၢ ဘၣ်တၢ်နီၣ်အီၤလၢ ကၠီအဲးခဲနဒံၢ် (ဲကညငသမ^ဖိ) န့ၣ် ဟးဂီၤလီၤတဲာ်ဆူ အၣ်တလၣ်တ့းပီၣ်လဲၣ်ပူၤလီၤႉ တၢ်ဃိထံဒီးထံၣ်ဘၣ်တၢ်ဂ့ၢ်လၢ အမ့ၢ်မၤသး မုၢ်ဆ့ၣ်မုၢ်ဂီၤ ဘၣ်ထွဲတၢ် တထံၣ်သ့ၣ်ညါ တၢ်လီၢ်တၢ်ကျဲလီၤတံၢ်လီၤဆဲးလီၤႉ တၢ်လီၤဆီမၤအသးအံၤ ကဲထီၣ်သ့ဖဲတၢ်ထံၣ် လၢတဖျါဆှံၣ်ၣ် ပကူၣ်တဘၣ် တယာ်တဘၣ်လၢၤဘၣ်လီၤႉ တၢ်ထံၣ်န့ၢ် ခဲစၢၣ် တၢ်ဆါ‚ ပှၤလၢပအဲၣ်အီၤတဂၤသံ၀ဲ‚ ပတံၤသကိးတဂၤ ညိကွံာ် လဲၤသဒၣ်ပှၤၣ် ပကကျဲးစၢး ထုကဖၣ်တ့ၢ် ဒ်စံးထီၣ်ပ့တၢၤ (၄၃) အသိး လီၤႉ ဖဲထါတယုၢ်အံၤ ပှၤကွဲးထါပာ်ဖျါ ဒ်တၢ်အါမံၤလုၣ်ဘၢအီၤ မၤသးဒ်အ၀ဲလီၤမၢ်မ့ၢ်လၢ အသးပလၢၢ်ဘၣ်၀ဲလၢ တၢ်အၢ တၢ်သီဒီး တၢ်တတီတလိၤတဖၣ် အိၣ်ဘံၣ်အိၣ်က၀ီၤဃာ်အီၤလီၤႉ လၢတၢ်သးဟးဂီၤ အပူၤ ပှၤကွဲးထါ ဃ့ကညးယွၤလၢ ကဟ့ၣ်အီၤအတၢ်နဲၣ်ကျဲလီၤတံၢ် ဒ်သိးကမၤစၢၤအီၤ ဒီးတၢ်ပၢဆှၢအီၤဆူ တၢ်လီၢ်လၢတိာ်ပာ်၀ဲ ဖဲအကတၢၢ်ဒီး အ၀ဲန့ၣ်မ့ၢ်ဆူ ယွၤအိၣ်၀ဲ အလီၢ်န့ၣ်လီၤ (း၃-၄) ႉ ဖဲယွၤအဂီၤထံးန့ၣ် ပှၤကွဲးထါသ့ၣ်ညါလၢ အ၀ဲကထံၣ်န့ၢ် တၢ်မုၢ်လၢ် ဒီးတၢ်သးခုလၢအသီတဖၣ်လီၤႉ
လၢတၢ်နဲၣ်ကျဲအဂီၢ် ပှၤကွဲးထါဃ့တၢ်အပီးအလီမနုၤတဖၣ်လဲၣ်ႉ မ့ၢ်တၢ်မ့ၢ် တၢ်တီအတၢ်ကပီၤဒီး တၢ်သ့ၣ်ညါလီၤတံၢ်လၢ ယွၤအတၢ်အိၣ်ဒီးအီၤ ခီဖျိ ကစၢ်အသးစီဆှံန့ၣ်လီၤႉ
ဖဲနအိၣ်ဒီးတၢ်သးပလၢၢ်ဘၣ်လၢ တၢ်သဘံၣ်ဘုၣ်လုၣ်ဘၢနၤဒီး နလီၤမၢ်န့ၣ် ယွၤအတၢ်နဲၣ်ကျဲတီတီ ခီဖျိအသးစီဆှံ ဒီးအတၢ်အဲၣ်လၢ အိၣ်ဒီးနၤအံၤ ကမၤမုာ်နၤဒီး ကလ့ကပီၤနကျဲလီၤႉ