အဲၣ်လဲၣ် အိးထီၣ်၀ဲဒၣ် ပှၤထၢနုာ်လံာ်ပရၠာစးၢအတလါ ဒီးထံၣ်န့ၢ်၀ဲဒၣ် လံာ်ပရၠာစးၢကဖိလိဖိ တဖျၢၣ် အိၣ်ဃုာ်ဒီးအတံၤသကိးလၢ အဲၣ်ဘၣ်၀ဲအလီၢ်အိၣ်လီၢ်ဆိးအိၣ်ကွဲးအသးန့ၣ်လီၤႉ အပူၤကွံာ်စှၤသီန့ၣ် အ၀ဲသ့ၣ်အတၢ်ရၠာစး့လိာ်ဘၣ်ထွဲ တဘၣ်လီၢ်ဘၣ်စးအိၣ်တစဲး လီၤႉ လၢတၢ်အဲၣ်ဒိးသ့ၣ်ညါအပူၤ အိးထီၣ်၀ဲဒၣ် တၢ်ဘိၣ်ဒီးထံၣ်န့ၢ်၀ဲဒၣ် ‘ဖဲ’တပျံၤအိၣ်ဒီး ‘ဖဲ’သၣ်ဖိသ့ၣ်တဖၣ်လၢ အလွဲၢ်အိၣ်အါမးလၢ အဘၣ်တၢ်တုၢ်ဃာ်အီၤလၢ ဆှီၣ်လုၣ်ဖိ တဘိန့ၣ်လီၤႉ ‘ဖဲ’ ဖိအံၤ ဘၣ်တၢ်စၢဃာ်အီၤလၢ ခးက့ဖိတဘ့ၣ်လၢ အအိၣ်ဒီး ခီပနံၣ် အလံာ်ကျိၤကူာ်လၢ အစံး၀ဲ ‘‘ဖးန့ၢ်တၢ်ကစီၣ်ခူသူၣ်’’ န့ၣ်လီၤႉ မ့ၢ်တၢ်ဆှၢတၢ်ကစီၣ် တမံၤ ခီဖျိတၢ်ပာ်ဖှိၣ်တၢ်သီၣ်ဖုၣ်ထီဖိတဖၣ် မ့တမ့ၢ် တၢ်ကပီၤအယဲၤဖိတဖၣ် ဒ်သိး ကပာ်ဖျါ လံာ်မိၢ်ပှၢ်အဖျၢၣ်ဒီး နီၢ်ဂံၢ်နီၢ်ဒွးန့ၣ်လီၤႉ ဖဲလၢ အ၀ဲမၤနၢ်ပၢၢ် တၢ်ကစီၣ်ခူသူၣ်လၢ ‘ဖဲ’သၣ်ဖိတဖၣ် ပာ်ဖျါန့ၣ် တၢ်ကစီၣ် ဟဲဖျါထီၣ်၀ဲၣ်လီၤႉ
လံာ်တၢ်ကတိၤဒိ မ့ၢ်တၢ်ပာ်ဖှိၣ် တၢ်ကတိၤကူၣ်သ့န့ၣ်လီၤႉ တၢ်ကတိၤဒိ အါမးအံၤ ဘၣ်တၢ်ကွဲးအီၤလၢ စီၤပၤ့ှှလိၤမိၤ လၢအဘၣ်တၢ်ပာ်ပနီၣ်အီၤ ဒ်ပှၤကူၣ်သ့ဒိၣ် ကတၢၢ်လၢ အစိၤအဆၢကတီၢ်အခါန့ၣ်လီၤႉ လံာ်တၢ်ကတိၤဒိ အဆၢဒိၣ် ၃၁ ဆၢန့ၣ် စံးဘၣ် ပှၤဖးလံာ်တဖၣ်လၢ ကဒိကနၣ်တၢ်ကူၣ်သ့ ဒီး ကဟးဆှဲးတၢ်ကလီကလီၣ်လီၤႉ ကတိၤဒိ ၁း၇ မ့ၢ်၀ဲဒၣ် တၢ်ကစီၣ်အကံၢ်အလဲတခါ လၢအဘၣ်တၢ်စးထီၣ်အီၤလၢ ‘‘တၢ်ပျံၤယွၤန့ၣ် မ့ၢ်တၢ်သ့ၣ်ညါအခီၣ်ထံးလီၤ’’ႉ တၢ်ကူၣ်သ့အခီပညီမ့ၢ်၀ဲ တၢ်သ့ၣ်ညါကဘၣ်မၤတၢ်မနုၤဖဲလဲၣ်အခါလဲၣ်ႉ ဒီးတၢ်အံၤ ဟဲ၀ဲလၢ တၢ်မၤလၤကပီၤကစၢ်ယွၤ ခီဖျိတၢ်ဃုထံၣ်န့ၣ် အကျဲတဖၣ်လီၤႉ လၢလံာ်စီဆှံ အဆၢအခီၣ်ထံးဖိတဖၣ်အပူၤန့ၣ် ပဖးဘၣ်၀ဲ‚ ‘‘ကနၣ်နပၢ်အသိၣ်တၢ်တက့ၢ်ႉ ဒီးလဲၤသဒၣ် နမိၢ်အသိၣ်က့ၤသီက့ၤတၢ်တဂ့ၤႉ အဂ့ၢ်ဒ်အံၤ‚ ကကဲထီၣ်တၢ် အဃံအလၤ အခိၣ်ကျီၤလၢ နခိၣ်အလိၤၣ်လီၤႉ ဒီးအအံၤမ့ၢ်တၢ်ဃုထံၣ်န့ၢ်ယွၤအကျဲလီၤႉ အတံၤသကိးမုၣ် အတၢ်ဟ့ၣ်အံၤဖှိၣ်ဃီၤ၀ဲဒၣ်အဲၣ်လဲၣ်အတၢ်သးစၢၢ်ဆၢဆူ တၢ်လီၢ်လၢကဒိးန့ၢ်ဘၣ်တၢ်မၤစၢၤလၢအလိၣ် ဘၣ်၀ဲလီၤႉ
ဖဲပမၤလၤကပီၤကစၢ်ယွၤဒီး ဃုထံၣ်န့ၢ်အကျဲတဖၣ်န့ၣ် ပကဒိးန့ၢ်ဘၣ် တၢ်ကူၣ်သ့လၢ ပလိၣ်ဘၣ်တဖၣ်လၢ တၢ်ဂ့ၢ်ကိးမံၤဒဲးလၢ ပကွၢ်ဆၢၣ်မဲာ်လၢ ပတၢ် အိၣ်မူအပူၤအဂီၢ်လီၤႉ တၢ်ဂ့ၢ်တမံၤ ဒီးကိးမံၤဒဲးအဂီၢ်လီၤႉ