တၢ်ဃဲၤဖုၣ်ဖိၣ် ပူဂဲၤဒိခိၣ်ခံဂၤလၢအမ့ၢ် စၢၣ်က့ ဒီးမါရၠာစးှၣ် ခံဂၤ ထံၣ်လိာ် အသးဖဲလၢ စၢၣ်က့ အသးစၢ်၀ဲဒီး ဘၣ်တၢ်ဒိၣ်ဘၢအီၤညီကဒၣ်သ့အဆၢကတီၢ်န့ၣ်လီၤႉစၢၣ်က့ န့ၣ် မ့ၢ်ပှၤလၢအသးပှၢ်န့ၢ်အီၤ‚ ပှၤမုၢ်၀ဲၤ‚ ပနံာ်ကၤတၢ်ဖိတဂၤလၢ အလဲၤတၢ်က့ၤ တၢ်အါမးလၢ အနၢ်ပၢၢ်ဟီၣ်ခိၣ်အတၢ်အိၣ်သးအါမးၢ်ဒံး ခိခိၣ်လီၢ်ကျဲလၢမါရၠာစးှၣ် အိၣ်ဆိး၀ဲန့ၣ်လီၤႉ ယံာ်ထီၣ်ယံာ်ထီၣ်ဒီး အသကိးခံဂၤအဲၣ်လိာ်အသးဒီး ဒိးတ့ဒိးဖျီ အသးလီၤႉ
အ၀ဲသ့ၣ် အိၣ်ဆိး၀ဲဒၣ်လၢ ခိခိၣ်ဒူသ၀ီလီၤႉ ဘၣ်ဆၣ် မါရၠာစးှၢၣ် အိၣ်၀ဲဒီး တၢ်ကၢၣ်ထီၣ်အသးလီၤႉ စၢၣ်က့ လၢတၢ်အဲၣ်အီၤဒိၣ်မးအပူၤၣ်လီၤႉ လဲၤတုၤဖဲန့ၣ်ဒီးမါရၠာစးှၣ်အမံၤဟူသၣ်ဖျါထီၣ်၀ဲ တကီၢ်ခါ မ့ၢ်လၢဃံလၤလီၤအဲၣ်၀ဲအဃိလီၤႉ ဖဲလၢနီၣ်ဒီမိၤ၀ၤ ဘူးကက့ၤဆူအဟံၣ် အဃီန့ၣ် စီၤပၤဖိခွါတဂၤ ဟဲတုၤဆူ၀့ၢ်ပူၤ ဒီးဆၢထံၣ်ဘၣ်မါရၠာစးှၣ်လီၤႉ စၢၣ်က့ သ့ၣ်ညါ၀ဲ လၢအ၀ဲကတဲဆူၣ် မါရၠာစးှၣ် လၢကက့ၤဒီးအီၤသ့၀ဲလီၤႉ ဘၣ်ဆၣ် အ၀ဲပျဲလၢ မါရၠာစးှၣ် ကဆၢတဲာ်တၢ်လီၤႉ အ၀ဲဆၢတဲာ်၀ဲလၢ ကအိၣ်တ့ၢ်လၢ၀့ၢ်အဃိ တၢ်အံၤ မၤသ့ၣ်ဖး စၢၣ်က့ အသးလီၤႉ
ဒ်စၢၣ်က့အသိးန့ၣ် ကစၢ်ယွၤ တမၢဆူၣ်ပှၤ နီတဘျီလၢ ပကသးတီဒီးအီၤဘၣ်ႉ မ့ၢ်လၢအ၀ဲအဲၣ်ပှၤအဃိၣ်၀ံၤဒီး သးသမူဒီတစိၤအပူၤ ပဘၣ် ဆၢတဲာ် ဃုထၢတၢ် တဘျီ၀ံၤတဘျီလီၤႉ
ပကဃုထၢတၢ်သးတီဒီးယွၤ ဒ်အသးမုၢ်စီဆှံနဲၣ်ပှၤအသိးဧါႉ မ့တမ့ၢ် ပကပျဲ ဟီၣ်ခိၣ်ကွဲန့ၢ်လွဲန့ၢ်ပှၤဧါႉ စီၤဒၤ၀ံး အတၢ်အိၣ်မူတလၢတပှဲၤဘၣ်ႉ ဘၣ်ဆၣ်အါဘျီ အ၀ဲကွဲး၀ဲဘၣ်ဃး တၢ်တိၢ်န့ၢ်ယွၤအကျဲတဖၣ် ဒီးတၢ်ဂ့ၤတၢ်၀ါ ခီဖျိတၢ်တိၢ်န့ၢ် ယွၤအကျဲအဃိလီၤ (စံး ၁၈း၂၁-၂၄) ႉ ဖဲလၢပတၢ်ဃုထၢတဖၣ် မၤလၤကပီၤ ကစၢ်ယွၤ အခါန့ၣ် ပကလဲၤခီဖျိဒိးန့ၢ်ဘၣ်တၢ်ဆိၣ်ဂ့ၤလၢ စီၤဒၤ၀ံး ပာ်ဖျါ၀ဲၣ် နကပာ်ဂ့ၤနသးၣ် နကပာ်လၢပာ်ပှဲၤနသး’’န့ၣ်လီၤႉ