ဖဲ ၁၉၈၃ နံၣ်အခါ ပှၤသးစၢ် ၃ ဂၤ ဘၣ်တၢ်ဖီၣ်န့ၢ်အီၤလၢ မၤသံဖိသၣ်အသးအိၣ် ၁၄ နံၣ်တဂၤအဃိလီၤႉ တၢ်ကစီၣ်ပာ်ဖျါ၀ဲလၢ ဖိသၣ်တဂၤအံၤ ဘၣ်တၢ်ခးသံအီၤ မ့ၢ်လၢအဘၣ်ဃးဒီးအပှၤလိာ်ကွဲတၢ်ဖိဆ့ကၤအဃိန့ၣ်လီၤႉ ပှၤသးစၢ် ၃ ဂၤအံၤ ဘၣ်လီၤဃိာ် ၃၆ နံၣ် တချုးလၢ ပှၤသ့ၣ်ညါက့ၤလၢ အ၀ဲသ့ၣ်အတၢ်ကမၣ်တအိၣ်၀ဲအခါန့ၣ်လီၤႉ ပှၤလၢ အမၤသံဖိသၣ်အံၤ မ့ၢ်ဒၣ် အပှၤအဂၤတဂၤန့ၣ်လီၤႉ တချုးလၢစံၣ်ညီၣ်ကွီၢ်ပျဲကွံာ် အ၀ဲသ့ၣ် ၃ ဂၤအခါၣ်လီၤႉ
ပဂုာ်ကျဲးစၢးထဲလဲၣ်ဘၣ်ဆၣ် (စံၣ်ညီၣ်ကွီၢ်တဖၣ် မၤအဂ့ၤကတၢၢ်ထဲလဲၣ် ဘၣ်ဆၣ်) ပှၤကညီအတၢ်တီတၢ်လိၤအံၤ တလၢပှဲၤ၀ဲန့ၣ်ဘၣ်ႉ တမ့ၢ်ပကထံၣ်သ့ၣ်ညါ နၢ်ပၢၢ် တၢ်ဂ့ၢ်ခဲလၢာ်န့ၣ်ဘၣ်ႉ တဘျီဘျီ ပှၤတတီတလိၤသ့ၣ်တဖၣ် မၤတၢ်သ့လၢ ကျဲအကလုာ်ကလုာ်ပူၤန့ၣ်လီၤႉ လၢတၢ်အံၤအဃိ ပကျဲကမၣ်သ့၀ဲန့ၣ်လီၤႉ တဘျီဘျီ တၢ်တီတၢ်လိၤအံၤ ပကထံၣ်သ့ၣ်ညါအဂီၢ် အါနံၣ်အါလါပူၤကွံာ်၀ဲန့ၣ်လီၤႉ တဘျီဘျီ
ပသးသမူဟးထီၣ်ကွံာ်ဒၣ်လဲာ် တၢ်တီတၢ်လိၤ ပတသ့ၣ်ညါတ့ၢ်ဘၣ်န့ၣ်လီၤႉ ဘၣ်ဆၣ်ဒီး ကစၢ်ယွၤ အိၣ်ဒီးတၢ်တီတၢ်လိၤနီၢ်နီၢ်န့ၣ်လီၤႉ စီၤမိၤဒီးစံး၀ဲလၢ ‘‘ယွၤ မၤတၢ်အလၢအပှဲၤ ဒီးယွၤအကျဲတဖၣ်တီ၀ဲလိၤ၀ဲ’’ န့ၣ်လီၤ (၅ မိၤ ၃၂း၄) ႉ ယွၤထံၣ်တၢ်ဒ်တၢ်မ့ၢ်တၢ်တီအိၣ်၀ဲအသိးန့ၣ်လီၤႉ ဖဲပမၤတၢ်ကမၣ်န့ၣ်ဒီး လၢခံကတၢၢ်ယွၤကဟဲစိာ်တၢ်တီတၢ်လိၤသပှၢ်တၢၢ်န့ၣ်လီၤႉ ဆၢကတီၢ်ကတုၤဃီခဲလၢာ်တသ့ၣ်ညါဘၣ်ဆၣ်ဒီး ပနာ်ယွၤနီၢ်နီၢ် မ့ၢ်လၢ ‘‘ယွၤမ့ၢ်တၢ်မ့ၢ်တၢ်တီအကစၢ်‚ ဒီးတၢ်အၢတအိၣ်လၢအီၤၣ်လီၤႉ ပဘၣ်ယိၣ်လၢ တၢ်တတီတလိၤအစၢ ကလီၤဘၣ်လၢ ပလိၤၣ်လီၤႉ ဘၣ်ဆၣ်‚ ပနာ်ယွၤ ဒ်သိးကမၤ တၢ်တီတၢ်လိၤလၢပဂီၢ်‚ ခဲအံၤ မ့ၢ်ဂ့ၤၣ်လီၤႉ