ဖဲကွဲၤထံၣ်ဟူအတၢ်ဘိးဘၣ်ရၠာစးၤလီၤတခါအပူၤ ပိာ်မုၣ်တဂၤသံကွၢ် ပှၤလၢ အကွၢ်ကွဲၤထံၣ်ဟူ အက့ှူၢ်အကျါတဂၤဂၤလၢ ‘‘နဃုထံၣ်တၢ်မနုၤလဲၣ်‚ မး (ခ) ဧၢ’’ ဒီး ဖဲန့ၣ် မး (ခ) န့ၣ် စံးဆၢက့ၤ၀ဲ ‘‘ယနီၢ်ကစၢ်ဒၣ်ယဲ ယတၢ်ထံၣ်တၢ်ဆိကမိၣ်လၢ အတမၤ တၢ်ဆၢတဲာ်လၢ အသူၣ်လီၤသးလၢတၢ်ပျံၤအလိၤဘၣ်’’ န့ၣ် တသ့ၣ်ညါထွဲ၀ဲလၢ ပိာ်မုၣ်န့ၣ် သံကွၢ်ဒၣ်တၢ်လၢ အ၀ဲဆၢကွၢ်လၢကွဲၤထံၣ်ဟူအပူၤန့ၣ် မ့ၢ်တၢ်မနုၤလဲၣ်အဂ့ၢ်လီၤႉ
ယတဆိကမိၣ်‚ ယတမုၢ်လၢ်လၢ ကွဲၤထံၣ်ဟူအတၢ်ဘိးဘၣ်ရၠာစးၤလီၤတခါန့ၣ် ကဘၣ်တိၢ်ဘၣ်ထံးယၤဆါဆါဘၣ်ႉ ဘၣ်ဆၣ်‚ ယလီၤဂာ်လိာ်သးဒီး မး (ခ) လၢအလီၤသးကညီၤအံၤလီၤႉ တဘျီတခီၣ်‚ ယဲစ့ၢ်ကီး ယသးအိၣ်ဒီးတၢ်တံာ်တာ်‚ ခီဖျိကျိၤကျဲ လၢ တၢ်ပျံၤတၢ်ဖုးဆှၢယၤလၢသးသမူပူၤလီၤႉ
ယ့ၣ့်ှှူးအပျဲၢ်တဖၣ်စ့ၢ်ကီး လဲၤခီဖျိဘၣ် တၢ်ပျံၤတၢ်ဖုးအစိကမီၤဖးဒိၣ် လီၤဘၣ်အလိၤလီၤႉ တဘျီ‚ ဖဲအ၀ဲသ့ၣ်ခီဃီၤပီၣ်လဲၣ်ကၤလံၤလါန့ၣ် (မၢ်ကူး ၄း၃၅) ‚ ‘‘ကလံၤတပျုာ်တပျီၤထီၣ်ဖးဒိၣ်လီၤ’’ (း၃၇) ႉ တၢ်ပျံၤတၢ်ဖုးဖးဒိၣ်လီၤဘၣ်အီၤ‚ ဒီး အ၀ဲသ့ၣ်ဆိကမိၣ်၀ဲလၢ ယ့ၣ့်ှှူး (ပှၤလၢအမံဘၣ်အသးတဂၤ) တဘၣ်ယိၣ်တၢ် လၢ အ၀ဲသ့ၣ်အဂီၢ်ဘၣ်ဒီး သံကွၢ်၀ဲ ‘‘သရၠာစးၣ်ဧၢ‚ ပကဟးဂီၤန့ၣ် မ့ၢ်နတပာ်ဘၣ်လၢ တၢ်နီတမံၤ ဘၣ်ဧါ’’ (း၃၈) န့ၣ်လီၤႉ
တၢ်ပျံၤတၢ်ဖုး မၤနၢ်ပၢၢ်ကမၣ် ပျဲၢ်ဘီၣ်တဖၣ်အတၢ်ထံၣ်‚ မၤဘျီၣ်အ၀ဲသ့ၣ် အမဲာ်ချံလၢယ့ၣ့်ှှူးအတၢ်သးအိၣ်လၢ အဂ့ၤဒိၣ်မးလၢ အ၀ဲသ့ၣ်အဖီခိၣ်လီၤႉ ဖဲယ့ၣ့်ှှူး ဒူကလံၤဒီးလပီတဖၣ်အလိၤ၀ံၤလီၢ်ခံ (း၃၉) ႉ ကစၢ်ခရၠာစးံာ်သံကွၢ်အပျဲၢ်အဘီၣ်တဖၣ်လၢ တၢ်သံကွၢ်လၢအနုာ်ဖျိခံမံၤ‚ ‘‘ဘၣ်မနုၤလၢသုပျံၤတၢ်ထဲန့ၣ်ညါလဲၣ်ႉ ဘၣ်မနုၤလၢ သုတၢ်နာ် တအိၣ်ဘၣ်လဲၣ်’’ (း၄၀) န့ၣ်လီၤႉ
ကလံၤမုၢ်ဖးဒိၣ်တဖျၢၣ် အူတပျုာ်တပျီၤလၢ ပတၢ်အိၣ်မူပူၤစ့ၢ်ကီးလီၤႉ တမ့ၢ်ဘၣ်ဧါႉ ဘၣ်ဆၣ် ယ့ၣ့်ှှူးအတၢ်သံကွၢ်တဖၣ် မၤစၢၤပှၤလၢ ပကထံၣ် ပတၢ်ပျံၤတဖၣ် ဒ်အတၢ်မ့ၢ်တၢ်နီၢ်နီၢ်အသိးဧိၤလီၤ (တထံၣ်မှံဒိၣ်အီၤဘၣ်) ႉ အတၢ်သံကွၢ် တၢတဘီကွဲမုာ်ပှၤလၢ ပကတဲဖျါထီၣ် ပတၢ်ပျံၤတဖၣ်အမံၤလီၤႉ ခံဘီတဘီန့ၣ် ကွဲမုာ်ပှၤလၢပကနာ်န့ၢ်အီၤလၢ သးလၢအပျံၤအဖုးအဂီၢ်‚ ကိးထီၣ်အီၤ အိၣ်ဒီးမဲာ်ချံလၢ အသ့ထံၣ် ကစၢ်ခရၠာစးံာ်အတၢ်ဆှၢတၢ်တွၤလၢသးသမူအကလံၤမုၢ်အဆူၣ်ကတၢၢ်တဖၣ်ဒၣ်လဲာ်အပူၤလီၤႉ