ဒ်ပှၤတ့ှူးဖိအတၢ်စံၣ်ဃဲၤဟဲ၀ဲအသိး‚ ဖဲ ှၠင တနညါ အကသ့ၣ်လုၢ်ဒိၣ်ပရၤဒိၣ်တဖၣ်အကျါ တဒုလီၢ်မၢ်အခါ‚ ပှၤလၢအဃၢၤတဂၤ ပာ်ဖျါထီၣ် တၢ်သးအုးလၢ အတၢ်လီၤမၢ်အဂီၢ် လီၤႉ ဘၣ်ဆၣ် ှၠင တနညါ တကိၢ်တဂီၤဘၣ်ႉ အ၀ဲစံး၀ဲဒၣ် ‘‘တၢ်အံၤ ကမ့ၢ်တၢ်ဂ့ၤလၢ ယဂီၢ်သ့ၣ်သ့ၣ်လီၤန့ၣ် မတၤသ့ၣ်ညါကသ့လဲၣ်’’ လီၤႉ တၢ်လီၤကမၢကမၣ်အပူၤ‚ ကသ့ၣ်လၢအလီၤမၢ်တဒုန့ၣ် ဟဲက့ၤဆူဟံၣ် ဃုာ်ဒီးကသ့ၣ်အဂၤတဒုန့ၣ်လီၤႉ ဖဲပှၤလၢအဃၢၤ ပာ်ဖျါတၢ်သးခုဃုာ်ဒီးအီၤအခါ‚ ှၠင တနညါ စံး၀ဲဒၣ် ‘‘တၢ်အံၤကမ့ၢ် တၢ်အၢလၢယဂီၢ်သ့ၣ်သ့ၣ်လီၤန့ၣ် မတၤသ့ၣ်ညါကသ့လဲၣ်’’ႉ ဒီးတၢ်ကဲထီၣ်အသးလၢ‚ အဖိခွါအခီၣ်ကၢ် ဖဲအဒိး၀ဲကသ့ၣ်အသီတဒုအခါန့ၣ်လီၤႉ တၢ်အံၤဖျါဒ်အမ့ၢ် တၢ်ဟဲ၀ံအအၢ‚ တုၤလၢ သုးမုၢ်ဟဲနုာ်ဆူဒူသ၀ီပူၤ ဒ်သိးအကထၢဖှိၣ်ပှၤပိာ်ခွါလၢ အအိၣ်ဆူၣ်အိၣ်ခ@တဖၣ် ဒ်သုးဖိအသီတဖၣ် ဒ်သိးကဒုးတၢ်လၢတၢ်ဒုးအပူၤတစုလီၤႉ မ့ၢ်လၢ အဖိခွါ အတၢ်ဘၣ်ဒိဘၣ်ထံးအဃိ‚ အ၀ဲတဘၣ်တၢ်ကိးအီၤဘၣ်‚ ဒီးတၢ်အံၤလၢအကတၢၢ်န့ၣ် ကကဲထီၣ်ဒ်တၢ်မၤပူၤဖျဲးအီၤလၢ တၢ်သံန့ၣ်လီၤႉ
ပူတယုၢ်အံၤ မ့ၢ်ပှၤတ့ှူးဖိအတၢ်ကတိၤဒိလၢ အသိၣ်လိ၀ဲဒၣ်လၢ တၢ်ကီ တၢ်ခဲန့ၣ်‚ ကဲထီၣ်တၢ်ဆိၣ်ဂ့ၤဒီး တၢ်ဆိၣ်ဂ့ၤကဲထီၣ် တၢ်ကီတၢ်ခဲသ့၀ဲလီၤႉ တၢ်ကူၣ်သ့ လၢပျၢၤတမံၤအံၤ လီၤဂာ်ဒီး ပှၤစံၣ်တဲၤတဲလီၤတၢ် ၆း၁၂‚ ဖဲပှၤကွဲးလံာ်စံး၀ဲ‚ ‘‘မ့ၢ်မတၤ သ့ၣ်ညါတၢ်ဂ့ၤလၢ ပှၤကညီအဂီၢ်လၢ အသးသမူအဖၢမုၢ်လၢ အမုၢ်နံၤကလီကလီ အပူၤန့ၣ်တဂၤလဲၣ်’’ႉ သပှၢ်တၢၢ်‚ ပ၀ဲနၤယၤ ပတသ့ၣ်ညါ တၢ်မနုၤကမၤအသးလၢ ခါဆူညါဘၣ်ႉ တၢ်နးတၢ်ဖှီၣ်တမံၤန့ၣ်‚ ဘၣ်သ့ၣ်သ့ၣ် ကဒုးအိၣ်ထီၣ် တၢ်ဘျုးတၢ်ဖှိၣ် လၢအဂ့ၤ ဒီးတၢ်ဘီၣ်တၢ်ညီ ကဒုးအိၣ်ထီၣ်တၢ်ဘၣ်ဒိလၢအအၢသ့၀ဲလီၤႉ
မုၢ်နံၤကိးနံၤဒဲး ဟ့ၣ်ထီၣ် တၢ်ခွဲးတၢ်ယာ်အသီတဖၣ်‚ တၢ်သးခုတဖၣ်‚ တၢ်ဂဲၤလိာ်တဖၣ်‚ ဒီး တၢ်နးတၢ်ဖှီၣ်န့ၣ်လီၤႉ ဒ်ယွၤအဖိတဖၣ်လၢ တၢ်အဲၣ်အီၤအသိးန့ၣ်‚ ပအိၣ်ဘှံးသ့လၢ အစိကမီၤ ဒီးနာ်အီၤလၢတၢ်အကတီၢ်လၢအဂ့ၤဒီး အအၢတဖၣ်အပူၤ သ့၀ဲန့ၣ်လီၤႉ ယွၤ ‘‘ဆှၢလီၤတၢ်သူၣ်ဖှံသးညီဒီးတၢ်ကီတၢ်ခဲခံမံၤလိာ်’’ (၇း၁၄‚ ခ့ခါ) န့ၣ်လီၤႉ အ၀ဲအိၣ်ဒီးပှၤ လၢတၢ်မၤအသးခဲလၢာ်လၢ ပတၢ်အိၣ်မူအပူၤ ဒီးအၢၣ်လီၤ၀ဲလၢ ကဟ့ၣ်ပှၤ အတၢ်ကဟုကယာ်န့ၣ်လီၤႉ