ဒ်တၢ်စံၣ်စိၤတဲစိၤဟဲ၀ဲအသိး‚ ပှၤ့ဘံးတ့ၣ်ဖိပှၤနဲၣ်ထါ သရၠာစးၣ်သီမဲး (စ) ဘံၤခၠဲၣ် ဘၣ်တဘျီ ထံၣ်ပှၤပိာ်မုၣ်လၢအဖျါလီၤတိၢ်လီၤဆီတဂၤလၢ ဟံၣ်ဒွဲအကျဲစၢၤအလီၢ်န့ၣ်လီၤႉ အ၀ဲ ဆိကမိၣ်က့ၤအမံၤတန့ၢ်ဘၣ်ႉ ဘၣ်ဆၣ် နာ်၀ဲလၢ အသ့ၣ်ညါအီၤအဃိ‚ အ၀ဲ လဲၤကတိၤတၢ်ဒီးအီၤလီၤႉ ဖဲအကတိၤသကိးလိာ်သးအခါ‚ အ၀ဲသ့ၣ်နီၣ်ထီၣ်၀ဲလၢတၢ်တလီၤတံၢ်ကဲၣ်ဆိးဘၣ်အပူၤ ပိာ်မုၣ်အံၤအိၣ်ဒီးအဒီပုၢ်၀ဲၢ်ခွါတဂၤန့ၣ်လီၤႉ လၢတၢ်မုၢ်လၢ်လၢ အကမၤန့ၢ်တၢ်ဂ့ၢ်အနွံတခါခါအပူၤ‚ အ၀ဲသံကွၢ်အီၤ အဒီပုၢ်၀ဲၢ်ခွါ အိၣ်မၤသးဒ်လဲၣ်ဒီး မ့ၢ်အမၤဒံးတၢ်ဖဲအလီၢ်လီၢ်ဧါန့ၣ်လီၤႉ ပိာ်မုၣ်စံးဆၢအီၤ‚ ‘‘အိ‚ အ၀ဲအိၣ်ဆူၣ်ဂ့ၤမးလီၤႉ ဒီးမ့ၢ်ဒံးစီၤပၤလီၤႉ
တၢ်ဆိကမိၣ်ကမၣ် ပှၤတဂၤဂၤအတၢ်မ့ၢ်တၢ်န့ၣ် လီၤမဲာ်ကိၢ်မဲာ်ဆှး ဒ် သရၠာစးၣ်ဘံၤခၠဲၣ် အသိးန့ၣ်လီၤႉ ဘၣ်ဆၣ် တဘျီဘျီ တၢ်ကနးန့ၢ်အန့ၣ်‚ ဒ်ကစၢ်ယ့ၣ့်ှှူး အပှၤတၢ်မၢဖိစီၤဖံလံးပူး အဂီၢ်အသိးန့ၣ်လီၤႉ မ့ၢ်ဒၣ်ကယၢာ် အ၀ဲသ့ၣ်ညါ ကစၢ်ယ့ၣ့်ှှူး‚ ဘၣ်ဆၣ် အ၀ဲမ့ၢ်မတၤလဲၣ်န့ၣ် စီၤဖံလံးပူးတသ့ၣ်ညါနၢ်ပၢၢ်လၢလၢပှဲၤပှဲၤဒံးဘၣ်ႉ အဲၣ်ဒိး၀ဲလၢ ကစၢ်ယ့ၣ့်ှှူးက ‘‘ဒုးနဲၣ် (အီၤ) လၢပၢ်’’ န့ၣ်လီၤႉ ယ့ၣ့်ှှူးစံးဆၢအီၤ ‘‘ပှၤလၢအထံၣ်ယၤန့ၣ်‚ မ့ၢ်အထံၣ်လံပၢ်န့ၣ်လီၤ’’ (ယိၤ ၁၄း၈-၉) ႉ ဒ်ယွၤအဖိခွါထဲတဂၤဧိၤအသိး‚ ယ့ၣ့်ှှူးဒုးနဲၣ်ဖျါပၢ်ယွၤလၢလၢပှဲၤပှဲၤ လၢတၢ်သ့ၣ်ညါဖိခွါန့ၣ် မ့ၢ်တၢ်သ့ၣ်ညါပၢ်လီၤ (း၁၀-၁၁) ႉ
ပမ့ၢ်အဲၣ်ဒိးသ့ၣ်ညါ ယွၤအသကဲာ်ပ၀း‚ အလုၢ်လၢ်ကံၢ်စီ‚ မ့တမ့ၢ် အတၢ်သးအိၣ်လၢပှၤဂၤအဂီၢ်န့ၣ် မ့ၢ်တၢ်ဒ်လဲၣ်န့ၣ်‚ အလီၢ်အိၣ်ထဲဒၣ်လၢ ပကကွၢ်ဆူ ကစၢ်ယ့ၣ့်ှှူး ဒ်သိးပကသ့ၣ်ညါအဂီၢ်လီၤႉ ကစၢ်ယ့ၣ့်ှှူးအသကဲာ်ပ၀း‚ အတၢ်သူၣ်ဂ့ၤသး၀ါ‚ တၢ်အဲၣ်တၢ်ကွံ ဒီးတၢ်သးကညီၤန့ၣ် နဲၣ်ဖျါထီၣ် ယွၤအသကဲာ်ပ၀းန့ၣ်လီၤႉ ပယွၤလၢအလီၤလိၢ်လီၤလးမးအံၤ ပနၢ်ပၢၢ်အီၤလၢလၢပှဲၤပှဲၤ တသ့ဘၣ်ဆၣ်‚ ယွၤလီၣ်ဖျါထီၣ်အနီၢ်ကစၢ်ဒၣ်၀ဲလၢ ကစၢ်ယ့ၣ့်ှှူးအပူၤ ဒီးတၢ်အံၤ မ့ၢ်တၢ်ဟ့ၣ်ဖးဒိၣ်န့ၣ်လီၤႉ