ညၣ်ပီၣ်လဲၣ် (ပၠံၣ်ကၠံငါ) အိၣ်ဆိးလၢပီၣ်လဲၣ်လီၢ်က၀ီၤလၢ မုၢ်တၢ်ကပီၤဖျိတတုၤ ပီၣ်လဲၣ် ခံဒးန့ၣ်လီၤႉ ညၣ်အံၤ အမံၤလိာ်ကွဲ မ့ၢ်တၢ်တခါလၢ အအိၣ်ဒီးမဲာ်ချံလီၤဆီခံတိၣ်‚ မဲာ်ချံလၢစ့ၣ်တကပၤ ဒိၣ်ထီၣ်ဒိၣ်ထီၣ်ဒီး ဒိၣ်လီၤဆီန့ၢ်ဒံး မဲာ်ချံလၢအထွဲတခီ‚ လၢအဒိၣ်ခံစးဃၣ်ဃၣ်လီၤႉ ပှၤစဲအ့ၣ်ဖိတဖၣ် မၤလိညၣ်ပီၣ်လဲၣ်ကပုာ်ကပုာ်အံၤဒီး ဆိကမိၣ်၀ဲလၢညၣ်အံၤ စူးကါအမဲာ်ချံထွဲလၢအဆံးတဖျၢၣ်ဆူတၢ်ကကွၢ်လီၤတၢ်ဆူ ပီၣ်လဲၣ်အခံဒးလၢအခံးန့ၣ်လီၤႉ မ့မ့ၢ် မဲာ်ချံအဒိၣ်လၢအထွဲတခီ‚ စူးကါ၀ဲ ဒ်သိး ကကွၢ်ထီၣ်တၢ်‚ ဆူမုၢ်အတၢ်ကပီၤန့ၣ်လီၤႉ
ညၣ်တကလုာ်အံၤ မ့ၢ်တၢ်အက့ၢ်အဂီၤတခါလၢ ပတညီနုၢ်ဆိကမိၣ် တၢ်လၢပကဘၣ်မူလၢဟီၣ်ခိၣ်အခဲအံၤ‚ ဃုာ်ဒီးခါဆူညါတၢ်လီၤတံၢ်လီၤဆဲး လၢပအိၣ်ခိး‚ ဒ်ပှၤလၢ ‘‘ဂဲၤဆၢထၢၣ်ဃုာ်ဒီးခရၠာစးံာ်’’ (ကလီး ၃း၁) န့ၣ်လီၤႉ လၢစီၤပီလူး အလံာ်ပရၠာစးၢဆူ ပှၤကလီးစဲဖိတဖၣ်အပူၤ‚ အ၀ဲပာ်ဖျါထီၣ်လၢပကဘၣ် ‘‘သးအိၣ်တၢ်လၢ ထး’’ မ့ၢ်လၢ ပသးသမူတဖၣ် ‘‘အိၣ်ခူသူၣ်ဒီးခရၠာစးံာ်လၢယွၤအပူၤ’’ (း၂-၃) အဃိန့ၣ်လီၤႉ
ဒ်ပမ့ၢ်ပှၤအိၣ်လၢဟီၣ်ခိၣ်လၢ အအိၣ်ခိးတၢ်မူလၢမူခိၣ်ဘီမုၢ်တဖၣ်အသိး‚ ပပၢၤဃာ် ပမဲာ်ချံတအိၣ်လၢတၢ်လၢအကဲထီၣ်သးလၢပခိၣ်ပဃၢၤန့ၣ်လီၤႉ ဘၣ်ဆၣ်‚ ဒ်ညၣ်ပီၣ်လဲၣ်အံၤ အမဲာ်ချံဒိၣ်ထီၣ်ဒိၣ်ထီၣ် ပာ်သူၣ်ပာ်သးဘၣ်တၢ်လၢထးအါ၀ဲအသိး‚ ပ၀ဲစ့ၢ်ကီး ပဒိၣ်ပ၀ဲသ့လၢ တၢ်အိးထီၣ်မဲာ်အိးထီၣ်နါလၢ ယွၤမၤတၢ်လၢပနီၢ်သးတကပၤ န့ၣ်လီၤႉ ပမ့ၢ်တသ့ၣ်ညါဒံးတၢ်ဂဲၤဆၢထၢၣ်ဒီးခရၠာစးံာ်လၢလၢပှဲၤပှဲၤနာ်သက့‚ ဖဲလၢပမ့ၢ် ကွၢ်ထီၣ်တၢ်ဆူ ‘‘ထး’’‚ ပမဲာ်ချံတဖၣ် ကစးထီၣ်ထံၣ်တၢ်ဆှံဒိၣ်ထီၣ်ဒိၣ်ထီၣ်န့ၣ်လီၤႉ