ဖဲယကွၢ်ကနဲတဘ့ၣ် စီၢ်လီၤကဖီကဖီလၢ ရၠာစးၢး့ှှါစ့းဖီမုၢ်အလိၤ‚ ယကမၢကမၣ်ဘၣ် လၢတပှိာ် (ဖီက့ှူၢ်) အဒ့အ့တၢ်တဖၣ်‚ ဟဲထီၣ်ဒီးအလွဲၢ်လၢအဃံလၤတဖၣ်လီၤႉတၢ်အလွဲၢ် လါဟ့စၢ်စၢ်လၢ အဖီထီၣ်ဖးထီၣ်အံၤ‚ ထုးန့ၢ်မဲာ်ချံဃုာ် ဒီးကနဲတဖၣ် အသးန့ၣ်လီၤႉ ဘၣ်ဆၣ်‚ ဖဲအပူၤကွံာ်တၢ်ယီၤထီၣ်သီ‚ ယကမၢကမၣ်ဘၣ်လၢ တၢ်အံၤ တဖီထီၣ်ဖးထီၣ်လၢၤဧါန့ၣ်လီၤႉ ဖဲယမါအမိၢ်အပၢ်တဖၣ် တံာ်ကွံာ် တၢ်မုၢ်ဖိတဖၣ်‚ ယတယာ်လၢ အ၀ဲသ့ၣ်ကထဲးထီၣ်ကွံာ် တၢ်မုၢ်တဖၣ်အံၤန့ၣ်လီၤႉ ဘၣ်ဆၣ်အခဲအံၤ‚ ယအုၣ်ဘၣ်ယသးလၢ‚ တၢ်အစၢလၢအဟဲအိၣ်ထီၣ်လၢတၢ်ပဲာ်ဃိကဆှီတၢ်လၢ အဖျါ မၤဆါဘၣ်တၢ်ဆူယအိၣ်န့ၣ်လီၤႉ
တၢ်ဃံတၢ်လၤလၢ အလီၤကမၢကမၣ်လၢ တၢ်အစၢလၢ တၢ်တံာ်ကွံာ် ကျီကွံာ် တၢ်နးနးကလဲာ်အံၤ မ့ၢ်တၢ်အဂ့ၢ်အခၢးအါမံၤအကျါတမံၤလၢ ကစၢ်ယ့ၣ့်ှှူး စူးကါ၀ဲ ဒ်သိးကပာ်ဖျါထီၣ် ကစၢ်ယွၤအတၢ်မၤလၢ ပှၤစူၢ်က့ၤနာ်က့ၤတၢ်တဖၣ်အကျါ န့ၣ်လီၤႉ လၢလံာ်ယိၤဟၣ် ၁၅ အပူၤ‚ အ၀ဲစံးဘၣ်ပှၤလၢ ‘‘ယဲဒၣ်အံၤ‚ ယမ့ၢ်စပံးအမုၢ် နီၢ်နီၢ်ဒီး ယပၢ်မ့ၢ်ပှၤပၢၤစပံးမုၢ်အလီၢ်လီၤႉ ကယဲၢ်ဒ့လၢ ယလိၤလၢအတသၣ်ထီၣ်ဘၣ်၀ဲ န့ၣ် ပဲာ်ကွံာ်၀ဲဒီး ကယဲၢ်ဒ့လၢအသၣ်ထီၣ်၀ဲန့ၣ် ဒ်သိးအကသၣ်အါထီၣ်ဒီး ပဲာ်ဃိကဆှီထီၣ်၀ဲဒၣ်လီၤ’’ (း၁-၂) ႉ
ကစၢ်ယ့ၣ့်ှှူးအတၢ်ကတိၤ ဒုးသ့ၣ်နီၣ်ထီၣ်ပှၤလၢ‚ အဘၣ်ထွဲဒီး တၢ် အကတီၢ်လၢအဂ့ၤ ဒီးအတဂ့ၤ‚ ထီဘိ ကစၢ်ယွၤမၤတၢ်လၢပပူၤ သူၣ်သးအနီၢ်သီဒီး တၢ်သၣ်ထီၣ်အါအါကလဲာ် (း၅) န့ၣ်လီၤႉ ဖဲအကတီၢ်လၢ‘တၢ်ပဲာ်ဃိကဆှီ’‚ လၢအမ့ၢ် တၢ်တူၢ်ဘၣ်တၢ်တမုာ်တလၤ မ့တမ့ၢ်သးအတၢ်ဃ့ထီ‚ ပကကမၢကမၣ်ဘၣ်လၢ မ့ၢ်ပဂံၢ်ပဘါကဆူၣ်ထီၣ်က့ၤဒံးဧါလီၤႉ ဘၣ်ဆၣ်‚ ကစၢ်ယ့ၣ့်ှှူး ဟ့ၣ်ဂံၢ်ဟ့ၣ်ဘါပှၤလၢ တၢ်ကအိၣ်စဲဘူး‚ ဘူးဘူးတံၢ်တံၢ်ဒီးအီၤ‚ ‘ဒ်ဒ့မ့ၢ်တအိၣ်တဆိးဘၣ်လၢ စပံးမုၢ်အလိၤ ဘၣ်ဒီး သၣ်ဒၣ်တၢ်တသ့ဘၣ်အသိးန့ၣ်‚ သု၀ဲသ့ၣ်အံၤ‚ သုမ့ၢ်တအိၣ်ဘၣ်လၢ ယပူၤ ဘၣ်ဒီး‚ သုသၣ်ထီၣ်တသ့ဘၣ်ဒ်န့ၣ်အသိးလီၤ’ (း၄) ႉ
ဒ်ပလဲၤကဒီးတၢ်ဆူညါလၢ တၢ်ဟံးန့ၢ်နီၢ်သးတၢ်ဂံၢ်တၢ်ဘါလၢ ကစၢ် ယ့ၣ့်ှှူး‚ တၢ်ဃံတၢ်လၤ ဒီးတၢ်သၣ်ထီၣ်အါအါကလဲာ်လၢပတၢ်အိၣ်မူအပူၤ‚ မ့ၢ်တၢ် အစၢလၢအဟဲဖျါထီၣ် (း၈) လၢတၢ်ကဒုးသ့ၣ်ညါဟီၣ်ခိၣ်လၢ ကစၢ်ယွၤ အတၢ်ဂ့ၤတၢ်၀ါန့ၣ်လီၤႉ