ယတံၤသကိးမုၣ်တဲဖျါထီၣ်လၢ ‘‘ယအဲၣ်ဘၣ်တၢ်ဆးတၢ်လီၤ’’ႉ အ၀ဲဆိကမိၣ်ထီၣ်က့ၤအတၢ်ဒိၣ်ထီၣ်ဘၣ်ဒီးအဖံတဂၤ‚ လၢအဆးန့ၢ်ဆ့ကၤလၢအဂီၢ်န့ၣ်လီၤႉ တဘျီလၢ်လၢ် ဖဲအနၢ်ဟူဘၣ်စဲးဆးတၢ်အသီၣ်‚ အ၀ဲအသူၣ်ဟူးသးဂဲၤ ဒီးဆိကမိၣ်ထီၣ်က့ၤ အတၢ်ဒိၣ်ထီၣ်က့ၤတၢ်လၢ‚ အ၀ဲအဖံဆးန့ၢ်အီၤဆ့ကၤတဖၣ်န့ၣ်လီၤႉ
အခဲအံၤ‚ ဒ်ပှၤဒိၣ်တုာ်ခိၣ်ပှဲၤတဂၤအသိး‚ ယတံၤသကိးအံၤ ဆးတၢ်ဒီး တိာ်လီၤတၢ်ဆူ ကဟ့ၣ်ခီတၢ်သ့တၢ်ဘၣ်လၢတၢ်ဆးတၢ်ဆူ အဖိမုၣ်အအိၣ်န့ၣ်လီၤႉ ဖဲလၢအဖိမုၣ်ဖိအံၤ မ့ၢ်အိၣ်ဒံးဒၣ်ထဲယဲၢ်နံၣ်ဧိၤ‚ အ၀ဲလဲၤကိး၀ဲဆူ ပှၤဆါတၢ်ကံးညၣ် အလီၢ်တဖၣ် ဒ်သိးတၢ်ကကလၢၢ်ဘၣ် တၢ်သးစဲန့ၣ်လီၤႉ တၢ်ဟ့ၣ်ခီတၢ်သ့တၢ်ဘၣ်လၢ တၢ်ကူၣ်တၢ်ကၤ မ့တမ့ၢ် တၢ်စူၢ်တၢ်နာ်သနိ လၢပှၤတစိၤဆူပှၤလၢခံတစိၤအံၤ မ့ၢ်တၢ် မၤညီနုၢ်လၢလုၢ်လၢ်ထူသနူတနီၤအကျါန့ၣ်လီၤႉ တၢ်လၢပှၤတဂၤစုာ်စုာ်မၤလိန့ၢ်လၢ အမိၢ်အပၢ်တဖၣ်‚ အ၀ဲသ့ၣ်ဟ့ၣ်ခီတၢ်ဆူ အဖိအလံၤတဖၣ်န့ၣ်လီၤႉ လၢအလံာ်ပရၠာစးၢဆူ စီၤတံၤမသ့း‚ စီၤပီလူးသ့ၣ်နီၣ်ထီၣ် တၢ်နာ်နီၢ်နီၢ်လၢ စီၤတံၤမသ့းအဖံနီၢ်လိၤအ့ၣ်ဒီး အမိၢ်နီၢ်အူၤနံက့ၤန့ၣ်လီၤႉ တၢ်အံၤ ဖျါလၢပိာ်မုၣ်ခံဂၤလိာ်အံၤ နီၤဟ့ၣ်လံာ်စီဆှံ အဆၢတဖၣ် ဒီးစီၤတံၤမသ့း‚ ဖဲအဖိသၣ်ဆံးကတီၢ်တုၤဒၣ်လဲာ် လၢအ၀ဲမၤတၢ်ဆၢတဲာ် သ့တစု ဒ်သိးကစူၢ်က့ၤနာ်က့ၤ ကစၢ်ယ့ၣ့်ှှူးဒ်အပှၤအုၣ်က့ၤခီၣ်က့ၤတၢ်န့ၣ်လီၤ (၂ တံၤ ၃း၁၅) ႉ
ပ၀ဲတခီ မ့ၢ်တၢ်ဒ်လဲၣ်ႉ မ့ၢ်ပဟ့ၣ်ခီပတၢ်စူၢ်တၢ်နာ်မနုၤဆူ ပစၢၤသီတဖၣ် န့ၣ်လဲၣ်ႉ ကစၢ်ယွၤအတၢ်အဲၣ်လၢပကအဲၣ်ဒိး မၤတၢ်ဒီး တၢ်ဟ့ၣ်ဆူၣ်ထီၣ်လၢသးစီဆှံ (၂ တံၤ ၁း၇) ‚ ပနီၤဟ့ၣ်တၢ်သးခုကစီၣ်လၢအဘၣ်ထွဲဒီး ကစၢ်ယ့ၣ့်ှှူး ခီဖျိပတၢ်စံး တၢ်ကတိၤအဖျၢၣ် ဒီးပတၢ်ဟူးတၢ်ဂဲၤတဖၣ် လၢအပာ်ဖျါထီၣ်တၢ်လၢ‚ တၢ်အံၤမ့ၢ် တၢ်လၢပမ့ၢ်ပှၤပိာ်ကစၢ်ခရၠာစးံာ်တဂၤ (၂ တံၤ ၂း၂) န့ၣ်သ့လီၤႉ လၢအအါန့ၢ်ဒံး တၢ်သ့တၢ်ဘၣ်လၢတၢ်ဘၣ်မၤလ့ၤအီၤ ပဟ့ၣ်ခီပတၢ်စူၢ်တၢ်နာ်လၢ အလုၢ်ပရၤဒိၣ်အံၤသ့၀ဲ န့ၣ်လီၤႉ